بالفيديو.. حتى لا ننسى.. عبدالرحيم علي كشف تحريض أسماء محفوظ على اقتحام أمن الدولة في 2011

يعيد موقع "البوابة نيوز"، بث المكالمات التي أذاعها الإعلامي عبدالرحيم على، في برنامجه "الصندوق الأسود، والتي فضح من خلاله الخونة ونشطاء السبوبة والإخوان الذين باعوا ثورة 25 يناير 2011، ويدعون حاليًا إلى التظاهر في الذكرى الخامسة للثورة لإشعال الفتن وإفشال النظام الحالى.
وكان على رأس هؤلاء أسماء محفوظ، القيادية بحركة 6 إبريل، والتي كانت تحرض على اقتحام مقرات أمن الدولة بحب المكالمات المسجلة لها.
وجاء نص المكالمة:
اسماء محفوظ: ايه يا باشا.. ايه الأخبار
سوكه: تمام الحمد لله
اسماء محفوظ: أنت فين
سوكه: أنا في أمن الدولة لسه.. مروح اهه
اسماء محفوظ: لاظوغلي ولا مدينة نصر
سوكه: لا مدينة نصر
اسماء محفوظ: اه طب الناس راحت على لاظوغلي
سوكه: فتحوه ولا لسه
اسماء محفوظ: لا لسه.. اه رايحين.. خلاص شويه وهيفتحوه.. بس منا كلمت كذا حد.. قولتلهم والنبي هتولي الملف بتاعي
سوكه: لا الملفات بتاعتنا كلها هنا
اسماء محفوظ: هنا فين في مدينة نصر
سوكه: آه
اسماء محفوظ: شوفت ملف أي حد فينا
سوكه: لا مكالمات تليفون بس اتحكالي عنها يعني
اسماء محفوظ: اتحكالك عنها ايه زي مين
سوكه: يعني اللي هو.. مكالمات تليفون ليا
اسماء محفوظ: ايه ده ليك!
سوكه: آه
اسماء محفوظ: لا يا راجل
سوكه: آه والله.. كمية مكالمات تليفون كتير جدا جدا جدا جدا جدا جدا ليا متفرغه تفريغ نصي
اسماء محفوظ: يا لهوي طب وأنا
سوكه: لا انتي لا
اسماء محفوظ: ماهر قالي اني في لاظوغلي
سوكه: ما أكيد كلنا في لاظوغلي اكيد.
اسماء محفوظ: ايه!
سوكه: لينا ملفات.. انا بتكلم على الحاجات اللي هنا
اسماء محفوظ: ايوه يعني.
سوكه: لقيت ملف كارثة.. ملف أنا اللي لقيته
اسماء محفوظ: ايه.. مين
سوكه: ملف لماهر وباسم وأمل شرف
اسماء محفوظ: ايه ده ايه بقى
سوكه: فضايح يعني
اسماء محفوظ: لا يا راجل!
سوكه: آه والله
اسماء محفوظ: تأليف ولا ده بجد ولا ايه
سوكه: لا ده بجد.. وماهر حتى ما انكرش
اسماء محفوظ: انت كلمته
سوكه: اه كلمته
اسماء محفوظ: قالك ايه
سوكه: قال يا لهوي.. اتفضحنا.. قولتله متقلقش مفيش حد خد باله.. مفيش حد قرأ حاجه أنا اللي قريت.. وكمان معايا ورق بس مرضتش اقوله اني معايا ورق خالص.. ومصطفى ماهر لقي حاجات شخصية لإسراء وماهر.. مرضيش يقولي عليها ومرضيش يورهالي.. قالي حاجات شخصية.. بس في واحد صور الملف ده وهيبعتهولي النهارده.. والورق اللي معايا بقى شيلته.. الواد أساسا اللي كان معايا ده هو عارفهم.. واد من الناس القديمة.. اسمه إسلام سعيد