أول رد فعل من تامر حسني على أخبار طلاقه من بسمة بوسيل.. ميرضيش زعل حبيبتى وأم ولادى

وجه النجم تامر حسني رسالة عتاب لزوجته المغربية بسمة بوسيل بعد الأخبار عن انفصالهما، حيث كتب عبر حسابه بموقع "انستجرام" :"بسمة حببتي للأسف انتي مفكرتيش كويس وسلمتي ودنك لشر السوشيال ميديا عشان كان تعليق كلامهم فارغ نسوكي أنك عرفتيني وأنا مشهور ودي طبيعة شغلي إلى عرفتيني عليها وحبيبتني بيها، أزاي وصلوكي للزعل والبعد فترة .. المهم أنا مش هزعل منك ولا يرضيني زعلك انتي حبيبتي و أم ولادي .. أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير".

بوست تامر حسنى


بوست تامر


وتابع :"ليه لما أي حد بيزعل من حد بيطلع يكتب عليه في السوشيال ميديا طب حتي يكلمه الأول إيه علاقة الناس بعلاقة شخصية بين أتنين ممكن تتحل في التليفون أو في زيارة رحيمة ما بينهم وياريتها مشكلة أصلا.. ربنا جعل ما بينا مودة ورحمة عشان كدا للأسف أنتي عرفى أن في ناس في طبيعتهم حب خراب البيوت ومش هنخلص منهم بس انتي اللي هتهلصي من فكرة انك تسمعيهم.

وأضاف :"ياريتك تركزي مع طاقة الناس اللي دعولنا ودعوا لولادنا وفعلا انا بشكر كل الناس والفنانين اللى سعوا في الخير لينا.. وانا واثق انك دلوقتي زعلانة انك كتبتي كدة.. هو تصرف متهور منك بس ولا يهمك مش عيب ان الانسان يغلط ويتعلم وانا ياما علمتك ولسة هعلمك كان نفسي الكلام ده يكون بينا لكن انتي اشركتي الجمهور الكريم فكام لازم ارد هنا.. وبينا حب عالي وحياة كريمة وأولادنا و بيتنا أغلي ما فيها ربنا يخلينا ليهم ويخليهم لينا يارب.. متهورة بس بحبك"

وقالت مصادر إن صورا مفبركة للنجم تامر حسنى كانت وراء غضب زوجته بسمة بوسيل، وبدأ الخلاف القائم، وسط سعى عدد كبير من أصدقاء الزوجين لإنهائه الآن، حيث يتواجد أصدقاء مشتركون بين تامر وبسمة فى منزل كلاهما، لإنهاء الاختلاف القائم بين الزوجين، والأمور الآن فى طريقها للحل النهائي.