"الشرطة المصرية": محمد رمضان متلبس بالسلاح و"الإبراشي" غير حيادي

ردت صفحة "الشرطة المصرية" علي موقع التواصل الاجتماعي "فيسبوك" على اتهامات الإعلامي وائل الإبراشي للصفحة بسبه، وتهديداته بمقاضاة القائمين عليها.
وقال أدمن الصفحة – في تدوينه له- "طبعا الأستاذ وائل الإبراشي بيقول إن صفحة الشرطة المصرية شتمته والكلام إلى إحنا قلناه يعاقب علية القانون ..إحنا الحمد الله كل الأدمن محترمين وهنا في الصفحة مفيش حد فوق إن حضرتك تجيب المدعو محمد رمضان ويفضل يهين ضابط الشرطة وهو ممسوك متلبس بسلاح ناري بدون ترخيص وطبعا يتم التعتيم على ضباط الشرطة، وتعرض وجهت نظر واحد يبقى أنت مش حيادي ولا بنجيب الحقيقة".
وأضاف الأدمن:"إحنا صفحة غير رسمية، إحنا هنا مجموعة ضباط ومدنين بنقول كلمة حق وننتقد وزير الداخلية نفسه، مفيش حد فوق النقد ولو كلامنا هيحاسب عليه القانون مفيش أي مشكلة، بس المهم نقول كلمة حق ترضي ضمائرنا أمام الله".
وتابع الأدمن:"هنستمر ومش هنخاف ولو كلمة الحق بتسجن صاحبها مش هتفرق معنا والله".
شاهد تهديدات وائل الإبراشي لأدمن الصفحة
http://www.youtube.com/watch?v=SxLdhUJ-giE&feature=youtu.be