أنا هبطل...عشان رمضان !

خلاص بقي مش هشرب سجاير عشان رمضان...و أنا مش هشيش بقى...و أنا مش هكلم ولاد...وأنا مش عرف أخرج و أقضيها...الواحد مش عارف هيمسك لسانه ازاي...احسن حاجة في رمضان إن الواحد بيصلي...ياه رمضان جه و الواحد هيحترم نفسه...
جاء شهر رمضان الكريم بأنواره و روحانياته، و بدأ جميع المسلمين الاستعداد لاستقبال هذا الشهر الكريم، فالاستعداد ليس فقط في احتياجات هذا الشهر و إنما هناك الاستعداد النفسي لإتمام الصوم على أكمل وجه.
و يقرر معظم الأشخاص تغيير سلوكيات أو عادات تحدث في حياتهم بسبب الصيام، فمثلا المدخن يأخذ قرار بوقف التدخين خلال هذا الشهر الكريم، و التي لا ترتدي الحجاب قد ترتديه أثناء الصيام، و الذي يتحدث إلى فتيات يقرر وقف حديثه معهن، و من لا يصلي يقرر الصلاة إلى آخره من هذه الأمور.
و ما يلفت النظر هنا، هل الطاعة و العبادات مرتبطة بشهر واحد فقط في العام، هل التغيير يحتاج إلى صوم، وهل يرى الإنسان أنه مذنب وخاطئ إلى الحد الذي يجعله يرى أنه لابد من استعداد نفسي و الإقلاع عن أمور كثيرة لإرضاء الله أثناء شهر رمضان، و الأهم من كل هذا هل طاعة الله مرتبطة بشهر معين؟!
قامت بوابة أخبار اليوم برصد بعض الآراء بخصوص السبب في هذا، وكانت الردود كالتالي :
ترى "نهلة" أن شهر رمضان ليس هو الشهر الوحيد للعبادة ولكنه يعطي للشخص فرصة مع التراويح و القرآن للتقرب من الله أكثر، و ليت المقصرين في حق الله و عبادته أن يكون هذا الشهر بداية للإقدام على الطاعات أكثر، وربما روحانية هذا الشهر هي أكبر دافع للتقرب إلى الله.
و قال "محمد" ممكن لأن رمضان أكتر شهر الناس بتحاول فيه إنها تحافظ على الإلتزام بتعاليم الدين و أوامر ربنا لأنه شهر بنستناه من السنة للسنة و الحسنات فيه كتير وده اللي بيخلينا نحاول نبقى كويسين فيه بقدر الإمكان و نعمل حاجات كويسة منها صلة الرحم، الصلاة في مواعيدها، قراءة القرآن.
و علق "أدهم" بصراحة بحس بصعوبة في بداية رمضان بسبب اعتيادي على حاجات كتير منها النسكافيه بتاع الصبح، و في نفس الوقت طول محنا في رمضان بحس بفرحة كبيرة بسبب الروحانيات اللي بتكون موجودة واللي بتخليني م نغير محس ملتزم في كل شيء صلاة، قرآن، صيام، و صلة رحم، وغير كدة الناس كلها بتقرب من بعض أوي.
و قالت "رضوى" رمضان أحلى مافيه إننا بنخبط على بعض عشان نروح نصلي التراويح، و في حاجة في رمضان بتهدي نفسنا اوي بتخلينا نعمل كل حاجة كويسة، و المسألة مش إن ربنا في رمضان ومش باقي الشهور هي المسألة إنه شهر بنستناه من السنة للسنة و بنحاول نقرب من ربنا اوي عشان يغفر لما أي حاجة عملناها وحشة، و بنحاول إنه يكون بداية أحسن لينا في اللي جاي و إنه صفحة جديدة في علاقتنا بربنا.