حمو بيكا: «نصف المشاهدات الموجودة على قناة محمد رمضان مزيفة»

فتح مغني المهرجانات حمو بيكا النار على الفنان محمد رمضان، كما كشف عن رأيه فيه وفي والأغنيات التي يقدمها.
وقال حمو بيكا في الجزء الثاني من حلقته في برنامج «الترابيزة» من تقديم أميرة بدر، والمذاع عبر قناة «الشمس»، إن محمد رمضان يؤدي بشكل جيد، لكنه أفضل منه قائلا: «محمد رمضان مؤدي كويس، وأنا أشطر منه في الأغاني وبحقق أرقام أعلى منه».
وأوضح أن محمد رمضان يستفيد من جماهيريته كممثل قائلا: «عنده في قناته 15 مليون استخدم الفن بتاعه من التمثيل في الغناء، لو جبنا قناة من الصفر ونزل عليها أغنية وأنا نزلت أغنية نحكم وقتها، ورمضان مش هيكسب».
وأكمل حمو بيكا قائلا:« إن محمد رمضان يصرف على أغنياته ويدفع للإعلان عنها حتى تكون «تريند» على يوتيوب، مشيرا إلى أن نصف المشاهدات الموجودة على قناته مزيفة».
ووصف حمو بيكا نفسه أنه أهم مطرب مهرجانات في مصر قائلا: «أنا صانع البهجة والابتسامة على وجوه الناس».
وكان حمو بيكا، مطرب المهرجانات كشف عن ما تعرض له من ظلم كبير خلال الفترة الماضية، معقبا «اتظلمت كتير، لما ربنا يرزقني ويجي شخص يشيل اللقمة اللي ربنا بعتهالي، وأنا مش لوحدي وفاتح بيوت ناس كتير ورا مني بتاكل عيش».
وأضاف حمو بيكا، خلال تصريحات تليفزيونية، «اللي ظلمني بيتحكم فيا، أنا معايا ربنا، بيجوا عليا وعلى لقمة عيشي، بلدنا فيها حرية وتعبير عن الرأي، وأنا بعبر عن رأيي بالغنا، أنت مش حاببني مش حابب تسمعني ده رأيك أنت بس، أنا ليا جمهوري، وملايين بيسمعوني».
وتابع مطرب المهرجانات، أنه كان يشعر بالندم الشديد في بداياته بعمل مهرجانات تحمل ألفاظا خارجة، قائلا: «بعترف أني غنيت كلام خارج وبنصح أي حد ميغنيش الكلام ده».
واستطرد حمو بيكا «إزاي أنا راكب عربية ولابس ذهب، ربنا له حكمة في كده، ده شرك بربنا أنت بتمنع لقمتي، فكرة أنه يقدر يشيل لقمتي، النملة في جحرها بتأكل وتشرب والقطة بتأكل في جحرها».