تسريبات.. جهاد الحداد يتحدث عن كيفية الهروب من المراقبة الأمنية

أذاع الإعلامي والكاتب الصحفي عبدالرحيم علي، رئيس مجلس إدارة وتحرير "البوابة نيوز"، خلال برنامج "الصندوق الأسود" على فضائية "العاصمة"، مكالمة مسجلة بين جهاد الحداد، المتحدث الرسمي باسم تنظيم الإخوان، وأحد الأشخاص يتحدث عن تحركات الجماعة في مرحلة بعد فض اعتصام رابعة العدوية وعن الأموال، وكيفية استغلال التصوير والكاميرات في الترويج لهم، كما يقدم نصائح للشخص المجهول عن طريقة الدخول على الإنترنت بطريقة خفية حتى لا يتم رصدهم من قبل الشرطة.
وجاء نص المكالمة كالتالي:
الحداد: سلام عليكو.
***: عليكم من السلام.
الحداد: أيوه ياسامح.. أيوه يا حبيبي باقول لك اااا خلي عمر يشتغل دلوقتي باسم منسق إعلامي التحالف المناهض للانقلاب، آه مش من تليفونه الرئيسي من تليفون يتكلم منه فترة ويقوم جي راميه، أول ناس يكلمهم بس يكلم المركز.. إنت عارف رقم سندس اللي.. رقم تليفون يحيى اللي بنحور عليه ده مش كده؟
***: إممممم آه.
الحداد: حلو هو ده يعني كلموا كلموا كلموها وقولو لها دلوقتي إن احنا اتفقنا مع جهاد أن عمر بس هو اللي يستقبل المكالمات وكده، وتأكد أن عمر دايما "برايفت" يعني اتأكد أن عمر عارف اللي بيحصل.. بس يعني أنا قلقان إنه يتكلم بالحالة الثورية أكثر منه الكلام السياسي، لأن أي كلمة دلوقتي هتأثر علينا، فخلي عمر دلوقتي مايتكلمش عن مواقف يتكلم عن حقائق، أنا في المكان الفلاني، عدد الجثث اللي أحصيناها كذا، حاليا الوضع كذا، يعني، فاهم قصدي إيه؟
***: آه.
الحداد: ماشي.
***: طيب حاضر.
الحداد: إحنا دلوقتي التغطية العالمية كويسة جدًا.. الحاجة التانية بس أنت التليفون اللي حصل فيه عملته وايت كله.
***: أنا عملته وايت، وعملت الآير موود.
الحداد: طيب.
***: وقفلته.. هو والتليفون بتاع دكتور أسامة، وسبته عند الراجل اللي إحنا كنا عنده.
الحداد: طيب خلاص، ماشي، لو عندك تواصل مع الراجل اللي انت اللي احنا عنده ده، قل له خليه معاه طبعًا، أنا كنت يكون أفضل معاك انت تجيبه لي.. بس خلاص يعني لو هو معاه قل له خليه معاه لأني مش عاوزه يقرب مننا هنا.
***: طيب.
الحداد: لأن هو لو حتى مقفول برده ممكن الشبكة تتلقط.
**: طيب.
الحداد: خلاص ااا.. طيب إنتو دلوقتي إنتو متأمنين مش كده؟
***: آه إحنا في شقة عمر فموضوع التأمين ده يعني مهواش..
الحداد: طيب خلاص دي على الأقل لايعني إن شاء الله ما فيهاش حاجة، يعني المهم المهم التليفونات اللي كانت بتبقى "أكتف" ماتبقاش "أكتف" دلوقتي إنتو كام واحد؟.
***: ااا هاتكلم في خمستاشر.
الحداد: طيب كويس أنا هابعت لك دلوقتي الهيكل اللي إحنا ممكن على أساسه نشتغل طلعتوا حاجة من اللل الأجهزة اللي كانت موجودة جوا تبعنا؟
***: آه فيه هارد كانت كاميرات البث.. آه الهارد بتاع كاميرات المراقبة؟
الحداد: آه
***: موجود معانا بس فيه مشكلة تقنية كدا بنحاول نحلها، وفيه حد هيروج دلوقتي يجمع الهاردات زي ما كنت بتخطط بالظبط.
الحداد: طيب أي هارد فيه مشكلة سيبه لي.. حطه لي على جنب وسيبه لي، أنا باعرف أفك الحاجات دي.
الحداد: آه .. اللهم صلي على سيدنا محمد.. إيه تاني؟ الكاميرات، مافيش حاجة عرفتوا تجيبوها منها ولا من الطيارات؟
***: لالا الطيارات لا.
الحداد: الطيارات الأربعة راحوا مننا.
***: تقريبًا فيه 2 منهم جاهزين في أمريكا مستنيين بس يوصلوا في أي وقت.
الحداد: آه وكان فيه 2 في شنطة العربية بتاعة عمر.
***: شنطة العربية بتاعة مين؟.. عمر؟
الحداد: آه.
***: مافيش حاجة اتقالت يا باش مهندس.
الحداد: كام قل له متساب هناك.. إنا لله وإنا إليه راجعون.
الحداد: إنا لله وإنا إليه راجعون.. طيب طيب يعني خلاص هنحتاج نصرف تاني إحنا بقى صرف محترم.
الحداد: الطيارات الكاميرات الجو برة.
***: الجو بره معانا معانا الاتنين معانا بتاعة حضرتك.. وفيه واحدة مع صلاح.
الحداد: حلو الاتنين معانا بحاجتهم كلهم؟
***: مش حاجتهم الكاميرا نفسها؟
الحداد: الكاميرا نفسها بس.
***: آه عمومًا احنا معانا ما يقرب من 280 ألف.
الحداد: دي كانت موجودة هناك برضه؟.. كانت متسابة هناك؟
***: لا لا دي كانت فلوس ده إجمالي اللي موجود مع ال 15 واحد اللي معانا كل واحد في جيبه عشرة مثلًا، ولا حاجة وفيه 20 ألف دولار و45 ألف مصري كنا سايبينهم في بيت عمر، بس الإجمالي معانا تقريبًا في حدود 280 ألف هنصرف منهم على الحاجات التقنية.
الحداد: آه بالظبط يعني ركز في دي.. لأن دي الحاجة اللي الباور اللي إحنا لو زودنا منها هنشتغل كويس.
الحداد: طيب بص يا حبيبي، هاقول لك على حاجة تانية كمان.. حد فيكم معاه كيردت كارد
***: هاشوف أكيد عمر معاه.
الحداد: طيب.. فيه ويب سايت اسمها برايفت إنترنت براوزينج.
***: إمممم.
الحداد: خشوا عليه،ا خلي عمر يشتري منها أكونت ل 5 أجهزة ولا حاجة.. ال5 أجهزة دول بس اللي يخشوا على النت، ودي بتعمل حاجة اسمها في تي إن " ففيرتشوال برايفت نت ورك".
***: إمممم.
الحداد: يعني أحسن حاجة أن جهاز واحد هو اللي يخش مثلًا على ال في تي إن ده يروح جاي موصل بانال على حاجة برة مصر، وبعدين كلكوا تشتغلوا من البانال ده.. ميزته أن ولا حاجة م الحاجات اللي أنتوا تشتغلوا فيها بتبقي ملقوطه جوة مصر.. لأن هو لو مصر وعملت أي بوست عالفيس بوك ولا نزلت على تويتر ولا أي حاجة م الحاجات دي كلها.. هيطلعوا المكان هيطلع.
***: يعني.. ماشي حاضر.. أنا هابلغ عمر بالكلام ده، وهخليه يكلم حضرتك تاني.
الحداد: طيب هي الويب سايت بيظهر العملية كلها اسمها برايفت إنترنت براوزينج.
***: ماشي خلاص.
الحداد: خلاص.
***: ماشي خلاص حاضر.
الحداد: ماشي يا حبيبي خلي بالك من نفسك.. سلام.
***: سلام.