بسمة بوسيل: أنا وتامر حسني مبنفكرش نرجع لبعض

تصدرت الفنانة بسمة بوسيل مواقع التواصل الاجتماعي والبحث على «جوجل» خلال الساعات القليلة الماضية، بعد الحديث عن حياتها الشخصية وإمكانية عودتها لطليقها الفنان تامر حسني.
وترصد «بوابة أخبار اليوم» أبرز تصريحات بسمة بوسيل
-«بنصح أصحابي اللي عايزين يطلقوا عشان عندهم مشاكل انفصلوا لو لقيتوا نفسكم في الانفصال مرتاحين اتطلقوا».
-«الطلاق في الزمن اللي إحنا فيه دا مفيهوش رجوع».
- «الرجوع بيبقى ليه بوادر أنا ماشفتهاش، لما بيبقى في رجوع بيبقى في مشاعر بين الاتنين ومش بعاد عن بعض، لما اتنين بيبقوا بيطلقوا وهما عايزين يرجعوا بيبقوا مظبطين نفسهم أن فيه طريقة للطلاق بيبقى فيه خيط للرجعة».
-«أنا بالنسبة ليا أنا وتامر مش بنفكر نرجع لبعض والكلام اللي على النت مش عارفة مين اللي بيطلعه لكن زي ما قال تامر في ناس بتحاول يصلحوا ما بينا بيتكلموا الطبيعي ومش فاهمين حاجة في العلاقة ما بينا».
-«أنا لسه مش جاهزة للارتباط، أنا دلوقتي مش بستحمل حد يتحكم فيا أبدا لو قالي متسافريش مثلا ممكن اتجنن».
-«عايزة أصحى الصبح أسافر أي مكان أو أدخل استديو أغني أو أروح شركتي أو أسافر المغرب لأهلي».
-«لما تبقى حاسس أنك مسجون وطلعت من السجن طبيعي مش هتبقى عايز حد يكلمك عايزة حرية ودا ترسبات عن الماضي».
اقرأ أيضا|«الجوكر وصل يا صيع».. محمد ثروت في أحدث جلسة تصوير