الأمهات بعد اللقاء : نسينا تعب السنين

لحظات لا تنسي كتبت في سجل التاريخ بالنسبة للامهات المثاليات ان يكون السيسي اول رئيس مصري يحتفي بالامهات المثاليات ويكرمهن ويهديهن وسام الكمال من الطبقة الثانية توقفت الكلمات علي ألسنة السيدات وهن يتحدثن عن شعورهن وسعادتهن بلقاء الرئيس.
سميحة السيد محمود الأم المثالية الاولي علي الجمهورية وام محافظة بني سويف قالت انه شعور كبير وسعادة لاتوصف ان يستقبلنا رئيسنا وزعيمنا السيسي لن نكن نعلم انه رجل متواضع بهذا الشكل راجل كله ذوق وانسانية قلت له ربنا ينصرك يا ريس ويوفقك.
وقالت : الشيك اللي عطهولي الريس اعمل منه حجة اوعمرة واقول للامهات واجب علينا نضحي من اجل ولادنا ونعمل اكتر من كده واكيد ربنا يكرمكم ويرزقكم ان ماكانش من البشر هو يعوضكم.
وقالت نادية يحيي ابو الحسن عبدالجليل الام الاولي علي محافظة جنوب سيناء : ما شاء الله الريس قعد معانا ساعتين بحالهم سمع لكل واحدة مننا ووعد بحل مشاكلنا دا راجل في منتهي التواضع عمري ما شفت ريس زي كده جمع الامهات المثاليات ووزع علينا شيك بمبلغ 50 ألف جنيه لكل واحدة وكمان ادانا وسام الكمال من الطبقة الثانية. . وأضافت صفاء محمد خليفة عسر الاولي علي اسيوط: عمري ما شفت رئيس يكرم الامهات المثاليات ربنا يحميه وينصره والمبلغ اللي هأخده هاجوز بيه البنتين.
وقالت : علي كل ام ان تهتم بأسرتها واولادها علشان ما يروحوش للشارع وتبقي مصر من الدول المتقدمة.
وقالت بشري جاب الله الام المثالية بالشرقية : استقبال الريس نساني تعب 25 سنة مع اولادي ربنا يخليه ويبارك فيه والمبلغ هاعمل منه حجة او عمرة علشان ازور بيت الله.
وتقول ايناس علي بارومة الام المثالية لمحافظة الغربية : لا اعرف اصف الفرحة بعد دخولي القصر الجمهوري زاد عندي الضغط وجابولي الدكتور أعطاني عصاير وعلاج واتمتعت بلقاء الريس اللي قابلنا احسن مقابلة ربنا يجبر بخاطره وقلت له مافيش ريس جمع الامهات المثاليات غيرك ربنا يخليه لمصر وقالت المبلغ الي اخدته اشيل منه 10 آلاف جنيه لبنتي اليتيمة والباقي يساعدني علي الحياة.
وتضيف امل صالح مدني الام المثالية لمحافظة اسوان : لقاء الريس بنا شعور لا يوصف واحنا تسجلنا في التاريخ الرئيس مسح كل الدموع والآهات والآلام اللي شفناها في حياتنا دا احساس ولا في الخيال ندخل قصر الاتحادية ونشوف الرئيس بالصوت والصورة يحكي معانا ويسمع لينا وجدناه انسانا جميلا ربنا يكرمه ويكرم مصر بيه.
وقالت فايزة احمد سعيد ام شمال سيناء اول مرة في العمر كله ريس مصر يستقبل الامهات المثاليات انا اسعد انسانة دا شعور طيب من رئيسنا وقائدنا ربنا يخليه ويحميه وينصره علي الارهاب اللي تاعبنا في سيناء ، الريس رسم الفرحة علي وجوه أولادنا.