علقت غنوة محمد سليمان، شقيقة الفنانة، أنغام على البرومو الخاص ببرنامج "مصارحة حرة" والتي قالت فيه أنغام على شقيقها "المعاق" إنه أخوها وليس شقيقها، وهو ما رفضته غنوة شكلًا وموضوعًا وأثار استياءها. وكتبت "غنوة" على صفحتها الشخصية على موقع التواصل الاجتماعي "فيس بوك": "أخوكى غير الشقيق !! بس أخوكى عارفة الناس أصلها بتساعد الناس الغلابة اللى في الشارع مش أخوها غير الشقيق يا جهلة ياغبية !! فرحانة بغلطك، أحمد مش محتاج منك حاجة اللى هو أخوكى غير الشقيق، أصل هو أصلا خسارة يبقى أخوكى عشان انتى خسارة فيكى تخدى ثواب إنك حتى تقوليله كلمة حلوة اللى حتى مبتقوليهاش، ده انتى حتى لما شفتيه استخسرتي تبوسيه #أنغام. وأضافت: للأسف اسمك مش هتقدرى تغيريه وأحمد بيعرك أوى خسارة فيكى شرف أنه اسمه على اسمك للأسف مش هنعرف نغيره، وتابعت انتى خسارة فيكى تشوفيه أصلا مش يبقى أخوكى غير الشقيق، ومش شرف لينا إنك للأسف اختنا، دى بجد اللى حاجة تعر، أحمد ده نعمة كبيرة ربنا مش عايز ينولهالك".