بالفيديو.. سألنا البنات.. "لو إتقدملك عريس وقالك تقعدي من الشغل هتعملي إيه"

تظل فكرة "سي السيد" مترسخة في أذهان العديد من المصريين وتحديدًا الرجال، ورغم ذلك إلا أن هناك بعض الفتيات ترفض هذه الفكرة تمامًا في ظل ارتفاع نسبة العنوسة الآن، فهذه الفكرة لها العديد من الأوجه من أبرزها ديكتاتورية الرجل بخصوص عمل المرأة، وفي هذا الإطار رصدت عدسة "البوابة نيوز" آراء بعض الفتيات حول "لو اتقدملك عريس وقالك تقعدي من الشغل هتعملي أيه"، وجاءت بعض الردود ساخرة من هذه الفكرة.
وقالت ياسمين "هرفض طبعًا أنا كنت مخطوبة وفسخت علشان عايزني أقعد في البيت أكيد مش هقعد في البيت بعد التعب في ثانوى والجامعة"، وقالت دينا: "مش بعد التعليم دا كله يجي واحد ويقوللي خليكي في البيت أكيد هتناقش معه رغم إنه أفضل إنى أقعد في البيت"، وقالت نوال: "هقوله المواعين مستنياك في البيت يا حبيبي أقعد أنت"، وقالت دعاء: "مش هقعد في البيت هو عايز يقعد ينضف ويغسل مواعين يقعد في داهية"، وقالت نرمين: "خليك أنت قاعد جنب أمك وأنا اللى هصرف عليك لما أتجوزك"، وقالت رحاب: "لا طبعًا مش هقعد لأني مضمنش عيشتي معاه هتكون مرتاحة ولا لأ ومضمنش إنى هاستمر معه"، وقالت رضوى: "هقعد بس بشروط لو هيقدر يكفيني ويحققلي اللي عايزاه ماشي والبنت لازم تدي بيتها حقه ومتقصرش فيه".