إزاى تستقبلى جوزك!

عزيزتى المرأة كان زمان بندرس وصايا أم لابنتها، وكانت بتوصى فيها بنتها على جوزها وقد إية لازم تستقبله بعد عودته من العمل بشكل جيد، لكن بمرور الوقت وعلى أرض الواقع لم يكن لتلك الوصايا أى مردود إيجابى، علشان كدة لازم تغيريها، يعنى مش أول ما جرس الباب يرن تجرى على المرايا تسرحى شعرك وتحطى برفان، هيفتكرك قاعدة طول اليوم مرتاحة ومفيش وراكى غير المراية، علشان كدة لازم تقابليه بصورتك الطبيعية شعر منكوش وبرفان طبيعى من البصل والثوم علشان يعرف قد إية بتتعبى وتتبهدلى زيك زيه.
أوعى تضحكى فى وشه، هيعتقد أنك قاعدة طول اليوم سعيدة ومبسوطة وبالك مرتاح ، وهو اللى متبهدل فى الشغل، علشان كدة نكدى عليه بدرى واشتكى له من كل حاجة حواليكى حتى الجيران والعيال، لازم يحس قد إية انت كمان متبهدلة ومحروق دمك.