نشرت الفنانة ميرهان حسين صورًا تجمع الفنان تامر حسني بزوجته الفنانة بسمة بوسيل، عبر حسابها الرسمي بموقع "إنستجرام". علقت ميرهان على الصور :"ربنا يخليكوا لبعض، ولأولادكم ويبعد عنكوا كل حاجة وحشة، بحبكوا سوا، ويارب دايمًا سوا". وكانت أعلنت منذ أيام بسمة بوسيل خبر انفصالها عن الفنان تامر حسني. وكتب تامر منذ قليل منشورًا، على خاصية "القصص القصيرة"، عبر حسابه بموقع "إنستجرام"، :"بسمة حبيبتي للأسف أنتي مفكرتيش كويس وسلمتي ودانك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور، ودي طبيعة شغلي اللي عرفتيني بيها، إزاي وصلوكي للزعل وللبعد فترة". وأضاف تامر :"المهم أنا مش هزعل منك، ولا يرضيني زعلك، أنتي حبيبتي، وأم ولادي أنا سندك وظهرك مهما حصل، بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون، أو في زيارة رحيمة بينهم، ويارتها مشكلة أصلا، وربنا جعل ما بينا مودة ورحمة، عشان كدا للأسف أنتي عارفة إن في ناس في طبيعتهم حب خراب البيوت، ومش هنخلص منهم بس أنتي اللي هتخلصي، من فكرة إنك تسمعيهم، مع إنك مكنتيش كدا". وتابع تامر في منشورًا أخر :"ياريت تركزي مع طاقة الناس اللي دعولنا ودعوا لاولادنا بكل خير، وفعلا أنا بشكر كل الناس والفنانين اللي سعوا في الخير لينا، وأنا واثق إنك زعلانة دلؤتي أنك كتبتي كدا، هو تصرف متهور منك بس ولا يهمك مش عيب الإنسان يغلط ويتعلم، وأنا ياما علمتك ولسه هعلمك، كان نفسي الكلام دا يكون بينا لكن أنتي أشركتي الجمهور الكريم فكان لازم أرد هنا، بينا حب غالي وحياة كريمة وأولادنا وبينا أغلى ما فيها ربنا يخلينا لينا ويخليهم لينا، يارب، متهورة بس بحبك". وتزوج الفنان تامر حسني من الفنانة بسمة بوسيل، في 2012، وأنجب منها ابنتين، هما "تاليا وأمايا"، وولدا اسمه "آدم". View this post on Instagram A post shared by Mirhan Hussein (@mirhanhusseinmima)
