الجمعة.. «ويجز» يحيي حفلاً غنائياَ في المنارة

يستعد مطرب الراب ويجز، لإحياء حفلاً غنائياَ ضخماً بمركز المنارة بالتجمع الخامس.
ومن المقرر أن يقدم ويجز، مجموعة من أشهر أغانيه التي يتفاعل معها الجمهور بشكل كبير منها أغنية "البخت" و"كدا كدا" وأسياد الصوت".
وروج ويجز، للحفل في فيديو عبر خاصية ستوري بموقع التواصل الاجتماعي «إنستجرام»،: "حابب أقول إني مبسوط جدًا هشتغل حفلة 4 نوفمبر بالمنارة، لأن الحفلة ديه أشتغلنا عليها بجهد كبير، وإن شاء الله الموضوع هيبقى شكله مختلف، ومتحمس أوي وعايز كل الناس تيجي".
وطرح ويجز، مؤخرا، أغنيته الجديدة بعنوان "أميرة" على إحدى المنصات الإلكترونية، والتي قدمها بالتعاون مع الموزع الموسيقي أش، لكنه تفاجئ بإنتقادات توجه له عقب طرح أغنيته بساعات، وذلك عبر مواقع التواصل الاجتماعي.
ومن ناحية أخرى حل مطرب الراب ويجز، ضيفا على إذاعة BBC البريطانية، وأدلى خلال الحلقة بالعديد من التصريحات حول الصعوبات التي واجهها في بدايته ونيته من الاعتزال.
وترصد «بوابة أخبار اليوم»، في السطور التالية أهم وأبرز تصريحاته:
1- أنا مش مثل أعلى لحد، ممكن تعتبرني رحلة لواحد عمل مزيكا وسافر برا واتعلم، لكن تاخدني قدوة وتقلدني لأ، إنت ممكن تبقى أحسن مني في كل حاجة.
2- الراب في مصر بيواجه قيود، وبيتربط بعادات وتقاليد المفروض تكون اتلغت، لأن العالم كله بيتغير.
3- أي حد ممكن يحافظ على نفسه ويسمع اللي المفروض يسمعه، مش لازم ياخد حاجة تانية من المطرب.
4- طول ما في قيود الإبداع بيقل، ومش عايزين المساحة الإبداعية تتخطف منا، نفسي الموضوع يبقى سلس أكثر من كده.
5- كان عندي أوقات كنت المفروض أسيب فيها كل حاجة، لكن كان لازم اتعلم الانضباط وإني أكون متسق مع نفسي، وإزاي أكون فنان عشان اتجنب الاختفاء بعد شوية.
6- لازم تدي نفسك الاحترام والتقدير اللي تستحقه بعد ما تعمل حاجة، وأنا لا أضع نفسي تحت ضغط كتابة أغنية، ولا أنسى إني إنسان ممكن أغلط عادي، وأكافئ نفسي لما أحسن من نفسي.
7- أنا شغال، ووقت لما أحس إني ابتديت أخرف وأعمل حاجة شكلها لا يليق بيا ولا بالناس هشوف شغلانة تانية.
8- من دلوقتي بحاول أتعلم عايز استثمر في إيه لما أكبر شوية، وإزاي ممكن أساعد الناس اللي بتحب تعمل مزيكا، نفسي أعمل أستوديو، وعندي خطط بعيد عن الفن.
9- عايز اتفسح في أوروبا، في لندن، في برلين وأعمل حفلة هناك، عايز اعمل حفلات للمصريين في أوروبا، وارجع مصر وارجع أوروبا مرة تانية.
10- في ناس بتكلمني وتقول إحنا سمعناك أكتر من مرة وفهمناك، ومبسوط إنهم ادوني فرصة عشان يفهموني، ونفسي يعملوا كده مع كل شباب الراب، اديهم ودنك عشان تفهم وتتواصل مع ابنك.
أقرأ أيضاً | «القاهرة الإخبارية» تزين برج القاهرة.. وتحتل أكبر ميادين نيويورك