"اطمن ازاي وانت هربان ومستخبي تحت الكنبة زي العرسة".. مطرقة المصريين تدق فوق رأس معتز مطر| فيديو

نشر الفنان حسن بلبل، على صفحته الشخصية على موقع التواصل الاجتماعي "فيس بوك"، فيديو، سخر خلاله من الإعلامي الإخواني الهارب معتز مطر، لاسيما حملته المزعومة "اطمن انت مش لوحدك".
وتفاعل المصريون مع الفيديو، الذي لاقى استحسانا كبيرا لديهم، لاسيما أنه عبر عن مدى غضب المصريين عن أحاديث الإعلامي الهارب، المزعومة.
وقال حسن بلبل، ردًا على حملة الإعلامي الهارب المزعومة، "اطمن ازاي حضرتك وانت أصلا هربان.. كل يوم يطلع علينا ويكرر نفس الجملة.. مهو احنا لوحدنا.. انت سبتنا وهربت".
وأضاف ساخرًا: "أبوس إيديك تعالى مصر وقول اللي انت بتقوله دا عشان ابقى مطمن لكن متقعدش مستخبي تحت الكنبة زي العرسة وتقولي اطمن انت مش لوحدك".
وتابع بلبل بالقول: "متعملش فتنة بيننا وبين الدول التانية .. احنا علاقتنا مع كل الدول وزي الفل.. احنا كدا كدا بنحب الدول كلها بدليل ان الرئيس كان مستضيف بتوع الدول الإفريقية بشكل محترم جدا انما انت عايز تعمل اي فجوة .. كل اللي بتجيبهم إرهابيين.. واطمن مصيرك هيبقى زي مصير اللي اتسلم من ليبيا (الإرهابي هشام عشماوي) وابقى خلي أردوغان ينفعك".
واستطرد حسن بلبل حديثه: "وأوعى يكون فاكر عشان تجيب خمسة ستة من شوية المرتزقة اللي كانوا موجود ين في الاستاد اللي كانوا بيتريقوا على طريقة إلقاء الرئيس عشان خاطر أي عطل حصل في الهندسة الصوتية يبقى دا حاجة محترمة يعني .. خلي بالك احنا من صغرنا كنا بنتعلم يكون عندنا ولاء وانتماء للراجل اللي هوا الكبير بتاعنا .. فلما يكون الراجل الكبير اللي بيمثل الدولة حتى لو انت مختلف معاه استحالة تقعد تتريق عليه إلا إذا كنت انت حد ناقص .. زي منتا ناقص كدا يامعتز".
وعلق بلبل على استخدام أبو تريكة بشكل مستمر بالقول: "أبوتريكة دا راجل مصري لاعب كورة مفيش حاجة بينه وبين الدولة وييجي في اي وقت وكل أهله هنا ووالدته هنا ومفيش حد فيهم اتعرض لأي مضايقات".
ووجه حديثه لأبو تريكة بالقول: "يا أبو تريكة مفيش حاجة بيننا وبينك ليه بقى تقعد تبكي وتحسسني فيها انك محمد رمضان ومحتاج ال300 متر من كوتخا".

الفنان حسن بلبل يسخر من معتز مطر