بعد المصالحة.. ميرهان حسين توجه رسالة لتامر حسني وبسمة بوسيل

عبرت الفنانة ميرهان حسين، عن سعادتها بمصالحة كل من الفنان تامر حسني وزوجته بسمة بوسيل، بعد إعلان بسمة الإنفصال منذ أيام قليلة، ونشرت ميرهان صورة تجمع الزوجين من خلال حسابها الرسمي على "إنستجرام"، وعلقت عليها قائلة: "ربنا يخليكوا لبعض ولولادكوا ويبعد عنكوا كل حاجة وحشة.. بحبكو سوا ويارب دايما سوا".
وكانت قد تراجعت الفنانة المغربية المعتزلة بسمة بوسيل عن نشرها إعلان خبر الإنفصال منذ يومين على حسابها الرسمي على "إنستجرام"، وذلك بعد ما نشره تامر حسني اليوم من محاولة للصلح بينهما، حيث نشرت بسمة عبر خاصية الستوري عبر حسابها الرسمي على "إنستجرام" رد على كلام تامر قائلة: "فعلًا اتهورت.. بس عشان بحبك".
وكان تامر كان كتب منذ عدة ساعات: "بسمة حببيتي للاسف انتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ نسوكي انك عرفتيني وانا مشهور ودي طبيعة شغلي إلى عرفتيني وحبيتيني بيها، أزاي وصلوكي للزعل والبعد فترة.. المهم انا مش هزعل منك ولا يرضيني زعلك انتي حبيبتي وام ولادي.. انا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير.. ليه لما اي حد بيزعل من حد بيطلع يكتب عليه في السوشيال ميدي طب حتى يكلمه الاول ايه علاقة الناس بعلاقة شخصية بين اتنين ممكن تتحل بالتليفون أو في زيارة رحيمة ما بينهم وياريتها مشكلة اصلا.. ربنا جعل ما بينا مودة ورحمة عشان كدا للاسف انتي عارفة ان في ناس في طبيعتهم حب خراب البيوت ومش هنخلص منهم بس انتي اللي هتخلصي من فكرة انك تسمعيهم.. مع انك مكنتيش كدا".
وأضاف:"ياريتك تركزي مع طاقة الناس اللي دعولنا ودعوا لاولادنا وفعلا انا بشكر كل الناس والفنانين اللى سعوا في الخير لينا.. وانا واثق انك دلوقتي زعلانة انك كتبتي كدا.. هو تصرف متهور منك بس ولا يهمك مش عيب ان الإنسان يغلط ويتعلم وانا ياما علمتك ولسة هعلمك كان نفسي الكلام ده يكون بينا لكن انتي اشركتي الجمهور الكريم فكان لازم ارد هنا.. وبينا حب عالي وحياة كريمة وأولادنا وبيتنا أغلي ما فيها ربنا يخلينا ليهم ويخليهم لينا يارب.. متهورة بس بحبك".
يذكر أن بسمة كانت أعلنت إنفصالها عن تامر منذ عدة أيام وكتبت: "لكل الناس اللي بتبعتلي صور وفيديوهات لتامر وشايفة انه مش بيعملي احترام سواء في صور أو فيديوهات، ياريت تبطلوا تبعتولي اي حاجة عشان مش فارقلي اي صور.. وكمان احب اعرفكوا ان احنا بقالنا فترة منفصلين وبنحضر أوراق الطلاق.. لو سمحتوا احترموا مشاعر كل حد فينا وبطلوا على الأقل تبعتولي انا اي حاجة.. بالتوفيق للجميع".