حديث المدينة

مفيد فوزى : عالم الرؤساء ده عالم مغلق لاتتسرب منه اى تفاصيل ولاحد يعرفه وحتى لو حاول فضولا مش هيعرف لكن هناك احيانا ناس موجودين معانا فى الشارع ممكن ببساطة شديدة جدا يعرفوا الرؤساء من خلال حلاقة من خلال الترزى اللى بيفصل له بدلة من خلال دكتورالاسنان اللى بيعالج له اسنانة من خلال حتى سواق القطار اللى بيسوق القطار قطار الرؤساء هذه محاولة لاقتحام هذا العالم والتقاط بعض التفاصيل سموها فضولا سموها رغبة فى المعرفة سموها رغبة فى اضافة معلومات لكن اى شئ يتعلق بالرؤساء من يثير فضول حضارتكم المحاولة فى حديث المدينة
فاصل
مفيد فوزى: محمود انت يعنى عاوز ادردش معاك واعرف منك حاجات برضه اذا كان مسموح يعنى ان انا اعرفها يعنى خصوصا تتعلق بالرؤساء ؟
محمود:مفيش مشكلة انا بتعامل مع الناس كلها واحد انا من وجهة نظرى الغفيرزى الوزيرعلى الكرسى انا ما بتعاملش مع الناس مش بوضعة انا بتعامل معاه كا بنى آدم كانسان
مفيد فوزى :كويس انت اول صلتك بالرؤساء كانت من خلال مين ؟
محمود :من خلال ولاد عبد الناصركان بيجيلى حكيم عبد الناصرمع اصدقائة مرة منهم وكذا مرة بقى بعد برضه رحت المنشية هناك طبعا كنت بحلق لازواج بناتة اللى هو حاتم صادق واشرف مروان وبعدين اتعرفت على السيد الرئيس هناك من خلال البيت لما بروح
مفيد فوزى: ليه ما حلقتش للرئيس عبد الناصر والله انا عمرى ما قلت لاحد كانوا بيعرفونى على كل الناس كنت باعرفهم من خلال شغلى يعنى انا مرة كنت سهران فى تمرين وجم قالوا لى تعالى معانا نعرفك على بليغ حمدى رفضت معرفش انا نوعية من الناس خجول جدا ومعرفش يعنى اعرض سلعتى اوانا فلان اواو الكلام ده كلة انا باعرف كل الناس اللى انا عرفتها من خلال الكرسى دوت الكرسى ده هو اللى له فضل عليا لان انا فاتح محل علشان ابقى صنيعيى جواه انت امتى بدأت علاقتك بالرئيس السادات ؟
محمود: جاء مرة جمال السادات مع عبد الحكيم فى المحل هما كانوا مجموعة وجم وعرفونى على جمال السادات حلقت له وبعد منها بصيت لقيت بعد منها باسبوع برضه يكلمونى كانوا عاوزنى ابوه شافة مين اللى حلق لك قال له فلان قال له هاته ورحت
مفيد فوزى : يعنى جمال لما انت حلقت له طلعت الحلقة حلوة شافة انبسط ؟
محمود: الحلاقة حلوة من وجة نظرى كانت حلاقة
مفيد فوزى: حلوة؟
محمود: طبعا
مفيد فوزى: ورحت للرئيس؟
محمود: ورحت للرئيس اه
مفيد فوزى: انت لما دخلت للرئيس السادات هتخش معاه فى مناقشة اثناء زيى كده يعنى بترغى معاه زيى انا؟
محمود :هو حسب حالتة انا ادبيا مع اى زبون مش مفروض افتح حديث الحديث اللى بيفتحة الزبون هو اللى بيبتدى وانا عليا ارد او جاوب انما انا لا افتح حديث مع اى احد انما الطبيعى انا طول عمرى صامت باحلق وانا صامت ما بتكلمش
مفيد فوزى :على عكس اللى بيتقال؟
محمود:على عكس اللى بيتقال ماهو اللى بيتقال دوت مجرد ان هو بيجى اصلا من الجمهور هو اللى بيتكلم فا الصنيعيى هوا للى بيرد عليه
مفيد فوزى: طب الرئيس السادات بيتكلم ؟
محمود: بيتكلم طبعا يعنى دائما هو بيتكلم انما فى الاول اول مقابلة وانا بحط له الفوطة قال لى هقولك على العيوب اللى فى شعرى وبعدين علشان تشوف
مفيد فوزى :دا الرئيس السادات ؟
محمود:اه
مفيد فوزى :قالك هقولك على العيوب اللى فى شعرى؟
محمود: اه
مفيد فوزى :وانت تعالجها ؟
محمود:اه انا قلت له كذا وكذا وكذا قال لى انت فاهم شغلك شوف شغلك اشتغل
مفيد فوزى :واشتغلت ؟
محمود : هو الحديث الوحيد اللى ابتدينا به اول
مفيد فوزى : فيما بعد بقى ؟
محمود: فيما بعد بقى كانت الاحاديث المطروحة او الظروف الحالية فى البلد يعنى كان بيبقى الوضع حاليا بيتكلم فيه وانا بأرد
مفيد فوزى: زى؟
محمود:انا هقول لحضرتك انا المرة الوحيدة ا للى سألت فيها سؤال كان من ايام 18 و19 يناير انتفاضة الحرامية
مفيد فوزى:كان سماها كده؟
محمود: فا انا كنت باشتغل فى 16 عبد الخالق ثروت سنة 51 وحصل اياميها فى سنه 52 حريق القاهرة فا انا حصل حريق القاهرة ديت وبعدين انا اخذتها من هناك لحد بيتنا ماشى وصلت لحد الظاهر لقيت سينما ريالتو والمنطقة هناك والقهوة اللى فيها البلياردو كل دوت مولع فا انا وقفت متعجب وما اعرفش اية اللى حصل ده فا انا كنت لحد ما حصل ا لانتفاضة ده انا معدنيش معلومة عن حريق القاهرة الا كلام انما ما اعرفش حقيقته فا انا حبيت اعرف فا انا قلت له ياافندم يعنى انا ايه ايه سبب الحكاية دى
مفيد فوزى:يعنى وانت بتشتغل ؟
محمود:وانا بشتغل
مفيد فوزى: زى ما انت بتشغل دلوقتى معايا كده؟
محمود:اه لأ انا ساعت لما باتكلم انا بابقى شغال وساعة ما بيجى يحصل حوار انا لازم ايدى تقف يعنى انا ماعرفش الاثنين الاثنين احنا اجازة
مفيد فوزى :على عكس الناس هههههههههه؟
محمود: اه انا برضها فا اللى حصل سألته السؤال دوت
مفيد فوزى : قلت له ايه قلت له ياريس ؟
محمود: اه يعنى ايه سبب اللى حصل ده وحرق البلد وتوليع وتكسير عربيات انا كانت بالنسبة لى عاوز اعرف ايه السبب فا القاهرة فى 52
مفيد فوزى: تمام
محمود: ما كنتش ادرك المسألة دى كنت لسة 13 سنه فا مكنتش مش واخد بالى من الحكاية فهو قالى يا محمود انت بتستهلك سكر اد ايه فى الشهر
مفيد فوزى :بيسألك انت ؟
محمود:اه فا انا وقفت يعنى عارف
مفيد فوزى: اندهشت؟
محمود:اه يعنى ايه انا يمثل ايه السكر ليا بالنسبة لى بيمثل كوابية الشاى فقلت له كيلو يكفينى طول الشهر يا ريس فقال لى طيب لما يبقى فى ازمه تعمل ايه قلت له اخذ نصف كيلو بدل ما احط ثلاث ملاعق احط ملعقة ونصف قالى شوف انت قلت ايه اللى المشكلة الكبار القادرين اللى هو بيبعث لحماتة شوال 50 كيلووبيبعث لحبايبة اللى بيشترى السكر المدعوم ويبعها لاوتيلات والحلاونية هما دول اللى بيعملوا مشكلة
فاصل
يا فندم الناس زعلانه علشان الفلسطينين والعرب ما جوش مؤتمر مينا هاوس اه مجوش علشان مش فاهمين ازاى يا ريس
احمد ذكى :انت عندك محل طبعا يا محمود ايوه كام كرس
محمود:عندى 8 كراسى
احمد ذكى : المحل ده فجأة اتسرق منك اتنهب لقيت نفسك فى الشارع هتعمل ايه ؟
محمود: هعمل حاجات كثيريا افندم
احمد ذكى : رحت واشتكيت ورفعت قواضى وعملت كل المحاولات الشرعية والغير شرعية لدرجة انك بقيت تصرخ وتشتم وتزقل الناس بالطوب فى الشارع بقيت بقيت فى نظر الناس اللى فى الشارع ايه مجنوناديك قلت انا عملت لك ايه بقى
محمود:ايه ؟
احمد ذكى : جبت لك كرسى جوا المحل بتاعك تقوم تقولى يا المحل كلة يا بلاش
محمود: لأ يا افندم اخذ الكرسى وبمجهودى
احمد ذكى : بمجهودى ادى انت فهمتها هما بقى مش عايزين يفهموا انا صحيح جب لك كرسى واحد بس انت وشطرتك بقى ممكن تأخذ الكرسى الثانى ممكن تأخذ الكرسى الثالث هههههو ممكن تأخذ المحل كلة هما مش عايزين يجتهدوا يا افندم هما مش عايزين يجتهدوا ومش عايزين يفهموا بعدين يا محمود
احمد ذكى : نيجى للرئيس السادات الله يرحمة تليفونات اثناء ما بيشتغل
محمود: لأ
احمد ذكى :مفيش
محمود: لألألأ
احمد ذكى :يعنى ما يقولكش استنى يا محمود لما يرد
محمود: لألأ مفيش الكلام ده طول ما هو بيحلق هو فى مرحلة هو خارج عن الخدمة يعنى بيبقى قاعد للحلاقة بس
احمد ذكى: قولى يا محمود انت وانت بتحلق للرئيس السادات بيقعد يبص بيأخذ باله يعنى مثلا بيقرأ جرنال والا
محمود:دى على حسب موده هو موده هو ساعات يقعد صامت طول الوقت
احمد ذكى :ما يتكلمش ؟
محمود: لان هو بيبقى فى حالة حاجة عندة شغلاه وهو بيفكر فيها فهو اثناء الحلاقة بيقعد ساعات بيبقى فيه حاجة مضيقاة يعنى زى مرة بيقولى مثلا الناس مش عايزة تدفع الضرائب ناس انا عرفهم وعندهم ايه وكانوا بيدفعوا 100 جنية ضرائب فى السنه ودلوقتى عندهم ايه وبيدفعوا نفس ال 100 جنية وده اللى كان بيحز فى نفسة قوى
احمد ذكى : مين اللى فتح الموضوع؟
محمود: هو اللى كان فتحة الموضوع ده
احمد ذكى:لوحدة كده؟
محمود: لوحدة يعنى انا دائما لما باشتغل مع العميل انا باستشعر هو حالتة النفسية ايه وانا زى ما باحلق للزبون بقالى 20 سنه باحلق له كل مرة باحلق له كأنها اول مرة لان المود بتاعه بيتغير فا الشعراية بتتغير فا التركيبة كلها بتتغير فا انا باعمل مع دلوقتى
احمد ذكى: الشعر بيتأثربالحالة النفسية ؟
محمود: كل حاجة
احمد ذكى : بتحس انت ده اثناء ما بتشتغل؟
محمود: اه باحس دوت وهو ساعات لما بيبقى صامت قوى تبص تلاقنى انا باركز اكثر
احمد ذكى :اه
محمود:فى الشغل
احمد ذكى :عائليا محدش بيتحرك عند حد يجى له يكلمة بتاع
محمود:لألأ خالص
احمد ذكى :السيدة جيهان السادات
محمود:لألأ هى ساعات حتى بتبقى معدية ازيك يا محمود وبس يعنى انما بيبقى حتى مفيش مساحة
احمد ذكى: هل الرئيس السادات وهو بيحلق بيبقى لابس بيجامة ساعات بيبقى لابس بيجامة ساعات بيبقى لابس قميص وبنطلون وساعات بيبقى لابس بدلة كاملة بحسب هو نازل بعد الشغل
احمد ذكى :خلينا للوقت الساعة كام
محمود: كان بيبقى 11 الصبح غالبا يعنى
احمد ذكى :وانت يعنى طبعا لازم تصحى بدرى ؟
محمود:انا حضرتك انا باوصل المحل مواعيدى دائما الساعة9 انا عملت مواعيدى من 12 بعد ما حصلت لى الحادثة سنه 79 اللى قعدت فيها سنتين وعندى خمس عمليات فى رجلى فا قدرت اضبط لان اجى الساعة 9 الصبحالساعة 10 اجى الساعة 12 وامشى الساعة عشرة
احمد ذكى :الرئيس مبارك تعاملت مع رأسة؟
محمود: اه
احمد ذكى: ايه بقى احكى لى بقى الرئيس مبارك ؟
محمود: هو انت عارف كل زمن له رجال يعنى احناجالنا الزعيم عبد الناصر كان فى وقته كنا كل مصرمنتمين له كون ان فيه حسنات او سيئات دى كلها مش بتعتنا احنا احنا بنتعامل مع الرئيس ده كأنه ولى امرنا فا فى نوع من احترام والطاعة زى مافيه زبون بالضبط انا بعتبره ولى امرى برضها وهو الكنج اللى على الكرسى دوت ايام عبد الناصر احنا كنا عايشين الحكاية دى كلها جه الزعيم السادات برضه مع حكاية برضها كان فية احداث بتحصل الرئيس مبارك لما جه جه طبعا كان فية بقى تراكمات فابتد ى هنا كانت بتبتدى البنية الاساسية وبتاع فجاء انشغل بحاجات ودى كانت يعنى ضمنية شخصيتهبناء الاشياء
احمد ذكى : قولى بقى اه
محمود: قول
احمد ذكى :الرئيس مبارك وهوتحت المقص بتاعك بيتكلم
محمود: قعدت احلق له يمكن فترة طويلة مكنش فيه كلام غيرصباح الخيرصباح النورونقعد نتكلم اذا كان فيه حاجة يبقى على اد السؤال
احمد ذكى :بس
محمود:هومن النوع اللى هو ما بيتكلمش كثير يسمع حتى ما يردش يعنى عكس الرئيس السادات
احمد ذكى :بيخدم الناس طلبت خدمة من الرئيس مبارك
محمود: لأ خالص
احمد ذكى : اومشكلة ما عرفتها
محمود: اه
احمد ذكى :تقولها للرئيس مبارك؟
محمود: اه ممكن حاجة بتمس حاجة وفى خلال وده برضها لازم يكون فيه نوع من الحديث
مفيد فوزى:طب طب
محمود: اللى هو اقدر اسأل؟
فاصل
مفيد فوزى:عبد الستارعوض سائق قطار الرؤساء هل انت تقود قطارالرؤساء لكفاءتك ولالأنك لك اقدمية فى السكة الحديد
عبد الستارعوض :لا للكفاءة و فى الوقت نفسه لاجهزة الامن هى اللى بترشح فى الحقيقة بترشحنى انا كسواء الريس بتبعت ورقى لاجهزة الامن و اجهزة الامن بالتالى توديها رئاسة الجمهورية للمخابرات فبيرشحونى اكون سواق للريس يعنى افرض مشاغب واحد مش كويس سلوكه مش كويس هما بيناقوا نخبه من السواقين انها تطلع برياسة الجمهورية
مفيد فوزى: انت صبيحة يوم مسافر فيه و القطر بتاع الريس هل بتبقى يعنى مرتبك قلقان اى شئ
عبد الستارعوض: لا لا لا باكل عيش مفيش اى ارتباك خالص باخد راحتى فى النوم واصحى الصبح برضه و بطلع على المحطةواخدين الجرارات من بليل كاشفين عليها فبننزل المحطة بنضمها على القطر
مفيد فوزى : مبتقلقش ؟
عبد الستارعوض :لا لا لا
مفيد فوزى: يا راجل ده لو انا بسوق تك تك وهوصل موظف المحافظة هقلق
عبد الستارعوض :لا انا لو قلقت هرتبك يعنى لو حصلى قلق فى الشغل هرتبك فى الشغل
مفيد فوزى : انا عايز افهم هوانت بتقعد و قدامك اجهزة القطريعنى العبقرية فى العملية ؟
عبد الستارعوض: لا العبقرية كبيرة اوى
مفيد فوزى: فهمهالى عشان الناس تفهم ؟
عبد الستارعوض :يعنى الجرار
مفيد فوزى : الجرارالاسود اللى هو بيقود ؟
عبد الستارعوض : الجرارالاسود اللى هو بيقود القطر ده بيبقى علييه المحرك بتاعه شكله ايه كهربا ميكانيا اجهزة الكترونية كل الحاجات ديه احنا بنبقى دارسنها
مفيد فوزى : انت بقى خلال هذه الفترة يعنى محدش بيسلم عليك ولا اى حاجة بعد ما تخلص الرحلة ؟
عبد الستارعوض: يعنى لوالريس نزل و فات من جنب الجرار بيعمل كده بيشاور بايده مفتش من جنبه و رجع من ورا خلاص
مفيد فوزى : مبتقولش كلمة انت ولا حاجة؟
عبد الستارعوض: كلمة ايه اللى هقولها كلام معانا احنا هناك ممنوع اننى انا ببقى عارف الريس قايم يوم ايه و ببقى عارف يعنى منتكلمش لحد ما نقوم بالقطر
مفيد فوزى : يعنى حمد لله على السلامة ديه كلمة يعنى تتعاقب عليها
عبد الستار عوض :لا
مفيد فوزى : امال ايه ؟
عبد الستار عوض يعنى هقوله حمد لله على السلامة الكلام ده بقى لرئيس الوزرا لانه الريس بيبقى ماشى شارد لوحده
مفيد فوزى: عجبانى اوى انا ان الريس شارد لوحده طبعا مختلفة مختلف
عبد الستارعوض : هو بتبقى حراسته مأمنة عليه جامد
مفيد فوزى: تمام انما رئيس الوزرا ممكن يمرجنبك
عبد الستارعوض : و انزل و اسلم عليه
مفيد فوزى: وممكن كتفه يجى فى كتفك ؟
عبد الستارعوض : و ممكن يضرب كده اه ممكن لا و الريس برضه ممكن يعمل كده برضه
مفيد فوزى: الرئيس مبارك ركب قدت القطر اللى كان الرئيس موجود
عبد الستارعوض : اه
مفيد فوزى: اكثر الرؤساء استخدام للقطارات
عبد الستارعوض: و الله هما كلهم واحد يعنى الحقيقة
مفيد فوزى: لا مش صحيح اسمع متجاوبش زى المخرجين بتوع السيما ان يقولك كلهم ولادى اه قولى بقى ؟
عبد الستارعوض:الفترة بتاعت الريس كبيرة فا ركب اكتر منهم هما
مفيد فوزى: الرئيس عبد الناصر كان بيحب القطارات ظ
عبد الستارعوض : اه كان بيحب القطارات
مفيد فوزى: الرئيس مبارك بيحب الطيارة ؟
عبد الستارعوض : و بيركب قطارات مثلا رايحين اسوان يركب هو لغاية اسوان طيارة وناخده من اسوان للاقصر بالقطر لانه عايز يمرعلى الخط عايزيفتح على الخط كان مفردوبعدين يزوجوه لما يزوج الخط ركب هوالقطر قالك ودينى الاقصربالقطر و ديه كانت فترة عصيبة جدا لان المسافة كبيرة
مفيد فوزى: عمرما كان ليك مشكلة حبيت تعرضها على الرئيس؟
عبد الستارعوض: لألأ
مفيد فوزى : ما تقدرش ؟
عبد الستارعوض:لألألأ
مفيد فوزى :ليه بس؟
عبد الستارعوض:مفيش مشاكل عندى اصلا
مفيد فوزى :اه
عبد الستارعوض: يعنى مشكلة ليى انا مفيش مشاكل
مفيد فوزى:يعنى السكة الحديد عادى ولا رغم انك انت طبعا علشان انت سواق رئيس الدولة
عبد الستارعوض: لأ انا اخذت حقى مضبوط فى السكة الحديد الحمد لله
مفيد فوزى:غيرك ما ذقش الحق ده
عبد الستارعوض:لأ وهما كلهم اخذوا حقهم السواقين دلوقتى
مفيد فوزى :يعنى مش صحيح مشاكل السواقين ؟
عبد الستارعوض:لألألأ السواقين اخذت حقها دلوقتى
مفيد فوزى: والسواق بيأخذ كام ؟
عبد الستارعوض:يعنى بيخش له فى الالفين
مفيد فوزى :انت اخراجراخذته وانت سواق الرئيس كام ؟
عبد الستارعوض:ليه بقى
مفيد فوزى :هو انا مندوب ضرائب هو انت هقنطر فواتير؟
عبد الستارعوض:انا كنا
مفيد فوزى :هوانت عبد القوى عبد القوى
عبد الستارعوض: لأ مش عبد ا لقوى ولا حاجة لأ يعنى
مفيد فوزى : قولى كام؟
عبد الستارعوض:الحمد لله انا بأخذ 1700 - 2000
مفيد فوزى:اه اه هوانت عادة القطارلما يكون طالع الرؤساء بيطلبوان يكون السرعة اد ايه ؟
عبد الستارعوض:120
مفيد فوزى: فيه اقصى من برضه ؟
عبد الستارعوض: 140 التوربينى
مفيد فوزى : 140 التوربينى ؟
عبد الستارعوض: اه
مفيد فوزى: ليه بطلبوا يعنى قطار الرؤساء 120؟
عبد الستارعوض:هو قطار الرؤساء غير التوربينى
مفيد فوزى : يعنى
عبد الستارعوض:القطار بتاع الرؤساء ده مجهزعلى السرعة بتاعت البواجى بتاعت العجل
مفيد فوزى :لا يتحمل اكثر من 120 ؟
عبد الستارعوض:يعنى ممكن ادى له 160 كمان بس هما اوامرهم بنفذها 120 - 120 انما هو ممكن ادى له 160
مفيد فوزى :الله وانت ماتقدرش طبعا تزود السرعة؟
عبد الستارعوض:لأ مقدرش 120يبقى 120 ساعات بنخفضها ل 100 كمان
مفيد فوزى :بتخفضها ل 100 ليه امان ؟
عبد الستارعوض: يعنى علشان عدم السؤال
مفيد فوزى : يعنى ايه عدم السؤال ؟
عبد الستارعوض:ماحدش يقول لى انت زودت السرعة ليه يطلع الشريط الصندوق الاسود يطلع الشريط
مفيد فوزى : بعد كل رحلة ؟
عبد الستارعوض: كل رحلة برضه اى رحلة الشريط بيطلع اى قطار عادى الشريك بيطلع
مفيد فوزى : يشوفوا السرعة اد ايه ؟
عبد الستار عوض:السرعة كام ان حصل حادثة تعالى العربية نطت من على السكة من على الكبارى
مفيد فوزى :ياساتر عربية نطت من على القطبان.
عبد الستارعوض:اه تنط ممكن ما تنطش ليه
مفيد فوزى:مش انامش انا مش انا سألتك يا راجل قلت لك انت تقى قلقان ولا لأ يعنى
عبد الستارعوض:الجهازده ما بيخليش الواحد قلقان الجهازالتحكم دوا ما بيخلينيش قلقان ليه لان هو معايا طول الخط
مفيد فوزى : ده بس فى قطار الرؤساء؟
عبد الستارعوض:جميع القطارات الجهازده موجود
مفيد فوزى :اه اه امال قولى الحوادث بتحصل ليه ؟
عبد الستارعوض:القضاء والقدر بتمنعة
مفيد فوزى :لأغير القضاء والقدر ؟
عبد الستارعوض: في سكة بتاعت سعتك بغيضة
مفيد فوزى: بتبقى ايه المشكلة مشكلة طرق؟
عبد الستارعوض:المشكلة السكة ممكن فية عربية مثلا اه السكة
مفيد فوزى:مشكلة ايه مشكلة قضبان؟
عبد الستارعوض: حاجة محلولة بتاع
مفيد فوزى :هقول تبقى قاعد معايا انت سواق كام سنه انت سواق ؟
عبد الستارعوض:لأ انا سواق بقالى كثير بتاع 37 سنه
مفيد فوزى:37 سنة سواق وبكلمك عن قطار الرؤساء وبعدين ما اسألكش عن قضية الناس فيها بيتحرق دمها ؟
عبد الستارعوض:هو الحوادث دائما ما بتكنوش من العجل والقطبان
مفيد فوزى :اما ل بتبقى من ايه ؟
عبد الستارعوض:بتبقى اخطاء بشرية ساعات من
مفيد فوزى : من ايه زى ايه ؟
عبد الستارعوض: زى كفر الدوار دى
مفيد فوزى: مالها ؟
عبد الستارعوض: ده المفروض الحركة تدان فيها لان المفروض بتاع المحطة باحجز القطار بره وتحويلةعلى الطوالي يعنى التحويل بتعتة اللى هى بتخش دى طوالى انما ما احولوش مرة واحدة ويخش بسرعته ويطلع فى الشارع بره ده غلط المفروض انا باحجز القطاروالتحويل على الطوالى طب ما عرفش يقف بيمشى على الطوالى مش هيعمل حادثة عمرة ما هيعمل حادثة انما لو هو وقف وحول له وهو واقف هيخش براحتة
مفيد فوزى: مشكلة سواق ناظر محطة؟
عبد الستارعوض: مات
مفيد فوزى:السواق مات؟
عبد الستارعوض:اه بتاع كفر الدواردى
مفيد فوزى : طب هى مشكلة ناظر محطة ولا عامل التحويلة؟
عبد الستارعوض: خذوا مساعد السواق ادوا له عشر سنين علشان رأى عام ادوا له عشر سنين
مفيد فوزى : علشان رأى عام ؟
عبد الستارعوض:اه
مفيد فوزى :انت على فكرة على فكرة انت قطارالرؤساء استنى بس استنى خلينى اقولك قطار يعنى الرؤساء خلاك متعلم حاجات كثير فى البلد ومتعلم مفردات مهمة قوى
عبد الستارعوض:لأ الحمد لله
مفيد فوزى: ادوا له عشر سنين علشان الرأى ا لعام يستريح
عبد الستارعوض: ما لازم مات 400 فى المحطة من بره فى الشارع القطار طلع الشارع بره فى الميدان
مفيد فوزى :عم عبد الستار حمد الله على السلامه
عبد الستارعوض:الله يسلمك
فاصل
مفيد فوزى :دكتوركمال عبيد حضرتك كما تقول المعلومات بدأت مشوارك او تسلمت العمل يوما كمدير لمستشفى الحلمية العسكرى وكنت برتبة رائد اريد ان اعرف كا طبيب اسنان كيف تسللت الى اسنان الرئيس عبد الناصر ؟
د/ كمال عبيد: هو طلب منى تأسيس عيادة فى منزل الرئيس عبد الناصر اول حاجة وكنت منتدب من القوات المسلحة لرئاسة الجمهورية انتداب الرتبة العسكرية
مفيد فوزى: نعم
د/ كمال عبيد : وبعدين الرئيس جمال طلب تعيين طبيب اسنان له فا قام اللواء المرحوم الدكتور نصاراللى هو مدير الخدمات الطبية بالقوات المسلحة بترشيحى انا لاكون طبيب اسنان للرئيس جما ل طبعا بعد عمل التحريات اللازمة بقى من جميع الجهات اللى حضرتك عارفها يعنى
مفيد فوزى: اه اه
د/ كمال عبيد: وبعدين قعدت برتبة عسكرية بقى وعملت عيادة اسنان اول عيادة او بيت فى مصر فيه عيادة اسنان اللى هو بيت الزعيم عبد الناصر
مفيد فوزى : ليه ادينى فكرة
د/ كمال عبيد :علشان ما يخرجش بره البيت
مفيد فوزى: اه وهو وهو الرئيس عبد الناصرالله يرحمه كان يشكو كثيرا من اسنانه
د/ كمال عبيد :هو طبعا كون عنده سكراى واحد عنده سكر
مفيد فوزى: اه ه ه ه
د/ كمال عبيد : اى حد بيبقى عنده سكرحتما بيبقى فيه تأثير على الاسنان
مفيد فوزى: تمام
د/ كمال عبيد: مش عايزة شك فطبعا هما انتدبونى على اساس ما يخرجش بره البيت
مفيد فوزى :لما يكون عاوز يشوف اسنانه؟
د/ كمال عبيد:لما يكون عاوز يشوف اسنانة العيادة موجودة وجاهزة معدة له يطلبنى انزل ا روح العيادة وينزل اشوفه
مفيد فوزى: دكتوركمال عادة الواحد يعرف ان طبيب الاسنان بيبقى صديق
د/ كمال عبيد :تمام بعد فترة
مفيد فوزى :بعد فترة مش كده؟
د/ كمال عبيد :فى الاول بصراحة فى الاول كنت ببقى خايف
مفيد فوزى: ازاى خايف ازاى؟
د/ كمال عبيد :يعنى فى الاول خالص اول تعاملى معاة مع الرؤساء عموما ببقى هايب الموقف مش عايز حاجة توجعة مش عايز يتألم لان شغلنا كلة فيه شغل
مفيد فوزى: وهو الرؤساء بيتألموا يا دكتور كمال؟
د/ كمال عبيد : بيتألموا طبعا مش بشر هما بشر
مفيد فوزى : بيتألموا ازاى ؟
د/ كمال عبيد : ايوا
مفيد فوزى :دى معلومة فضول
د/ كمال عبيد :ايوا ماهو
مفيد فوزى : دا الرئيس
د/ كمال عبيد :لأ ما هوالرئيس طلع ما هو بشر برضه انسان بيتألم فانا طبعا وانا بشتغل مش عاوزة يتألم
مفيد فوزى : وبعدين بتبقى فاتح بقة يا د وماسك الحاجات اللى زززززز اللى بتزن دى
د/ كمال عبيد: طبعا اللى بتزن دى فا طبعا بيبقى الواحد مش عاوز ابدا انه يتألم او انه يبقى متضايق او ..
مفيد فوزى : انت عارف انت عارف انا لما بابقى رايح لد الاسنان اتمنى اروح القاة حاطت يافتة سافر الدكتور فلان الى اوروبا
د/ كمال عبيد :ههههههههه
مفيد فوزى:لقضاء الصيف ثلاث اشهر
د/ كمال عبيد: ههههه اربع اشهر
مفيد فوزى :اى اشهر
د/ كمال عبيد :ايوا ايوا
مفيد فوزى:لانه طبيب الاسنان ده حاجتين فظاع فى الحياة الاستعمار وطبيب الاسنان
د/ كمال عبيد: لألأ كلامك ده بس دلوقتى الطب اختلف
مفيد فوزى: هههههههههه يعنى عايز تقول انه معدش معدشى فيه الم عند طبيب الاسنان
د/ كمال عبيد:اطلاقا انا جت لى امبارح واحدة فى العيادة تكاد تكون ايه بتترعش جاية تخلع دروس وجذور مدفونه فى الفك فا طمأنتها وبعد ما خلعت ومشيت مش باعمل دعاية لنفسى بعد ما خلعت ومشيت قالت لى والله العظيم ما حسيت باى حاجة ولو كنت انا عارفة برضهما كنت خفت
مفيد فوزى : ازاى؟
د/ كمال عبيد : بعد فترة
مفيد فوزى :اه بين الطبيب اسنان والشخصية
د/ كمال عبيد: مفيش علاقة ليه
مفيد فوزى :هل كانت هناك مساحة بينك وبين الرئيس عبد الناصر ؟
د/ كمال عبيد :فى الاخر مساحة كبيرة جدا من الصداقة
مفيد فوزى :برضه
د/ كمال عبيد :اه جدا جدا لدرجة ان بعد ما نخلص كان يأخذنى ونمشى فى الجنينة فى منشبة البكرى نلف البيت فية جنينة كبيرة جدا نصف ساعة حاجة برضه يعنى ونتكلم فى اى حاجة يعنى خلاص زالت الرهبة
مفيد فوزى: هل يشكوالرؤساء من اسنانهم بسبب ازمات البلد او بعض التوترات ؟
د/ كمال عبيد: لاشك اى توتر بيصيب الانسان بتصيب اى عضو فية مش بس الاسنان انا مش عايز اسكت
مفيد فوزى:اه حضرتك ما بتكون مثلا مع الرئيس عبد الناصركان لما مثلا يشكى الرياسة تبلغك انه والاهو يجيى على العيادة على طول ك لأ كان مدير مكتبة اللى هى المرحوم محمد احمد يكلمنى يا د كما ل تعالى الرئيس عايزك امتى يا سيدى بكرة الساعة كذا اتوجه قبلها احضر العيادة واعقم الدنيا واعقم كل حاجة وفى الميعاد يروح نازل الرئيس
مفيد فوزى :بتعمل تخدير يا دكتور؟
د/ كمال عبيد :عايزاسكن
مفيد فوزى :لازم؟
د/ كمال عبيد: ده باستمرارعلشان ما يحسش باى حاجة اى حد يعنى
مفيد فوزى: الله طب يعنى انت كانك بتقضى على الالم بالتخدير؟
د/ كمال عبيد: لأ ماهو مثلا اقوم بالعلاج
مفيد فوزى :العلاج ايه بيبقى حقنة ؟
د/ كمال عبيد:فية حقنة وفى
مفيد فوزى:بيتقبلوها يا دكتور؟
د/ كمال عبيد:جدا لانك مش هتحس بيها لان فية مرهم قبليها واسبراى بيحث انه ما يحسش بحاجة وبعد ما يتبنج ما يحسش بحاجة خالص يعنى
مفيد فوزى: وتشتغل؟
د/ كمال عبيد :ونشتغل بقى بكيفك بتعمل اللى انت عايزة
مفيد فوزى:اه بتفتح بق الرئيس؟
د/ كمال عبيد :هو اللى بيفتح بقه
مفيد فوزى: هو اللى بيفتح بقه؟
د/ كمال عبيد: اه طبعا اه طبعا انا افتح بقة لما يكون متخدر بنج عمومى فا اقوم انا فاتح بقة لكن مادام هو مخدر
مفيد فوزى: يقظ
د/ كمال عبيد :يقظ هوبيفتح بقه
مفيد فوزى: عيزك تقول لى صحة اسنان الرئيس السادات اتعاملت معاه
د/ كمال عبيد: اه طبعا هو السادات كان بصحة جيدة الحقيقة كاكل يعنى ولكن هو اكثر واحد بصحة تمام ماشاء الله حسنى مبارك
مفيد فوزى :امسك الخشب يا دكتور
د/ كمال عبيد: ماسك الاثنين اهو
مفيد فوزى:الرئيس مبارك بيتكلم معاك؟
د/ كمال عبيد:اه طبعا
مفيد فوزى: خلال ما انت
د/ كمال عبيد : فى الاخرفى الاول كا اى رئيس فى الاول التعامل معاه برهبة لكن بعد برضه خلاص بعد مرة واثنين وثلاثة واربعة العملية خلاص بتبقى فيها نوع من المحبة والصداقة
مفيد فوزى : بيسألك فى حاجات متعلقة باسنانه برضه؟
د/ كمال عبيد :اه طبعا ممكن وانا ادى له النصائح المطلوبة
مفيد فوزى :زى ايه النصائح دى يا د كتور؟
د/ كمال عبيد :استعمل الادوية الفلانية تعالى كل فترة مثلا كل 15 يوم 3 اسابيع حاجات برضه
مفيد فوزى:اه هو اسنان الرؤساء يعنى باستمرا ر بيبقوا يعنى مهتمين بيها قوى؟
د/ كمال عبيد: مش عايزة شك لانه مظهر اساسى
مفيد فوزى : اه ده اللى عايز اقوله
د/ كمال عبيد :مش عايزة شك لانها فى الوش
مفيد فوزى :احيانا اشوف الممثلات اللى بيطلعوا فى التليفزيون اسنانهم بيضاء اقول ياربى ده بيعملوها باية؟
د/ كمال عبيد: احنا بنغطيها
مفيد فوزى: بايه بجير؟
د/ كمال عبيد :لأ مش بجير ولا حاجة
مفيد فوزى: معنديش فكرة يعنى اجهل هذه المعلومات؟
د/ كمال عبيد:هو فيه جهاز زى الماكينة دى برضه بيسلط بيعمل ضوء معين
مفيد فوزى :على الاسنان؟
د/ كمال عبيد:على الاسنان
مفيد فوزى: وافضل فاتح بقى برضه؟
د/ كمال عبيد:اه وتفضل فاتح بقك برضه وبنغطيها بطبقة الماكينة دى بتخليها تجف وتدى طبقة على الاسنان
مفيد فوزى:الماكينة دى ؟
د/ كمال عبيد :حاجة زيها
مفيد فوزى :اعمل لى يابنى ده علشان خاطراطلع زى النجوم زى نور الشريف ومحمود حميدة
د/ كمال عبيد :حضرتك اكبرمن النجوم
مفيد فوزى:ربنا يخليك يا دكتور
د/ كمال عبيد: مش عايزة كلام يعنى
مفيد فوزى:اسنان مين بتعجبك من رؤساء العالم شكلها مبهج؟
د/ كمال عبيد:احسن اسنان بصراحة بقى امسك ا لخشب حسنى مبارك
مفيد فوزى: الرئيس مبارك؟
د/ كمال عبيد: اه طبعا صحته عموما يعنى ماشاء الله
مفيد فوزى :عايزين نترك الرئيس مبارك فى مصر ونتطلع الى رؤساء العالم مين اسنان وانت مهنيا بتشوفهم ان هما اسنان مضيئة؟
د/ كمال عبيد:اوباما كويس
مفيد فوزى:اوباما ؟
د/ كمال عبيد: اه طبعا اسنانة كويسة جدا شكلها جيد يعنى حاجة اسنان محترمة
مفيد فوزى: اه ومين من ستات العالم المشاهير اسنانها حلوة؟
د/ كمال عبيد :انا عالجت ام العقيد القذافى
مفيد فوزى:والدته؟
د/ كمال عبيد :والدته
مفيد فوزى: معمر القذافى ؟
د/ كمال عبيد: اه والمرحوم جعفر نميرى
مفيد فوزى :نفسه؟
د/ كمال عبيد: اه نفسه والسلطان قابوص سلطان عمان
مفيد فوزى:اه كمان اه طبعا ما انا فاهم سافرت له
د/ كمال عبيد :لأ هما كانوا هنا فى مصر شفتهم فى قصر القبة
مفيد فوزى: اه مين انضج وانضر اسنان امرأة يعنى انت بتشوفها من وجهة نظرك المهنية ؟
د/ كمال عبيد: هى مدام جيهان السادات اسنانها كويسة
مفيد فوزى: اسنان السيدة جيهان كويسة؟
د/ كمال عبيد : اه اه
مفيد فوزى : وانت بتحكم على اسنان الكويسة من ايه من شكل الناظر؟
د/ كمال عبيد : داخلة واسنان خارجة فية مقاييس معينة للاسنان السليمة يعنى
مفيد فوزى : بتشوف فرش الاسنان بتاعت الرؤساء؟
د/ كمال عبيد : طبعا
مفيد فوزى : لازم تشوفها ؟
د/ كمال عبيد : طبعا
مفيد فوزى : لازم تعرف ازاى بقى فهمنى لية اهميتها؟
د/ كمال عبيد :اصل الفرشة دى لها مواصفات الفيبرز بتاعتها دى لازم تبقى معمولة بطريقة معينة وبعدين الاهم من فرشة الاسنان العادية دى فرشة الاسنان العادية بتنظف الوجه وبس ولكن ده مش مهم فيه فرشة تنظف بين الاسنان وده المهم
مفيد فوزى : في حد من الرؤساء ضرسة كان بيوجعه؟
د/ كمال عبيد : اه طبعا عادى
مفيد فوزى : وكان يبقى مأريف؟
د/ كمال عبيد : اه طبعا يعنى مثلا الرئيس السادات كان فى القناطر
مفيد فوزى : نعم
د/ كمال عبيد : الله يرحمة وبعدين كلمنى محمد احمد وفوزى عبد الحافظ
مفيد فوزى : فوزى عبد الحافظ محمد احمد الرئيس عبد الناصر اه
د/ كمال عبيد : فاخذت بقى حاجات متنقلة صغيرة متنقلة برضه ورحت له فى استراحة القناطر وكان متألم من ضرس فا عالجتة عن موتور حاجة بدائية بقى موتورعادى برضه صغير
مفيد فوزى : موتور ايه ؟
د/ كمال عبيد : اللى هو بتاع يخلى الماكينة تشتغل
مفيد فوزى : اه
د/ كمال عبيد : موتور الحفر يعنى
مفيد فوزى : اه اه
د/ كمال عبيد : وبعد ما ريحته قالى فقت يا كمال
مفيد فوزى :الله
د/ كمال عبيد : اناباقول كمال زى ما بيقول هو يعنى بس فاريحتة يعنى
مفيد فوزى: اه فأت يا كمال وانت كما فأت
د/ كمال عبيد :انا فأت انا كمان طبعا عايزة يستريح
فاصل
مفيد فوزى : أستاذ حسن سويلم اناقتك يا اخى يعنى لافتة للنظر يعنى الكاميرا لما هتقرب منها قوى هنكتشف انك انت عامل القميص الياقة غريبة وبعدين الكرفاته اللى كان بيبلسها ماية شيفنياه فى فرنسا
أ/ حسن سويلم : امال
مفيد فوزى : اه وبعدين ثلاث زراير
أ/ حسن سويلم:ايوا
مفيد فوزى: انت لفت نظرالرئيس السادات ازاى ؟
أ/ حسن سويلم : فى اخر ايام الرئيس جمال عبد الناصر سنه 68 انا كنت رحت وعملت له شوية حاجات كثيرة لانه هو كان بيتعامل مع ناس كثير لكنهم لم يكونو ا موفقين معاه لان الرئيس جمال عبد الناصر كان جسمة له تركيبة جسم غريب فكان هو له صدر مرتفع وظهرصغير مش كبير والصدر المرتفع ده كان يشيل الجاكته كده فكان دائما يعمل برضه فى الجاكتة هنا فكان حتى جما ل عبد الناصر لما كان ييجى يخطب حاجة نفسية انه يشد الجاكتة برضه علشان حته لانه كان صدرة مرتفع
مفيد فوزى :اه
أ/ حسن سويلم : صدر مرتفع ده له نظام فى التفصيل خاص احنا درسناة فى باريس صدر مرتفع ده درسناة فى باريس مكنوش هنا الترزية يعرفوا الحاجات دى فترددى على جما ل عبد الناصر بقى اتعرفت بالسيد انور السادات انور ا لسادات كان هو الشغل باعملة وحاجات برضه وبتاع ابتدأت اتعامل معاه وكانه هو ساكن فى شارع الهرم فى فيلا صغيرة برضه فى شارع الهرم كانت اصلها بتاعت راجل مخرج اسمة توجومسرحى زمان تسمع علية
مفيد فوزى :طبعا
أ/ حسن سويلم : فكان هو قاعد فيها وكان طامى وكنا نقعد سوا ونشرب شاى مع بعض فى الجنينة الصغيرة دى فا بدأنا نتعامل مع بعض لحد ما بقى رئيس جمهورية بقى رئيس جمهورية بدأنا بقى نشتغل مع بعض شغل جامد حتى طبعا قال لى الحقنى فى اول جمعة قالى الحقنى ببدلة سوداء كويسة اعملها لى علشان هحلف بيها اليمين
مفيد فوزى :من اللى يجيب القماش ؟
أ/ حسن سويلم : انا بعد ساعات اجيب له وهو بعد ساعات يجيب
مفيد فوزى : نعم
أ/ حسن سويلم : فعملنا له البدلة ديت
مفيد فوزى : اه البدلة دى ؟
أ/ حسن سويلم :البدلة دى اللى حلف بيها اليمين
مفيد فوزى :اه حلف بيها اليمين فى البرلمان؟
أ/ حسن سويلم :اه وبعدين
مفيد فوزى : قولى طلباته ايه وانت بتأخذ المقاسظ
أ/ حسن سويلم : طلباته لأ هو انا اخذت مقاسة واخذت مقاسة مقاس فن هو طلباته كانت تتلخص فى الاتى يحب البدلة تكون متخنصرة شوية زيادة
مفيد فوزى :الخنصرة يعنى من هنا؟
أ/ حسن سويلم:الخنصرة من هنا دى يجبها متخنصرة شوية زيادة برضه باينة واخد بالك والبنطلون يكون وسعة مش واسع قوى 22
مفيد فوزى :اللى هى ؟
أ/ حسن سويلم :الرجل من تحت
مفيد فوزى: يعنى الرجل اه؟
أ/ حسن سويلم : 22 سم بس هذا بينما فى ذلك الوقت كان فية موضوة موجودة كان اسمها فادلى فا فادلى فا اللى هو الرجل الواسعة مكنش يعتاد بهذا هو كان لبسة بقول لك الخطوط المضبوطة اللى كان يلبسها الرئيس اولا احنا علشان
مفيد فوزى :الرئيس انور السادات اه
أ/ حسن سويلم :هوعلشان احنا بنعمل له البدلة وبنعمل له القميص كمان
مفيد فوزى: والقميص كما ن؟
أ/ حسن سويلم :اه طبعا دى مع دى لان القميص كان يبحب الياقة العالية والياقة المفتوحة والياقة المفتوحة العاليا بينما الجاكته يحبها واطية بحيث ان تلاقى ياقة الجاكتة واطية وياقة القميص عالية ده خط مميز ولذلك المخرج اللى عمل الفيلم بتاع ا نور السادات ده مخجش بالة من الحاجات دى حتى كان يسألنا
مفيد فوزى: تفاصيل صغيرة بس مهمة ؟
أ/ حسن سويلم :مهمة عمل شكل عمل شئ الجاكتة مخنصرة الياقة بتاعت الجاكتة واطية ياقت القميص بتبقى عالية ومفتوحة كذلك الكم يبقى قصير يعنى ما يبقاش طويل كم جاكتة يبقى قصير
مفيد فوزى : بالمناسبة الرئيس عبد الناصر كان له طلبات محددة؟
أ/ حسن سويلم :الرئيس عبد الناصر بيحب حاجة مريحة وبس يعنى اليجانس شياكة هى شياكة البنطلون الواسع النظيف حاجات برضه
مفيد فوزى : عملتوا له ايه او فصلتو له ايه؟
أ/ حسن سويلم : احناعملنا له كل حاجة مثلا 3 زراير وعملنا له جاكت صفين اللى هى ام صفين كان ليها فى الزراير ايقاع ثانى خالص بمعنى ايه مواضع الزراير عملناه مختلفة عن السائد ولذلك كانت الجاكته لها شئ ثانى البدلة دى لما حللوها الشكل ده لم حللوها فى اوروبا فا انا من اول 9 ناس ا ليجانس
مفيد فوزى: من اشيك رجال العالم؟
أ/ حسن سويلم : تسعة من اشيك رجال العالم طبعا بتتعامل مع الرئيس انور السادات يعنى انتيم مش معناه اه هو رئيس جمهورية وانا مثلا ترزى لأ احنا كان لينا رأى وبندى رأينا له يعنى صلتنا دى كان صلة مودة
مفيد فوزى :بيسمح بالمناقشة دى ؟
أ/ حسن سويلم :ايه يا سويلم ايه والله يا ريس الخطبة بتاعت امبارح دى شوية دى مش عارف ايه
مفيد فوزى: يعنى تقدر تقولة تكلمة يعنى
أ/ حسن سويلم : اه فى الموضوع ده وكان حتى يمكن حتى موسى صبرى له بعض حاجات وموسى صبرى يقولى انت اسمك ايه اقوله الكلام اللى انت كاتبة ده مش قوى
قال ازاى قلت له والله الناس ماقبلوش يعنى المسالة ان الصلة مسألة ترزى
مفيد فوزى :برئيس دولة؟
أ/ حسن سويلم :برئيس دولة لأ كان انتيم مش صلة ترزى برئيس دولة لأ كان انتيم ولذلك هو مكنش يأخذ حاجة من حد ابدا محدش يعمل له شغل الا احنا لان كل اللبس عاملة له انا عملت له البدلة البحرية البيضة وبعدين قال لى شوف يا سويلم الواد ابن حسن حسن مرعى الولد الصغير ده هنلبسة بدلة علشان هأخذة فى ايدى كدا علشان يبقى ذر للرماد فى الاعين هنعمل له بدلة بيضة
مفيد فوزى: برضه اخذت له مقاس؟
أ/ حسن سويلم : قلته له ايه نعمل له ايه ندى له ملازم اول زيك
مفيد فوزى :الرئيس مبارك بقى ؟
أ/ حسن سويلم :الر ئيس مبارك ما احنا لينا شغل معاة برضه شغل على خفيف برضه عملنا له بدل وكل قمصانه بنعملها له كلها يعنى
مفيد فوزى: ايه طلبات الرئيس مبارك فى القمصان؟
أ/ حسن سويلم :لأ الرئيس مبارك ياقات القمصان برضها يحبها عالية شوية
مفيد فوزى :هل بيطلب هل الرئيس مبارك بيطلب يعنى انا اعرف ان الرئيس مبارك الى حد كبير بعيد عن المظهرية ؟
أ/ حسن سويلم :لالالا هو بيلبس كويس
مفيد فوزى: ده ليس عيبا دا انا بقولك ما بيحبش التفاصيل الملكية.
أ/ حسن سويلم :اه هو برضها بيلبس كويس واحنا برضها بندى له فكرة عن برضه بونعمل له برضها قمصان كويسة والكم طويل شوية عن الجاكتة والياقة برضها تظهر ادام
مفيد فوزى : مين اشيك رؤساء العالم .
أ/ حسن سويلم :العالم طبيعى مفيش حد دلوقتى مش شايف انا حد دلوقتى
مفيد فوزى :يعنى يلفت نظرك برضه؟
أ/ حسن سويلم :الرئيس بتاع امريكا يمكن بتاع امريكا ده كويس اوباما
مفيد فوزى :خلى السؤال بشكل ثانى لما انت بتقول فلان شيك يعنى ايه؟
أ/ حسن سويلم :فلان شيك شوف لما اقولك فا دى تشوفها من واحد لو دخل عليك برضه تقول عليه شيك مظهرة برضه يعنى الجاكتة بتعتة القمصان بتعته الكمام بتعتة مش عارف ايه مش لجليزية كده مهرول شيك امال ايه الشياكة دى والاليجانس ده متعلموش لازم الناس تتعلمها علشان يظهروا بمظهر كويس وبعدين يقولك تقماش القماش وعيش فقيرا
مفيد فوزى : تقمشوا القماش ؟
أ/ حسن سويلم :وعيش فقيرا يحيك الرجال بالاقتدار
مفيد فوزى :ايه ده ؟
أ/ حسن سويلم : ههه ده اللى قالها الامام الشافعى دى فى مناسبة اقولها لك هه بيقولك الامام الشافعى ايه ومش عارف ايه وراح فرح ومدعو فى فرح برضه راح ولابس اى حاجة برضه فا الناس قالو ا له اوعى يا راجل وسع يا راجل وسع وسع قال الله الحكاية دى مش تمام فراح البيت ولبس الجبة والقفتان الكويس وجاب الركوبة الكويسة واحد مشى اصادة وسع لسيدنا الشيخ وسع لسيدنا الشيخ فا دخل سيدنا الشيخ طبعا ايه احترام اللبس ده عليه مظهرية كبيرة انت لما تقابل واحد تشوفة تحترمة اولا من لبسة قبل ماتكلمة يعنى قبل ما يقولك ايه ومش عارف ايه يعنىقبل ما يقولك اللهجة ايه ومش عارف ايه وتحكم عليه من لهجته ده متعلم دا مش متعلم ده مش عارف ايه لأ مظهرة الاول يبان اللبس
مفيد فوزى: من اختياره لبسة ؟
أ/ حسن سويلم :اه فا قال لك تقمشوا القماش وعيش فقيرا يحيوك الرجال بالاقتدار