رسالة جديدة من نشوى مصطفى لزوجها: كنت سندي وضهري وستري

نشرت الفنانة نشوى مصطفى رسالة إلى زوجها الراحل، معبرة عن اشتياقها الشديد له، عبر صورة له بحسابها على "فيسبوك", وعلقت نشوي قائلة: "الله يرحمك ويسعدك ويراضيك يا نور عينيه، عارف يا عماد امبارح أخويا بيقولى أنتى كنتى مهمومة وبتراعى وواخدة بالك مننا كلنا، وابيه عماد هو الوحيد اللي كان مهموم وواخد باله منك وبيراعيكى ومهتم بيكى".
وتابعت: "يا عماد أنت كنت رزقى الكبير ورزقى انقطع أنت كنت سندى وضهرى وسترى أنت كنت اطمئنان قلبى أنت كنت سرى كنت باجرى عليك اشتكي لك وتصبرنى اسألك وتفهمنى كنت أبويا ودلوقتى أنا اتيتمت مش هكذب عليك أنا بأمثل إنى عايشة قلبى مغروس فيه خنجر وروحى مصلوبة فوق محرقة".
في سياق اخر علقت الفنانة نشوى مصطفى على انتقادات ظهورها الأول في برنامجها «بنت البلد» قبل انتهاء شهور العدة بعد وفاة زوجها.
وأوضحت نشوى أنها سألت أهل العلم هل يجوز نزولها للعمل وقالت خلال حلقة برنامجها: «أنا سألت الأفاضل أصحاب العلم في فكرة إني أنزل أشتغل عشان أنا مرتبطة بعقود عمل وفي تفاصيل تانية شخصية وأنا مش هينفع أتسول ولا أستلف من حد والحمد لله مستورة جدا بفضل زوجي».
وأضافت قائلة: «لكن أنا مرتبطة بمصالح ناس مينفعش أضر فيها وقيل لي من أصحاب العلم إن الخروج للعمل مش حرام والخروج للطبيب لأن أنا مريضة قلب وكنت لسه من 3 شهور مركبة 3 دعامات»، وتابعت:«الشيوخ الأفاضل قالولي النزول للأطباء يجوز والنزول للعمل طالما أنا مش صاحبة العمل أنا بشتغل عند ناس أنا متعاقدة مع ناس».
اقرا ايضا | «مش عارفة أعيش».. نشوى مصطفى تنهار بالبكاء على الهواء| فيديو
واختتمت نشوى مصطفى حديثها قائلة: «لكن الخروج للتسوق أو للزيارات العائلية أو الترفيه دي اللي ممنوعة ولازم تحصل بعد فترة العدة».
الظهور الأول
وكانت الفنانة نشوى مصطفى قد تصدرت التريند في ظهورها الأول بعد وفاة زوجها في 28 ديسمبر الماضي بسبب إنهيارها بالبكاء عند حديثها عليه قائلة:« أنا مش عارفة أعيش.. عشرة 33 سنة مشوفتش منه غير كل خير وكل مودة وحب وكل دعم وسند وحسن تربية لأولادي وأولاده».
اقرا ايضا | «مش عارفة أعيش».. نشوى مصطفى تنهار بالبكاء على الهواء| فيديو