منة عرفة ورسالة غزل لزوجها

نشرت الفنانة الشابة منة عرفة، رسالة غزل إلى زوجها عبر حسابها الشخصي بموقع إنستجرام، وصحبتها بصورة جمعتها بزوجها وعلقت عليها معبرة عن حبها الشديد له قائلة: إلى زوجي ورجل أحلامي، في كل موقف صعب بيعدي علينا بتثبتلي فيه إنك رجل مفيش منه كتير، وفي كل لحظة حلوة بتعدي ما بينا بنبهر بأد إيه أنا إنسانة محظوظة وربنا بيحبني عشان رزقني براجل زيك.
منة عرفة تابعت قولها: أنت السعادة والفرحة والأمان اللي كنت محرومة منهم عشان مكنتش في حياتي يا حياتي، أنت هديتي من ربنا اللي كل يوم وكل لحظة بشكر ربنا عليها، أنت العوض اللي كنت مستنياه طول حياتي، غيرتني وغيرت حياتي كلها للأحسن، جيت بدلت كل الحزن والوجع والخوف بحب وأمان واستقرار وذكريات حلوة زيك.
كما أضافت منة عرفة: أنت أرجل وأجدع وأحن وأحلي راجل أنا شفته في حياتي، ربنا يديمك أحلى نعمة في حياتي ويخليك ليا وميحرمنيش منك ويحميك من كل شر ويسعدك ويفرح قلبك زي ما دايمًا بتفرحني، كل الكلام دا ميوصفش 1% من حبي واحترامي ليك بجد، بحبك يا توأم الروح والشكل يا من تنتمي له روحي ووجداني وهويتي.
سبق وكشف محمود المهدي، اقتراب موعد زفافه على الفنانة منة عرفة، ونشر صورة جمعته بزوجته، عبر حسابه الشخصي على إنستجرام، وعلّق قائلًا: العد التنازلي للغسالة ابتدى.. قريب أوي هنعلن عن ميعاد فرح الفار السندق.. كم واحد مستني.