ننشر تفاصيل فيديو مرتضي منصور الممنوع بالهجوم على عبد الحليم على وميدو ويقول "الرموز هاموش ملهمش لازمة "

من جديد عاد مرتضي منصور ، رئيس الزمالك المجمد، لقلب مواقع التواصل الاجتماعي بعد نشر فيديو فى اعقاب فوز الزمالك ، على المقاولون العرب بهدفين نظيفين فى افتتاح الدوري .
مرتضي منصور، قام بنشر مقطع فيديو عبر صفحته على مواقع التواصل الاجتماعي الفيس بوك وقناته على اليوتيوب لاسباب غير مفهومة .
ونجح موقع اخبار الزمالك، فى الحصول علي مقطع الفيديو الذى ننشره بعد تنقيته من الالفاظ الخارجة واليكم الجزء الأول.

مرتضي منصور يهاجم عبد الحليم علي
رئيس الزمالك السابق قال فى البداية :مبروك لاولاد مرتضى منصور ، اللعيبة الرجالة اناأجلت البيان اللي ارد بيه على الكدابين عشان الماتش مشيرا الى ان البعض قال ان" اللعيبة هتفوت الماتش عشان تحرج اللجنة" بس لعيبة الزمالك رجالة .
هاجم مرتضي منصور ، عبد الحليم على مدير الكرة قائلا لاعيبة الزمالك طردت عبدالحليم علي يوم ماتش طلائع الجيش في الكاسوشيكابالا "خدك من أفاك وطلعك برة لما دخلت شتمتهم " ، وقدام المقاولون كنت مستخبي ولما اطمانيت ان الزمالك فاز " قعدت تتنطط" .
وواصل منصور ، كلامه الذى وجهه لعبدالحليم علي ، أنا بسألك سؤال هو انت المدير الفني؟ انت اللي جبت اللاعيبة دي أنت واللجنة بتاعتك؟ المفروض تشكر مجلس الإدارة اللي أنا رئيسه على اللعيبة دي وتشكر أمير مرتضى الحاضر الغائب لأن كل دول أمير هو اللي اتعاقد معاهم حتى حميد وفتوح أمير اللي مرجعهمأنتوا جبتوا مين ؟ انتوا مجبتوش حد أنت جرفتوا النادي ، انا سعيد بالجماهير اللي قالتلكم امشوا .. لان ده فريق مرتضى اللي بيكونه بقاله سنين دول الرجالة اللي انتوا احبطوهم في ماتش النهائي الإفريقي بإن مرتضى ميطلعش على منصة التتويج لأن القرار ضدي كان ممضي مبروك لباتشيكو واللعيبة.
وبقول لعبدالحليم ، بطل منظرة .. أنت ناسي أن انا جبتك مدير كرة ، وبعد ساعة قولتلي مش عايز اجي والاخ اللي معاك اللي طلبت منه يجي مدرب عام قالي لا أنا اجي مدير فني لنادي الزمالك ، فى اشارة الى اشرف قاسم .
مرتضى منصور الرموز "زى الهاموش ملهمش قيمة" وعيل عبيط بيقول هيربي امير
وقال مرتضي منصور : أنا عمال اتفرج على الرموز.. دول شوية هاموش ملهمش أي قيمة .
وواصل مرتضي منصور هجومه على نجوم الزمالك القدامى فى اشارة واضحة الى أحمد حسام ميدو.
حيث قال : في عيل عبيط كدة عامل تويتة بيسأل فيها أمير مرتضى وبيقوله أنت مين يالاهو مين؟ هو لا هرب من النادي بتاعه وهو لسة عيل ولا راح خرابات أوروبابلاش إحنا يابني.. أنت بتقوله وحياة أمك؟ يا عم الله يسامحك أنا مش هعملك حاجة، أنت بتقول هتربي أمير؟ اللي هو ظابط شرطة ومحامي محترم مش هرد عليك.. وهنتقابل قريب ولا تشغل بالك والمسامح كريم .