نميمة رياضية

*سعدت كثيرا الاسبوع الماضي بعدما تلقيت مكالمة مهمة من المهندس هاني ابوريدة تعليقا علي رغبتي في ان يقوم بتسهيل مهمة تنظيم مصر لبطولة امم افريقيا 2015.. ورد هو بخفة دمه المعروفة عنه مباركا لي في البداية علي نجاحي في انتخابات اخبار اليوم ثم اكد بانه جاهز لتذليل اي عقبات لاستضافة البطولة وان المقال السابق كان محل تعليق من وزير الرياضة له.. وانه كان يتمني ان تنجح بطولة كرة القدم في تغيير صورة مصر اقتصاديا وامنيا.. لكن في النهاية الدولة رفضت استضافة البطولة امس فقط..ويبقي هاني ابوريدة هو حلال العقد الرياضية.
*خيرا فعل اتحاد الكرة عندما فصل تسويق بطولة كأس مصر عن عرض الرعاية.. فتلك البطولة ستكون الفرخة التي ستبيض ذهبا للجبلاية خاصة في ظل حرب القنوات الفضائية علي اذاعة المباريات.. بس ياريت ما يبقاش الهدف من البطولة يبقي البث الفضائي وبس زي السنة اللي فاتت..علشان كده لازم نغير العتبة ونجيب رئيس لجنة جديد وليكن المحترم ايهاب لهيطة عضو المجلس.. مجرد رسالة.
* يعجبني في المهندس محمود طاهر رئيس النادي الاهلي لعبه لدور الرجل الكبير زي الافلام الابيض والاسود بتاعة زمان.. كان علي طول تلاقي واحد طول الفيلم يقولك الراجل الكبير سافر الراجل الكبير وصل، الراجل الكبير مبسوط،الراجل الكبير زعلان.. لكن انك تشوف الراجل الكبير ده شيء مستحيل.. المخرج دايما بيخليه في اخر الفيلم.. بس بصراحة الكبير كبير.