بالفيديو.. "الصندوق الأسود" يذيع تسريبًا للحداد يتحدث عن كيفية استغلال الأموال عقب فض رابعة

أذاع الكاتب الصحفي والإعلامي عبدالرحيم علي، رئيس مجلس إدارة "البوابة نيوز"، خلال برنامج الصندوق الأسود على فضائية "العاصمة"، مساء اليوم الأربعاء، مكالمة مسجلة بين جهاد الحداد، المتحدث الرسمي باسم تنظيم الإخوان، وأحد الأشخاص، يتحدث عن تحركات الجماعة في مرحلة ما بعد فض اعتصام رابعة العدوية وعن الأموال، وكيفية استغلال التصوير والكاميرات في الترويج لهم، كما يقدم نصائح للشخص المجهول يدعى "سامح" عن طريقة الدخول على الإنترنت بطريقة خفية حتى لا يتم رصدهم من قبل الشرطة، وجاء نص المكالمة كالتالي:
الحداد: سلام عليكم.
سامح: عليكم السلام.
الحداد: أيوه يا سامح.. أيوه يا حبيبي باقول لك.. خلي عمر يشتغل دلوقتي باسم منسق إعلامي التحالف المناهض للانقلاب، آه مش من تليفونه الرئيسي من تليفون يتكلم منه فترة ويقوم جي راميه، أول ناس يكلمهم بس يكلم المركز.. إنت عارف رقم سندس اللي.. رقم تليفون يحيى اللي بنحور عليه ده مش كده؟
سامح: إممممم آه.
الحداد: حلو هو ده يعني كلمه كلمه كلموها وقولوا لها دلوقتي إن إحنا اتفقنا مع جهاد أن عمر بس هو اللي يستقبل المكالمات وكدا، وتأكد أن عمر دايمًا "برايفت" يعني تأكد أن عمر عارف اللي بيحصل.. بس يعني أنا قلقان إنه يتكلم بالحالة الثورية أكثر منه الكلام السياسي، لأن أي كلمة دلوقتي هتأثر علينا، فخلي عمر دلوقتي مايتكلمش عن مواقف يتكلم عن حقائق، أنا في المكان الفلاني، عدد الجثث اللي أحصيناها كذا، حاليًّا الوضع كذا، يعني، فاهم قصدي إيه؟
سامح: آه.
الحداد: ماشي.
سامح: طيب حاضر.
الحداد: إحنا دلوقتي التغطية العالمية كويسة جدًا.. الحاجة التانية بس أنت التليفون اللي حصل فيه عملته وايت كله.
سامح: أنا عملته وايت، وعملت الآير موود.
الحداد: طيب.
سامح: وقفلته.. هو والتليفون بتاع دكتور أسامة، وسبته عند الراجل اللي إحنا كنا عنده.
الحداد: طيب خلاص، ماشي، لو عندك تواصل مع الراجل اللي أنت اللي إحنا عنده ده، قل له خليه معاه طبعًا، أنا قلت يكون أفضل معاك أنت تجيبه لي.. بس خلاص يعني لو هو معاه قول له خليه معاه لأني مش عاوزه يقرب مننا هنا.
سامح: طيب.
الحداد: لأن هو لو حتى مقفول برده ممكن الشبكة تتلقط.
سامح: طيب.
الحداد: خلاص.. طيب إنتو دلوقتي إنتو متأمنين مش كدا؟
سامح: آه إحنا في شقة عمر فموضوع التأمين ده يعني مهواش..
الحداد: طيب خلاص دي على الأقل لا يعني إن شاء الله ما فيهاش حاجة، يعني المهم المهم التليفونات اللي كانت بتبقى "أكتف" ماتبقاش "أكتف" دلوقتي إنتو كام واحد؟
سامح: هاتكلم في خمستاشر.
الحداد: طيب كويس أنا هابعت لك دلوقتي الهيكل اللي إحنا ممكن على أساسه نشتغل طلعتوا حاجة من الأجهزة اللي كانت موجودة جوا تبعنا؟
سامح: آه فيه هارد كانت كاميرات البث.. آه الهارد بتاع كاميرات المراقبة؟
الحداد: آه
سامح: موجود معانا بس فيه مشكلة تقنية كدا بنحاول نحلها، وفيه حد هيروح دلوقتي يجمع الهاردات زي ما كنت بتخطط بالظبط.
الحداد: طيب أي هارد فيه مشكلة سيبه لي.. حطه لي على جنب وسيبه لي، أنا باعرف أفك الحاجات دي.
الحداد: آه.. اللهم صلّ على سيدنا محمد.. إيه تاني؟ الكاميرات، مافيش حاجة عرفتوا تجيبوها منها ولا من الطيارات؟
سامح: لالا الطيارات لا.
الحداد: الطيارات الأربعة راحوا مننا.
سامح: تقريبًا فيه 2 منهم جاهزين في أمريكا مستنيين بس يوصلوا في أي وقت.
الحداد: آه وكان فيه 2 في شنطة العربية بتاعة عمر.
سامح: شنطة العربية بتاعة مين؟.. عمر؟
الحداد: آه.
سامح: مافيش حاجة اتقالت يا باش مهندس.
الحداد: كام قل له متساب هناك.. إنا لله وإنا إليه راجعون.
الحداد: إنا لله وإنا إليه راجعون.. طيب طيب يعني خلاص هنحتاج نصرف تاني إحنا بقى صرف محترم.
الحداد: الطيارات الكاميرات الجو برة.
سامح: الجو برة معانا معانا الاتنين معانا بتاعة حضرتك.. وفيه واحدة مع صلاح.
الحداد: حلو الاتنين معانا بحاجتهم كلهم؟
سامح: مش حاجتهم الكاميرا نفسها؟
الحداد: الكاميرا نفسها بس.
سامح: آه عمومًا إحنا معانا ما يقرب من 280 ألف.
الحداد: دي كانت موجودة هناك برضه؟.. كانت متسابة هناك؟
سامح: لا لا دي كانت فلوس ده إجمالي اللي موجود مع ال 15 واحد اللي معانا كل واحد في جيبه عشرة مثلًا، ولا حاجة وفيه 20 ألف دولار و45 ألف مصري كنا سايبينهم في بيت عمر، بس الإجمالي معانا تقريبًا في حدود 280 ألف هنصرف منهم على الحاجات التقنية.
الحداد: آه بالظبط يعني ركز في دي.. لأن دي الحاجة اللي الباور اللي إحنا لو زودنا منها هنشتغل كويس.
الحداد: طيب بص يا حبيبي، هاقول لك على حاجة تانية كمان.. حد فيكم معاه كيردت كارد.
سامح: هاشوف أكيد عمر معاه.
الحداد: طيب.. فيه ويب سايت اسمها برايفت إنترنت براوزينج.
سامح: إمممم.
الحداد: خشوا عليه، خلي عمر يشتري منها أكونت ل 5 أجهزة ولا حاجة.. ال5 أجهزة دول بس اللي يخشوا على النت، ودي بتعمل حاجة اسمها في تي إن "فيرتشوال برايفت نت ورك".
سامح: إمممم.
الحداد: يعني أحسن حاجة أن جهاز واحد هو اللي يخش مثلًا على ال"في تي إن" ده يروح جاي موصل بانال على حاجة برة مصر، وبعدين كلكوا تشتغلوا من البانال ده.. ميزته أن ولا حاجة م الحاجات اللي أنتوا تشتغلوا فيها بتبقى ملقوطة جوة مصر.. لأن هو لو مصر وعملت أي بوست على "فيس بوك" ولا نزلت على "تويتر" ولا أي حاجة م الحاجات دي كلها.. هيطلعوا المكان هيطلع.
سامح: يعني.. ماشي حاضر.. أنا هابلغ عمر بالكلام ده، وهخليه يكلم حضرتك تاني.
الحداد: طيب هي الويب سايت بيظهر العملية كلها اسمها برايفت إنترنت براوزينج.
سامح: ماشي خلاص.
الحداد: خلاص.
سامح: ماشي خلاص حاضر.
الحداد: ماشي يا حبيبي خلي بالك من نفسك.. سلام.
سامح: سلام.