الليثي وصيام يكشفان عن حلواني جديد «من اللى بنوا مصر»

تناولت حلقة اليوم الخميس من برنامج " الحلواني " للإعلامي عمرو الليثي والفنان القدير أحمد صيام ، حلوانى جديد من اللى بنوا مصر، قبل ما القاهرة تصبح عاصمة جديدة لمصر ، كان فيه عاصمة تانية قبلها اسمها "القطائع" ، مكانها في المنطقة اللي بين مصر القديمة والقلعة لغاية حي زين العابدين ، واللي بنى العاصمة دي سنة 870 ميلادية راجل عظيم التاريخ مابيتكلمش عنه كتير .
ويكمل الفنان أحمد صيام : أبو العباس أحمد بن طولون المولود في 23 رمضان سنة 220 هجرية والملقب بأمير الديار المصرية والشام والحجاز وأول من استقل بمصر عن الدولة العباسية أيام الخليفة المعتمد على الله .
وتابع عمرو الليثي ان احمد بن طولون فعلا استقل عن الدولة العباسية وحكم من سنة 868 لغاية 905 ميلادية ، 37 سنة كانوا كلهم رخاء وعدل واستقرار وجيش قوي كله من أبناء مصر مفيش مماليك ولا اجانب ، وكان نفوذ مصر في عهد بن طولون ممتد من منابع النيل في افريقيا لغاية نهر الفرات والشام وحدود الدولة البيزنطية اللي حاربها وانتصر عليها ، اجمل حاجة عملها انه ساب للحكام اللي بعده اول دستور للحكم بالعدل والمساواة بين المصريين ، ومافرقش في الوظائف والحقوق بين مسلم ومسيحي، وكان اول حاكم يهتم بتحسين أحوال الحرفيين والفلاحين .
ومن الجدير بالذكر أن برنامج " الحلواني" يرصد خلال حلقاته أسرار وكواليس تذاع لأول مرة عن أهم الشخصيات والمبدعين في كافة المجالات علي مدار التاريخ و أحياء المحروسة التاريخية .
يذاع برنامج «الحلونى » عبر إذاعة الشرق الأوسط في الساعة 5.25 قبل الإفطار والاعادة 9.10 صباحا
من الاحد الي الخميس يوميا خلال شهر رمضان .
البرنامج من تقديم الإعلامي د. عمرو الليثى ويشارك في التمثيل به الفنان القدير أحمد صيام ويكتبه الكاتب الصحفي محمد الشبّه ويخرجه الإذاعي تامر حسنى