الشاعر والفنان صلاح جاهين له في الفن أجنحة وفروع كثيرة اخترت منها هذه الرباعيات لنعيش معها ذكريات أيام مضت ولكن لم تستطع الأيام أن تمحوها: ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره أتحفر عجبي !! ورا كل شباك ألف عين مفتوحين و أنا وأنتي ماشيين يا غرامي الحزين لو التصقنا نموت بضربة حجر و لو افترقنا نموت متحسرين وعجبي!! يأسك و صبرك بين إيديك و انت حر تيأس ما تيأس الحياه راح تمر أنا دقت مندا ومندا عجبي لقيت الصبر مر و برضك اليأس مر عجبي !! غمست سنك في السواد يا قلم عشان ما تكتب شعر يقطر ألم مالك جرالك إيه يا مجنون ... و ليه رسمت ورده وبيت و قلب و علم عجبي !!! انا شاب لكن عمري الف عام وحيد لكن بين ضلوعي زحام خايف لكن خوفي مني انا أخرس لكن قلبي مليان كلام عجبي!!! أحب أعيش ولو في الغابات أصحي كما ولدتني أمي و ابات طائر .. حوان.. حشرة .. بشر ..بس أعيش محلا الحياة.. حتي في هيئة نبات عجبي !! يا قرص شمس ما لهش قبة سما يا ورد من غير أرض شب و نما يا أي معني جميل سمعنا عليه الخلق ليه عايشين حياه مؤلمة عجبي !!! شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل عجبي !!!