طريق النور

حبة حنين.. «2/2»

يستنوا بفارغ الصبر...لحد القبر.....ومش عارفين.
يلاقوها منين.وﻻ منين......وﻻ إللي سايقهم مين.
وصبح الهم عارفهم......والحزن دموعه تملا العين.
بعد ما راح مننا زرع إيدينا... ومدينا إيدينا للملاعين.
ووﻻدنا اﻷحرار اﻷبرار خلف الأسوار جوه الزنازين.
والقطن النوار......بقي... لونه حزين.
وصبحت دارنا...من غير... نار وعجين.
كله ده... راح فين....وإزاي.... ولمين.
وبلدنا...اتقسمت......نصين... إتنين.
نص كريمه بعسل أبيض... مع فيتامبن.
والنص التاني مقرفص.. تحت الرحلين.
مغروس... في الطين....لحد الودنين.
مش شايف...روحه..ونوحه......أنين.
وجه كل جبان خوان...سرق الفرحه......من جوه العين.
ولعب بالبيضه..إللي حجرها......بيدبح... زي السكين.
ويضرب..من تحت لتحت...ويركب علي... جثث النايمين.
ويلعن.. في أبويا...وأمي....ويسب....... ﻷهلينا الدين.
وفي الآخر يقولولنا إحنا إللي إختارناه.. من بين الملايين.
ونقول مع روحنا من إمتي وبأمارة إيه بتكدبوا علي مين.
ده الكدب يا صاحبي..يا...حبوب قلبي..... مالوش رجلين.
وبكرة نفوق م التوهه...وحنصرخ من تاني في الميادين.
لحد الحق ما يرجع لصحابه...ويصحي كل الخلق النايمين.
ونغني من تاني لبهيه..ووﻻدها....وبناتها.... الصاحيين.
واوعي تفكر إن الدنيا حتفضل علي حالها وحنفضل نايمين.
ده بكرة الفجر حيطلع. وترجع أمي بهيه.. لوﻻدها الحلوين.
ونغني معاها حلوة بلادي السمرة.. الحرة.. أم الدنيا..
وست الدنيا.... ده ربك هو إللي حارسها من شر..العين.
وحيحميها تاني من الحراميه إللي عل الشاشه. وبوشين.
بس علينا..نغير عوايدنا..ونفكر بعقولنا ونستفتي قلوبنا.
ونعرف سكتنا..ونحدد أهدافنا..ونعرف رايحين علي فين.
رايحين علي فين.
رايحين علي فين..
من قلب موجوع.. وتعبان وحزين.
عايش.. وسط الملايين التايهين.
اسمه.. محمد ابن أبو ذكري..
وكاتبها لحبيبة قلبي..أمي..
وبنتي...نور عيني.. وعقلي.
ولكل الناس الغاليين