اخبار الفنانين : صلاح عبد الله لجمهوره : مشاعركم النبيلة حسستنى إن حياتى لها قيمة

شكر الفنان الكبير صلاح عبد الله كل من اطمأن عليه بعد انطلاق شائعة وفاته مؤخرا، خاصة أنه فوجئ بخوف وقلق الكثيرين عليه بعد انطلاق تلك الشائعة، حيث كتب "صلاح" على صفحته الرسمية على موقع الفيس بوك: "والله ما عارف أقولكم إيه؟! أنا اللى صنعتى الكلام.. مش لاقى كلام.. نفسى أرد عليكوا واحد واحد.. بينكم ناس من أقرب الأحباب لقلبى.. وناس كل علاقتنا فى التواصل الحميد هنا.. وعايز أقولكوا كلكو.. بحبكم بحبكم بحبكم.. والله حبكم فى القلب فاق كل حد.. وحفضل أحبكم لغاية اللحظة الأخيرة اللى بجد.. ربنا يبارك فيكو ويخليكو ليا ولكل حبايبكو.. أقسم بالله.. مشاعركم النبيلة.. فجرت جوايا مشاعر عظيمة.. حسستنى إن حياتى ليها قيمة.. ربنا يسعدكم ويسعد مصر المحروسة وتفضل محروسة بإذن رب العالمين.. آمين".