حسام حبيب عن خبر خطوبته: «بوظتوا علاقتنا.. واللي عمل كده هحبسة»

رد الفنان حسام حبيب على الإنتقادات و الهجوم التي تعرض لها بعد تداول أخبار حول إرتباطة بعارضة أردنية، وذلك خلال حوارة في برنامج "ET بالعربي".
وقال حسام حبيب: " "الموضوع ما وصلش خالص للخطوبة نهائي، هما سبقوا الأحداث وخلّوا الموضوع يتعقّد بدل ما يحصل فيه خير. يعني اللي حصل ده، مش عارف أقولهم إيه بصراحة. وأصلاً الحاجة اللي بيتكلموا عنها عمرها ما وصلت لربع اللي بيتقال. ومش عارف الناس عايزين إيه مني بجد، على طول الناس بتخربلي حياتي!".
وأضاف: "وإن كان في حاجة، هما كده بوّظوها، لأن أهل البنت ليهم عاداتهم وتقاليدهم، وناس محترمين جدًا جدًا، زيّ ما إحنا زمان كان لينا عاداتنا وتقاليدنا، وكنا بنتحرم يعني إيه بنت، يعني إيه نِفسِن عليها، مش عارف إيه اللي حصل للمصريين؟ النخوة اللي كانت عندنا راحت فين؟
وأستكمل قائلا: "ابعدوا عن حياتي بقى، أنا مش عارف إيه ده! إمتى هتسيبوا الناس في حالها؟ عمرنا ما اتكلمنا عن مين خَطَب ومين اتجوز، ولو حصل، بيتكلموا بعد الأحداث، دلوقتي بيتكلموا عن بنت وليها عائلة كبيرة، وبقى كل همنا التريند والفيديو ده يجيب كام؟
وتابع: "أنا مش عايز حد يتكلم عني، ولا الناس كلها تتكلم عني، طلعت مع بسمة وهبة وقلت إن الجمهور بقى آخر همي، عشان أوصل رسالة إني مش عايز تريند، هو في فنان بيقول كده؟ هما وصلوني لكده!.
نفى حسام حبيب كافة الأخبار التي تناولت موضوع خطوبته، وأكد عدم صحتها، قائلاً: "وكل شوية يطلعوا يقولوا إن حسام حبيب صرّح، أنا صرّحت فين؟ أنا ما قلتش حاجة لحد نهائي! وبعدين بيقولوا إن علاقتي بالبنت دي من سنين! هي أصلاً البنت عندها كام سنة عشان يتقال كده؟ واللي جاي بقى هيبقى وحش، وهيبقى في قضايا، ولازم كل حاجة يكون ليها حدود، ومش المفروض نتكلم عن أعراض الناس.
وأنهى حسام حبيب حديثه قائلاً: "وأنا هشوف مين اللي كتب الكلام ده على لساني وهحبسه، لأني ما قلتش لأي حد، وأنا هكبر المشكلة، لأن البنت دي بنت ناس كبيرة أوي في الأردن، فهندخل القضايا ونشوف بقى!".
اقرأ أيضا | إعلامية كويتية تسخر من خطبة حسام حبيب وتعلق: الضحية الجديدة