مرتضى منصور: الحرب على الزمالك من كل ناحية ولو أعدمونى مش هاعتذر للخطيب

وجه مرتضى منصور رئيس نادي الزمالك رسائل داعمة لجيسوالدو فيريرا المدير الفني للفريق الأول لكرة القدم بنادي الزمالك، بعد تعادل الزمالك مع إنبي بهدف مقابل هدف ضمن منافسات الدوري المصري الممتاز هذا الموسم.
قال مرتضى منصور عبر قناة الزمالك: "بسأل جمهور الزمالك العظيم! انتوا عاوزني اتدخل ولا متدخلش ؟ لا مش هتدخل وهفضل ورا فيريرا اعظم مدير فني دخل مصر، مش فيريرا ده لما جه أول مره اتعادل مع انبي في اول ماتش و خد الدوري بعده ، وتاني مره لما جه خسر من انبي وخد الدوري برضو"
أضاف: "بتقولي كبر وخرف فوقوا ، انتوا عاوزين تعملوا فيه زي محمود علاء وتمشوا ورا جمهور الاهلي وتقولي القاضيه ممكن ! مش كان زمانه ساند مع الونش دلوقت، فيريرا مكمل والدوري لسه طويل ، جاي تقولي امشيه ؟ امشيه عشان ايه الراجل في نص موسم جاب دوري وكاس ولسه مكملين التعاقد معاه"
وواصل: "الجول في السوبر جه من كوره طايشه وبتحصل لكل اللعيبه ، مش معلول ادى الكوره لشيكابالا نجيبها جول ؟ لكن ازاي لازم الوردي يتقتل الاصابات في الزمالك مش طبيعيه ، مش عبد الغني اتصاب وخرج وبعدين انبي دخل جول ؟ ما هو الحرب على الزمالك من كل ناحيه"
وعن مشاكله مع محمود الخطيب رئيس النادي الأهلي قال: "مين الخطيب متكلمنيش عن واحد عمره ما مد إيده للروح الرياضية، ولو أعدموني مش هعتذر للخطيب بل بالعكس هناخد حقنا بالقانون"