ما لا يعرفه الناس عن فاتن حمامه

تويت انتقلت إلى رحمة الله منذ قليل الفنانه فاتن حمامه ،فعلا هى سيدة الشاشة العربيه بإطلالتها المعهوده وبساطتها وشكلها الرقيق اللى كانت بتخلينا إحنا كسيدات نتمسمر قدام التلفزيون لما تيجى تدلع قدام أى نجم أو فنان زى عمر الشريف أو عبد الحليم حافظ أو غيره ، ويوم ما واحده ولو بالصدفه اتسهوكت شويه تلاقى أول كومنت يتقال عليها أنتى فاكرة نفسك فاتن حمامه ؟ وندخل فى موجه من الضحك بس ده طبعا كان زمان لأننا كنا مرتبطين جدا بالأفلام دى لأنها هى تقريبا اللى كونت جزء كبير من شخصيتنا وفكرنا وما زالت الأيام دى السوشيال ميديا مع اختلاف أنواعها من فيس وبوك وتويتر وتلفزيون وجرايد والفيديو كليب هو اللى بيأثر فى شخصية أولادنا وبالرغم من كده يمكن فى ناس كتير ما تعرفش عن فاتن حمامه شئ يمكن ده راجع لأنها ابتعدت عن أضواء الشهرة والجيل الجديد مش بيهتم باللى فات ومنها : 1- الفنانه فاتن حمامه حصلت على الشهادة الفخرية من الجامعه الأمريكيه عام 1999 2- حكايه اسم فاتن :"فى حكاية قالتها فاتن عن سبب تسميتها فاتن لإحدى المجلات قالت : أن أخوها منير كان عنده عروسه اسمها فاتن ولما اتولدت والدها ووالدتها كانوا محتارين جدا فى إختيار اسم ليها وفجأة راح منير قام مقدم لها العروسه كهديه لمجيئها ، استغرب الأب والأم من موقف ومنير وراحوا أطلقوا عليها اسم العروسه فاتن" 3- فاتن حمامه ولأول وأخر مرة ترتدى بدلة رقص كان فى فيلم بابا أمين من إخراج يوسف شاهين واللى تقريبا حست بالندم بعدها لإنها رفضت تماما أى عروض اتقدمت لها بعد كده مشابه لكده ويمكن ده لأنها أرتبطت بأذهان الناس دايما بأنها الشخصيه الرقيقه والرومانسيه 4- كانت الفنانه فاتن حمامه بدأت مشوارها الفنى من وهى صغيره عندها تسع سنين لما اشتركت فى مسابقة أجمل طفلها وراح جرى والدها وصورها وهى لابسه لبس الممرضات لما كانت متطوعه ضمن واحده من الجمعيات المنتشره وقتها وفازت بالفعل واتنشرت صورتها على غلاف واحده من المجلات ولما شافها المخرج محمد كريم عجبه شكلها جدا وارسل لها حد يجيبها ولما وقفت قدامه طلب منها أنها تقدم أى شئ قدامه وبالفعل ما كدبتش خبر وراحت تغنى قدامه أغانى المدرسه اللى كانت حفظاها فقالها تحبى تمثلى معانا ؟ فقالت بسرعه وبكل براءه أيوه ، ومن هنا بدأ مشوارها وكان أول فيلم ليها مع الفنان محمد عبد الوهاب 5- قامت الفنانه فاتن حمامه بتمثيل 90 فيلم وعدد من المسلسلات وتوفت الفنانه بعد ما تعرضت لأزمة صحيه فضلت فى المستشفى لساعات ثم انتقلت فى هدوء كما توعدناها فى حياتها .
تمت ،،