لأول مرة.. حماقي يكشف أسرار عن حياته الشخصية | فيديو

كشف الفنان محمد حماقي أسرار عن حياته الشخصية لأول مرة حيث تحدث عن تجربة انفصاله عن زوجته ثم عودته لها بعد عامين.
وقال حماقي إن وقت الانفصال شعرا بأنهما لم يبذلا المجهود الكافي في محاولات العودة مرة أخرى.
وأضاف حماقي خلال حواره مع الإعلامية إسعاد يونس في سهرة خاصة على قناة dmc، أنه يدرك جيدا مشاعره تجاه زوجته حتى بعد الانفصال، قائلا: «بعد الانفصال إحنا الاتنين لقينا إننا معملناش كل المجهود اللي المفروض يتعمل، فقولنا ملوش معنى خالص الانفصال، ودليل كبير أن يفوت سنتين من الانفصال، وده مش وقت قليل ومكناش لسه خلفنا يعني سهلة أوي إننا منرجعش، ومفيش حاجة ترجعنا أصلا»
وأشار محمد حماقي: «بس رجعنا في النهاية، وأنا الحقيقة بحب نهلة جدا من كل النواحي، بحبها بعقلي ومقتنع جدا وبمشاعري، الحمد لله أن إحنا رجعنا».
وكشف الفنان محمد حماقي ايضا عن سبب تغيير محل إقامته من مدينة نصر إلى 6 أكتوبر، أوضح أنه فعل ذلك لكي تكون زوجته قريبة من أسرتها وأصدقائها، قائلا: «الانتقال من مدينة نصر ل 6 أكتوبر مكنتش أتخيل إني هعمله أبدا، لأن أصل سكان مدينة نصر جم من مصر الجديدة، أنا أبويا وأمي كانوا من مصر الجديدة لما نقلوا راحوا المدينة الجديدة اللي هي مدينة نصر، فطبيعي نقلتي أنا تبقى للتجمع».
وتابع: «وأنا بتحرك وبسافر كتير وهيبقى في أوقات كتير أنا مش موجود، حسيت أن هيبقى فيه ظلم، الأسهل إني انقل أكتوبر وأنا حركتي هتبقى أسهل، فده ليها ولراحتي، لأن فكرة أنها تبقى قاعدة زهقانة أو قاعدة لوحدها ده هيبقى مؤرق يعني».
اقرأ أيضا|a href="https://akhbarelyom.com/news/newdetails/3980525/1/%D9%88%D8%A7%D8%A6%D9%84-%D8%AC%D8%B3%D8%A7%D8%B1-%D9%88%D8%A2%D9%8A%D8%A9-%D8%B9%D8%A8%D8%AF-%D8%A7%D9%84%D9%84%D9%87-%D9%88%D8%A7%D9%84%D8%A8%D8%AD%D8%B1%D8%A7%D9%88%D9%8A-%D9%88%D8%A3%D9%86%D8%B3%D8%AA%D8%A7" title="وائل جسار وآية عبد الله والبحراوي وأنستازيا .. " خلطة" رأس السنة في مدينة نصر | صور"وائل جسار وآية عبد الله والبحراوي وأنستازيا .. "خلطة" رأس السنة في مدينة نصر | صور