تسجيل لخيرت الشاطر يفضح عبد المنعم أبو الفتوح | فيديو

أذاعت الإعلامية أمانى الخياط، تسجيلا لخيرت الشاطر، قال فيه «حصل شوية أخطاء من عبد المنعم أبو الفتوح، فى آخر 10 أيام بحملته الانتخابية، وبرامجه اللى ظهر فيها ألحقت به الضرر، وهما قروا ده بسرعة».
وأضاف الشاطر، فى التسجيل الذى أذاعته «الخياط»، خلال برنامج «الكبسولة»، المذاع عبر فضائية إكسترا نيوز، «وبدأوا ينزلوا ناس توجه الناس بتاعته لحملة حمدين، هو مثلا لما طلع مع عمرو موسى، مقدمش نفسه كرئيس دولة، وقف حملته ردح لعمرو، وعمرو يردحله، يعنى ده عمال يغلط فى ده وده يغلط فى ده، ويشتموا فى بعض، فالاتنين خسروا، جزء من ناس عمرو راحت لشفيق، فنزلوا لما هو عمل كده برضو، مثلا اتكلم بشكل غير مناسب عن مرض بقية المرشحين التانيين.. يعنى مثلا المرشح اللى عمل عملية فى دماغه، ويجيبه صوت آخر باللقاء بلهجة غير مصرية، متسائلا مرشح مين؟!، وأجابه الشاطر (الدكتور مرسى فى مرض أو حاجة معروفة طبيا بالورم السحائى، وهو ورم حميد بييجى فى الغشاء المغلف للمخ، تحت الجمجمة علطول، وناس كتير فى مصر بيحصلها كده وبنسبة معينة، وبيتشال بطرق مختلفة منها بالمنظار، وده المرض اللى كان عند الدكتور مرسى من سنين طويلة.. ليسأله الطرف الآخر صاحب اللهجة العربية مرة أخرى: مين أثار الموضوع ده؟!، ليجيبه الشاطر: عبدالمنعم أبو الفتوح».
ويستطرد "مقالش اسمه إنما طلع بكلمة أن لازم أى مرشح للرئاسة يقدم إقرارا بحالته الصحية، وهو لما كان معانا فى السجون كانت دايما تجيله أزمات قلبية وقعد فى العناية المركزة بالمستشفى 6و 7 شهور من فترة الحبس، وفى تقارير موجودة بحالته دى وكانت مكتوبة إعلاميا، وميصحش أنت بالتحديد تفتح الموضوع ده".
تسجيل صوتي لخيرت الشاطر يفضح من خلاله عبد المنعم أبو الفتوح