تامر حسين : راضى باللي وصلتله بس أنا مش محظوظ

كتبت ربا كاملفنان متميز قدر خلال فتره قصيره انه يكون من اشهر فناني جيله , الفنان تامر حسينتامركلمنا شوية عن تجربة شريف و نص من الجزء الاول للتانى و خصوصا انه كان اول عمل بصوتك يرى النور؟بالنسبه لتجربة شريف ونص ففي الجزءالأول اتطلب منى أعمل اغنيه ليه وعملتها وكانت الحان عمرو مصطفى وتوزيع أحمد عادل وعمرو كان مشغول ساعاتها فانا اللى روحت غنيت الأغنية بصوتى كبروفا اسمعها للمخرج يحيى ممتاز وتقريبا كانوا مرشحين هشام عباس أو لؤى والمخرج أول ما سمعها قلى لا انا عايزها بصوتك والضحكه بتاعت غناك لايقة جدا عليها وفعلا غنيتها والحمد لله نالت اعجاب ناس كتير.فكرة الدويتو جت ازاي و ليه دولي شاهين بالتحديد؟الجزء التانى كان ابطال السيت كوم معظمهم اتغيروا ودوولى شاهين دخلت جديدة عليهم والمفروض انها بقيت حبيبة شريف وجارته الجديدة , ومن هنا جاءت فكرة ان دوللى تغنى الكلام بتاع شخصيتها اللى هو اه يا سلام بقى لماتلاقى واحدة غنية ومعجبه بيك كل مكان بتروحه تحوطك وبتتلكك بتموت فيك فرصه ومين بس يضيعها هدية م السما جت ف ايديك ولعلمك دوللى ماغنتش الحن بتاع عمرو مصطفى هى غنت راب فكانت الفكرة حلوة.خلينا نرجع شويه للوراء لو مكنتش اتعرفت على عمرو مصطفى و اكتشفك كنت هاتفضل مكمل فى طريقك ؟لو مكنش اكتشفنى عمرو مصطفى طبعا كنت هكمل لان ده حلمى الوحيد اللى بنام واصحى عليه وسر حماس اى مطرب للشغل معايا انه عارف انى بالبلدى كدة مستقتل في شغلى وبغير جدا عله وبتعب وبخلص فيه.شايف نفسك كنت محظوظ وسط جيلك من الشعراء الي ما قدروش انهم ياخدوا حقهم؟بالنسبه لموضوع الحظ الحمد لله لكل مجتهد نصيب وانا راضى باللي وصلتله بس انا مش محظوظ لانى جيت فى زمن انهيار سوق الكاسيت مش فى انتعاشه , وبجد فكره اني في جيل عمرو مصطفى وخالد تاج الدين وأيمن بهجت قمر وغيرهم الموضوع ده فرق كتير اوى.احنا سمعنا انك كان حلمك الغناء مش الشعر,ازاي اتجهت للشعر و بعدت عن الغني الفترة الي فاتتو لية رجعت للغنا تانى دلوقتى؟الغنا كان حلم ومازال حلم بس سبحان الله ماحدش عارف الخير فين وايه السكه الاسهل للوصول , انا من صغرى وانا بغنى في كل حفلات مدرستى من ابتدائى لمرحله اعدادى لثانوى والموضوع كبر في دماغى في الجامعة لما لقيت الكل مشدودلى مع انى مكنتش بروفيشنل جدا لسه طالب في اولى, وفاكر لما طلعت كورال الجامعة وغنيت قبل الوداع لعمرو دياب الدكتور قلى صوتك فيه قبول واحساس عالى, كلمه قبول فهمتنى ليه الناس كلها كانوا مبسوطين وهما بيسمعونى مع انى كنت بغنى بطريقتى انا مش زى حد او الشخص اللى بغنيله الاغنية.واحنا في ثانوي كنت اشيل كلام الاغانى واركب كلام تانى خالص وأضحك على اصحابى اقولهم الكوبليه ده كان فى الاغنية ومانزلش عشان اعرف رد فعلهم بصراحه وكانوا يقولوا والله احلى من اللى نزل اطمن وأتاكد من موهبتى أكتر في الجامعة وانا بغنى كنت بعمل اغانى لنفسى بس أفكارها غريبة وبتعبر عن تجاربى زى مثلا اغنية الشارع اللى جنب الجامعة وغيرها بس كنت أقول دى قضيتى انا هو مين يعنى هيسمع الشارع اللى جنب الجامعة من الناس العادية لازم اغنى لكل واحد امسه بتجاربه هو, و من هنا غيرت الفكرة ف التعبير وبدل ما اعبر عن نفسى بس بقيت اعبر عن كل جامعتى وكل جيلى واكتشفت جوايا الشاعر وسنه ورا سنه كنت بكتشف حاجات أحسن وتطورات فيا.درست موسيقى في نقابة المهن الموسيقية فترة طويله واتعلمت جيتار ولسه حلم الغنا موجود عندى بس كله في وقته انا يمكن رسيت انا لو عملت البوم هغنى ايه وناوى اعمل كدة فعلا بس فى التوقيت اللى أشوفه مناسب انا مركز دلوقتى انى انتشر أكتر وأكتر وأكبر اسم تامر حسين وانا معنديش عقد نفسيه تماما, والاغانى اللى مختارها معظمها كلمات ناس غيرى زى أحمد على جادو وعز الدين ومانو والملحنين عمرو مصطفى طبعا وأنا وأحمد حسين اللى عامل لساموزين معايا أغنية أيام فبعدنا فاتوا وقدمت ملحن لاول مرة في البوم دوللى شاهين اسمه أمير على.انا مركز مع عمرو مصطفى لان بنا كميا غير عادية لانه عشرة 8 سنين واحنا أخوات وأصحاب بعيدا عن اى شغل او مصالح والمزيكا دى حاجة بنحبها انا وهو بنعملها لنفسنا قبل مانعملها للجمهور وعمرو مصطفى من المواهب اللى نادر تكرر تانى فى تاريخ مصر ناس بتيجى كل كام سنه مرة ف العمر بإجماع الكل مش انا بس.حلم اي شاعر جديد يتعامل مع عمرو مصطفي و الهضبه عمرو دياب احكيلنا عن او مره قبلت الهضبه وازاي استقبل شغلك؟عمرو دياب أول مرة اقابله كان في البوم الليلادى وهو قبل كدة كان شكر فيا في جريدة رسمية وكان من ضمن الاغانى اللى اعجب بيها أغنية أجمل قصه حب لحسام حبيب اللى هى بدايتى وعجبه يادى الغيبه, واول لقاء جمعنا كان فى استديو ليله عشان كان طالب أغنية برجع بعمرى اللى غنيتها شذى واتفقنا على كل تفاصيلها وقلى شغلك حلو ياتامر وانا عجبانى أجمل قصه حب طبعا كنت طاير من الفرحه وللاسف كان مضطر ينزل بسرعة عشان يلحق الصيف , ومحصلش نصيب ياخد الاغنية بس اكتفيت انى اسمع رأى عمرو دياب فيا لانى في الاول والاخر انا واحد من معجبينه وله مكانه كبيرة اوى في قلبى كفنان ولما عرفت عمرو دياب الانسان الطيب الجدع حبيته أكتر وأكتر , وفي 2009 جتلى الفرصه تانى معاه في أغنية ماكنتش ناوى.وكان ايه رد فعلك لما عرفت ان اغنية مكنتش ناوي لعمرو اتسربت؟مع ان الأغنيه اتسربت وكان نفسى تنزل في الالبوم بس برضه اهو عمرو وانا فرحان انه غناها .عملت ايه لما عرفت ان اغنيتك هتبقي هيد الالبوم؟كان عمرو طالب اغنية تكون هيد للالبوم الجديد فسمعناه وياه عجبته جدا وفاكر يوم لما سمعها كان فرحان جدا بيها كنا ماشين بنسمعها في عربيته انا وعمرو مصطفى ومبسوطين جدا بيها وهو كان مراهن عليها , والفرحة الكبيرة لما اخدت جايزة أحسن أغنية فى أفريقيا والشغل مع الراجل ده ممتع لابعد الحدود وهو بنى ادام راقى وذوق ومحترم .تامر ممكن تكتشف شعراء و ملحنين عشان يعملوا حاجه في الالبوم ولا هتفضل النجوم الكبار؟اكتشف شعراء دى صعبه جدا لان احنا في مجتمعنا الفكر غريب جدا وممكن يقولوا دا بيكتبولوا فا بتجنب الشبهات وبزعل جدا لما حد يقولى اسمعك حاجة واوقولوا اسف اعفينى من الموضوع ده, بس بتجنب الشبهات ملحنين انا السنه دى اشتغلت مع امير على لاول مرة هو جيتاريست وافكاره حلوة في التلحين وأحمد حسين اللى عمل معايا أغنية ساموزين هو كان عشرة عمرى برضه وبدأنا الحياه مع بعض بس السنه دي اول اغنيه تنزل لينا مع بعض.بالنسبه للتجربة الى شوفناها فى رمضان فى اغنية هقابل المولى و انك تاخد كلام من شاعر تانى.. دا ممكن يحصل فى الالبوم عندك .. ولا هاتكتب الالبوم كله بنفسك؟تجربة هقابل المولى من كلمات صديقى الشاعر الجميل اللى انا بعتبره أجمد شعراء جيلنا عز الدين بحب كلامه وطريقته جدا في التعبير وخصوصا الاغانى الدينية والإجتماعيه , هو مميز جدا فيها وكانت الحانى وده دليل انى مش هعندي مشكله اغنى كلام حد تانى لان ده فن طبعا يعنى المهم الرساله توصل للناس مين اللى كتب؟ مين اللى لحن ؟مين اللى يوزع ؟ مش مهم ,الناس عايزه عمل جيد فقط.هل فى عداوة ما بينك و بين تامر حسنى؟بالنسبه للعدوات ماعنديش تماما مشاكل مع اى حد والحمد لله الناس كلها جمهور وفنانين عارفين انى راجل محترم مش بتاع مشاكل وبشتغل وبركز بس.اغنية الشارع الى جنب الجامعة غنتها بصوتك و بعدها نزلها احمد علاء نجم في روتانا بصوته .. ازاى دا حصل؟أغنية الشارع اللي جنب الجامعة من أغلى الاغانى على قلبى وكان بيحبها جدا أحمد علاء وهو أخويا الصغير وبحبه جدا علي المستوى الشخصى والفنى وعنده كاريزما وفنان متكامل , طلب منى يغنيهالى هدية عيد ميلادى وعملها وغناها تعبيرا عن حبه ليا وللاغنية وبشكره جدا على الموضوع ده وانا هعمله ان شاء الله حاجات مميزة في البومه.تامر شايف الموهبة لوحدها كفاية عشان اى حد يوصل للى وصلوا تامر؟الموهبه لوحدها مش كفاية الموهبه والصبر وقوة التحمل والايمان بموهبتك من غير اى يأس والذكاء الفنى وانك تشتغل على نفسك وتطور من نفسك والأهم توفيق ربنا, كل دى عوامل مهمه جدا واضيف حاجة أهم رضا الوالدين ودعاهمفى النهاية تقول اية للشباب الى نفسهم يحققوا نفسهم وموهوبين؟اقول لكل الشباب احلموا احلامكم مش بفلوس احلم وصدق الحلم ده لان كل ما مسكت فيه كل ما بقى ملكك وهيتحقق مفيش حاجة بعيدا ابدا على ربنا ده حتي اسمه العدل.