صباح جديد

يبدو أن المصريين حظهم مهبب وبختهم وحش مع كل الحكومات التي توالت عليهم.. تسمع أحلي كلام من رئيس الحكومة ورجالته بعد ما يحلفوا اليمين، كأنهم واخدين دكتوراة في الكلام بس وفعل مفيش، ويطلع في الآخر كلام الحكومة مدهون بزبدة يطلع عليه النهار يسيح.. كأن الحكومة بتيجي بعكوساتها لا تنفع طبلة ولا تار ولا يشفع حكومة تكنوقراط ولا حتي تكنوجاز، لا فكرة حلوة ولا مشروع بجد إنما فالحين في الشحاتة والسلف ناقص يقعدوا علي باب السيدة ويشحتوا علينا.. وعلي رأي المثل جبتك يا ببلاوي تعيني لقيتك يا ببلاوي تنعان !