لو اتقدم لك عريس أسمر بلاك تيما.. توافقي ؟!

أنا متقدم لي عريس عن طريق صاحب أخويا، عايش في أمريكا وكل الصفات اللي فيه كويسة، وأخويا عارف أنه محترم ومن عيلة كويسة وشافني مرة وعايز يتقدم لي ومستعد يحقق كل طلباتي، بس في مشكلة هو أسمر زي بلاك تيما..
وأنا مترددة وماما بتقولي ماتاخديش واحد أسمر كده علشان هتجيبوا عيال من نفس اللون، وأنا مترددة مش عارفة عمل ايه أديلوا فرصة ولا أرفض ؟؟.
الرد:
بصراحة دي مشكلة عويصة ازاي توافقي على عريس أسود بلاك تيما مع إنك ممكن تستني شوية يتقدم لك واحد مثلا أبيض كايروكي.. أو قمحي وسط البلد.. أو هافان تامر هجرس، وإوعي تعمليها لا يبقعلك الملايات ويبوظ ورق الحائط لو سند ضهره عليه، والدكتور اللي هيولدك أكيد هايطل من أوضة العمليات يقوله:
مبروك المدام جابتلك "باندا" أبيض في أسود زي القمر، ولو كنتي ناوية تديله فرصة ننصحك بفير أند لفلي وعلى فكرة إنتي وماما في قمة التفاهة وعنصريين جدا.