بسبب كورونا.. أديب يطالب بوقف الصلاة في المساجد

علق الإعلامى عمرو أديب، خلال برنامج الحكاية الذى يذاع على قناة mbc مصر، على التزاحم الذى شهدته صلاة الجمعة من قبل المصلين، قائلا: "كل المراجع العلمية قالت أننا مينفعش ننزل صلاة الجمعة الأسبوع ده، حتى الحرم المكى والمسجد النبوى اتوقفت فيهم صلاة الجماعة، لكن إحنا لا، الناس كلها نزلت ولا كأن في أى حاجة، نفسهم في نفس بعض ولازقين في بعض، ذنب اللى هيموتوا فرقبة مين؟ يجب أن يصدر قرار بوقف الصلاة في المساجد".
وعرض أديب، فيديو لمجموعة كبيرة من المصليين بعد انتهاء صلاة الجمعة في مسجد السيدة زينب، يرددون التواشيح بالقرب من قبر السيدة زينب، وعلق قائلًا: "هل ده يرضى ربنا؟ هو ربنا قال كدة؟ لا تلقوا بأنفسكم في التهلكة، عارفين لو في أى دولة تانية كانت الشرطة دخلت قبضت على الناس دى كلها، حريتك الشخصية مينفعش تضر بيها غيرك، دى مسمهش حرية شخصية أبدا، الصلاة في البيت بتتقبل على فكرة، سلامة الإنسان تأتى في المقام الأول، وفى أشياء كتير بنعملها وفى فرصة قصادنا نبطلها عشان نقلل مرحلة ارتفاع المصابين".