«أصعب لحظاتها وعلاقتها بضرتها».. أبرز تصريحات «إسعاد يونس» مع أنس بوخش

كشفت الفنانة إسعاد يونس عن كواليس حياتها العائلية والشخصية وعلاقتها بالفنانة شريهان زوجة رجل الأعمال علاء الخواجة، وعن أصعب فترات حياتها خلال حلولها ضيفة على برنامج « ABtalks» مع أنس بوخش.
وأوضحت إسعاد يونس، أنها عاشت أصعب لحظاتها بعد وفاة والدها وهي في سن ال14 عامًا، وذلك بعد أن تخلى عنها وعن والدتها، كما كشفت عن شعورها بعد زواج زوجها للمرة الثانية وعلاقتها بالفنانة شريهان، ونصيحة والدتها لها.
أبرز تصريحات إسعاد يونس.
إقرأ ايضا: أول تعليق من شقيق شيرين عبد الوهاب بعد طرح أغنيتين من ألبومها الجديد
* أبويا مات بعد مرض فترة قصيرة وكنا مستورين، وحصل نوع من التخلي تمامًا ليلة الوفاة وحاجتنا اتباعت وتم تزوير توقيعات أبويا واتطلب من أمي إنها تسيب الشقة وتمشي عشان ياخدوها.
* ماما جابتني ليلة الوفاة وكان عندي 14 سنة، وقالت لي احنا معانا 11 قرش بس هنكمل الحياة لحد ما المعاش يتسوى.
* ستات كتير بعد وفاة والدي قرروا يقاطعوا ماما لأنها ست حلوة وصغيرة عندها 32 سنة فتخيلوا إنها خطر على الأزواج بعد ما بقت أرملة.
* أمي كانت دايماً تقولي متتكسريش أنتي كورة مش طقطوقة.. الكورة تترمي تطلع لفوق لكن الطقطوقة تتكسر.. إنتي مش جماد أي حاجة تقطمك.
* بعد زواج جوزي للمرة الثانية .. في الأول كنت في حالة صدمة وغيرة وبكاء وحالة درامية وبعدين قعدت أفكر هل أنا مثالية وجميلة الجميلات؟ لأ طبعا.
* الراجل ده أنا بحترمه وممكن أتخلى عن كونه يتجوز مقابل إني معايا كل الكنز ده، كمان الولاد كانوا سبب كبير في إني أكمل في علاقة الزواج بعد جوازه للمرة التانية.
* أفضال الراجل ده عليا كبيرة.. وابتديت أهدى لأن الظروف جمعتنا أنا وضرتي ولقيت إنهم حبوا بعض وهي شايفاني قدوتها.. وهي هتخلف وهيبقى في صلة دم بيننا وكان لازم أخلي الوضع ده متحضر
* أنا تميت 39 سنة متجوزة.. النهاردة مفيش جوازة بتستحمل 3 سنين.