حديث المدينة

مفيد فوزى :اللحوم والاستمتاع بها يبدوان هناك عقدة هامة تحكم المعدة المصرية عقدة تقول ان البيت اللى فيه لحمة يبقى بيت محترم اقترانت اللحمة بالاحترام فى بيوت ما بتدخلهاش ابدا لحمة لكنها غايه فى الاحترام وليس باللحمة يعيش الانسان انا باطرح فكرة مقاطعة اللحوم حتى يهبط السعر الجزارين انتقضوا عملوا انتفاضة اسمها انتفاضة الجزارين لدرجة ان انا خفت من النقاش لانهم ضد تماما ان تقل الارباح فى بيوتهم الجزار بيكسب والتاجر اللى فوقهم بيكسب والمستورد بيكسب ولان المسألة كلها المعدة المصرية خاضعة خانعة لها الناس حاسة انه اللحمة يعنى حياة عمرها ما كانت حياة النباتيون فى مصر يعيشون ربما اكثر صحة من هؤلاء اللذين ياكلون اللحوم ولكن تبقى المشكله ايه سبب غلو اللحمة هذا الغلاء الفاحش كل حاجة غاليه مش عايز اقول بس ان اللحمة السبب الحقيقى يعرفة الناس اللى بيشتغلوا فى المهنة من هنا كان لابد ان اتى الى هذا المكان اتحدث لحضراتكم من المجزر الالى فى البساتين حيث عشت التجربة كاملة حيث رايت اللحم وهو يعد لكى يذهب للجزارين وبعدين الناس بتيجى وتتشوى على فكرة مش اللحمة اللى بتتشوى الناس اللى بتتشوى من الثمن التحقيق صوت وصورة فى حديث المدينة ومعكم مفيد فوزى
فاصل
مفيد فوزى :انا عايز اصرحك ان انا مش جاى هنا علشان خاطر اعمل فيلم تسجيلى اسمة رحلة عجل والا ايه مش هنعمل الفيلم التسجيلى ده احنا بنعمل برنامج حديث المدينة كنت اتمنى ان كل الناس اللى بتشوفنا حاليا تيجى هنا وتتصور مع اللحمة دى
د/ محمود محمد احمد : على اساس يشوفوها ويشموها ؟
مفيد فوزى : طبعا طبعا
د/ محمود محمد احمد : على الطبيعة
مفيد فوزى : طبعا على الطبيعة ويتصوروا معاها .
د/ محمود محمد احمد : تمام تمام
مفيد فوزى : ويشموها ؟
د/ محمود محمد احمد : ويشوفوا شكلها ايه
مفيد فوزى : ويحضنوها .
د/ محمود محمد احمد :ويشوفوا بقت عاملة ايه دلوقتى
مفيد فوزى :ويصحبوها امال طبعا انا بس اللى انا عايز اقولك عليه الناس اللى بتشوفنا عاوزة تعرف ايه امتى تبقى هذه اللحوم امنة
د / محمود محمد احمد : اللحوم دى تبقى امنة لو الراجل راح يشترى لحمتة ولقى عليها الختم بتاع مجزر اللحوم يطمن ان اللحمة دى من ساعت ما دخل حيوان صاحى جوا المجزر لغايه لما شافة حتة لحمة عليها الختم مر بمراحل تضمن له سلامة اللحوم
مفيد فوزى : افرض ان انا قلت للجزار ورينى ياابنى الختم بتاع قالى يا سعادة البية دى 100 ال 100 قلت له لا عايز اشوفها رفع علي الايه السكينة هه اقول له موافق لا اروح فى داهية
د/ محمود محمد احمد : لا مش هتقول له موافق
مفيد فوزى : امال ايه يعنى هو فى معقول كل واحد هيجى يروح يشترى لحمة هيقولة ورينى الختم يعنى فهمنى ولا هو ده نقص ضمائر ؟
د/ محمود محمد احمد : هقول لحضرتك ممكن نقص ضمائر بس انا هقول لحضرتك يعنى انا لما باكون مواطن عادى عاوز اشترى من جزار معين مش كل يوم اروح لجزار تانى
مفيد فوزى : اه ماهو ده السؤال انت بتتألف مع جزارمعين وبالتالى بتبقى عندك ثقة فيه.
د/ محمود محمد احمد : بالضبط كده
مفيد فوزى : كونه هو تحول او تبدل خد بالك من تبدل دى
د/ محمود محمد احمد : اه اه
مفيد فوزى:تبدل الى انسان منزوع الضمير خلاص اذن انت نمرة واحد بتنصح بالختم بتاع المجزر ؟
د/ محمود محمد احمد : بالضبط كدا
مفيد فوزى : شكله ايه ختم المجزر ده من فضلك الختم ورينى
د/ محمود محمد احمد : تعالى يا محمد بالختم ورينى مبدئيا قبل ما اورية لحضرتك على الدبيحة الختم عبارة عن دراع بيمسك بنفس البكرة فى هنا ختام بيتحط فية المادة للختم بتاعة فى مسمار هنا بيتفك المسمار ده بيتحط جوا الحرده اللى بنختم بيها الدبيحة نفسها
مفيد فوزى : اه
د/ محمود محمد احمد :فى بقى بيحط المادة بتعتة ويشبكها مكانه
مفيد فوزى : دى ايه ؟
د/ محمود محمد احمد :ده خزان للمادة اللى بتصنع جوا المجزر الالى
مفيد فوزى : مادة ايه بقى ؟
د/ محمود محمد احمد : مادة عبارة عن بودرة بنسميها- الكارمواتيل - بتتحط على نسب معينة من الكحول بنسبة 96 % ونسبة من المية وعندنا معمل مركزى كبير بتتخلط
مفيد فوزى : ليه هل ممكن دى تزويرها؟
د/ محمود محمد احمد : لآ مش ممكن تزويرها لسبب واحد بتيجى مصلحة الكيميا بتبلغهم ان احنا عندنا 500 او 600 زجاجة تيجى ملصحة الكيميا معاهم جركل فى حاجة اسمها المادة السرية لا انا اعرفها ولا اى شئ فى المجزر يعرف تركيبتها لا بيجيلى يخلط بنفسة لآلآ حضرتك ده بيجى فى المجزر الكبير اللى بيشيل ال 600 بيخلطهم على المادة كلها
المادة السرية دى محدش يعرف تركيبتها الا مصلحة الكيميا ولا المجزر الالى يعرفها
مفيد فوزى :عايزك تفهمنى لما بيحبوا يزوروها بيزوروها ازاى؟
د/ محمود محمد احمد : هيجيبوا بودرة حمرة هيجيبوا ميكروكروم وشوية سبرتو ولكن ما يحصلش ان يجيب المادة السرية
مفيد فوزى : اه بودرة حمرة او ميكروكروم
د/ محمود محمد احمد :اه اه ويحط برضه بودرة حمرة بس مش هيقدر يجيب المادة السرية
مفيد فوزى : المادة السرية بس تبقى عند
د/ محمود محمد احمد : مصحلة الكيميا فقط تبقى عارفة تركيبتة بحيث ان انا لما اشوفها عند الجزار ان الختم ده مزور او المادة مزورة انا باخذ حتةالبلد اللى عليه المادة وببعثها لمصلحة الكيميا عارفين هما التركيبات الكيماوية بتاعتهم يقولى بقى دى مادة مزورة والا مادة حكومية
مفيد فوزى :طبعا النيابة هى اللى بتقوم بالدور؟
د/ محمود محمد احمد :طبعا النيابة بقى بس فى حاجة حضرتك بس عشان المواطن العادى لو حب برضه جاب حتة لحمة وشك فيها هو لو برضه جاب منديل ابيض وبلة مية ومشاة على البدل اللى جابة لو هى سليمة لا يمكن تطلع
مفيد فوزى : هو دى ايه ؟
د/ محمود محمد احمد :دى المادة الحمرا
مفيد فوزى : هو ده الختم نفسه ؟
د/ محمود محمد احمد : اه اه هو حضرتك لو جاب حتة مبلولة........
مفيد فوزى : سؤال هو انت بتختم ايه الجزء ده؟
د/ محمود محمد احمد : لآ كهة بيتختم
مفيد فوزى : كل ؟
د/ محمود محمد احمد : كله بيتختم
مفيد فوزى : اه مكتوب عليها ايه ؟
د/ محمود محمد احمد : ضانى صغيراة ده ضانى صغير وديت العلامة السرية العلامة السرية دى خاصة بينا احنا فى المجزر يعنى ممكن تكون برج ممكن تكون شمسية لا يمكن تغيير فى نفس الوقت لو حصل
مفيد فوزى :م و انت بتمسكها ازاى كدهو ورينى كده دى ثقيلة ياابنى اه اه
د/ محمود محمد احمد : حضرتك المجزر الالى بالبساتين اه دى العلامة السرية ضانى صغير العلامة السرية افرض حضرتك بقى التفتيس مسك دبيحة ودى بردك اكتشف الغلط فا بيمسك الدبيحة ترجع لى انا انا عندى 10 مجازر داخليه هنا بشوف العلامة السرية دى العلامة دى بتختلف من مكان الى مكان كل خط
مفيد فوزى : تقدر تعرف ؟
د/ محمود محمد احمد : نبتدى نشوف ازاى نحاسبة على اللى موجود
فاصل
مفيد فوزى : دكتور عماد سؤال محدد اعلم ان فى مصر 7000 طبيب بيطرى وان هؤلاء مسئولون عن الثروة الحيوانية هل لديك معلومات تقول ان هذا العدد صغير جدا بالنسبة للثروة الحيوانية لمراقبة اللحوم؟
د/ محمود محمد احمد : هو فى الاساس انا احب اوضح لحضرتك بخصوص الجزء اللى احنا مختصين به اللى هو فحص اللحوم استأذن فى الرد على السؤال استاذن فى الرد على السؤال يعنى مفيش فى الحياة حاورينى يا تيتا لا انا .....
مفيد فوزى : لحظة لحظة الناس اللى قاعدة بتشوفنا دى تقولك الله هيوضح ايه مترد على السؤال هل عدد الاطباء البيطريين يكفى ؟
د/ محمود محمد احمد : عدد الاطباء المتواجدين فى جمهورية مصر العربية عدد غير كافى بالمرة للحفاظ على الثروة الحيوانية سواء كانت متواجدة فى المزرعة او متواجدة مع الفلاح او مع كباور المربين او داخل المجازر احترم صراحتك
د/ محمود محمد احمد : شكرا جزيلا
مفيد فوزى :تسمح تقولى ايه سبب قلة عدد الاطباء البيطريين هل هو عدم الاقبال على كليات الطب البيطرى لان الطبيب البيطرى لم يأخذ مكانة الاعتبارى بالمجتمع ؟
د / محمود محمد احمد :هو مش ده السبب الاساسي
مفيد فوزى : هو احد الاسباب؟
د / محمود محمد احمد :هو احد الاسباب لكن الطبيب البيطرى اذا كانت المهنة ما تشرفهوش هو يشرف المهنة المفترض ان هويكون كده
مفيد فوزى : ايوه لان هو خط الدفاع الاول بالنسبة لجميع الامراض التى تصيب الانسان والحيوان هو الطبيب البيطرى دفاع بالنسبة للامراض دى
مفيد فوزى : نعم
د/ محمود محمد احمد : بيحمى المجتمع من امراض وبائية بيحمى المجتمع من تلوثات اللحوم بيحمى المجتمع من حاجات كثيرة جدا واقربها ازمة انفلونزا الخنازير اللى اشتغل فيها اطباء المجزربمنتهى الهمة والنشاط من 6 صباحا لحد الساعة واحدة بالليل
مفيد فوزى :قولى الطبيب البيطرى يقدريعرف اذا كانت اللحمة دى فيها ساركوزى ديدان ؟
د/ محمود محمد احمد : ديدان الساركوزيست ايوه
مفيد فوزى : اسمها ساركوزت ؟
د/ محمود محمد احمد : ساركوسست او بالمانيا لا ولا يهم سعدتك او البالمنيا دى اساسا باكوفير بيتواجد فى منطقة المرئ ده الاستكشاف بتاعنا لو وجدنا فى موجود غالبا بيصيب الجاموس وبيوجد فى منطقة اسمها ساركولما تحت العضلات المفترض ان هو فى منه نوعين نوع بيكون صغيرميكروما يتشفش الا بالميكروسكوب ونوع مكرو اللى كان موجود اللى اتعرض فى التليفزيون المرة اللى فاتت ده كان عبارة عن حاجة
مفيد فوزى :انا ايش عرفنى انا انا كا واحد بشترى لحمة ايش عرفنى ان تحت العضلة او فوق العضلة ؟
د/ محمود محمد احمد : لما يكون فى اصابة اصابة يعنى كثيرة بيبان شكل لسان العصفور كده صغير المواطن العادى ممكن يشوفة ويعرفة
مفيد فوزى :ورينى كدا فين ؟
د/ محمود محمد احمد :لا طبعا ده فى اللحم اللى هو ده اللحم لحم ضانى غالبا ما بيصابش بالاصابة دى
مفيد فوزى :اه اللحم الضانى ما يصبش؟
د/ محمود محمد احمد : الاصابة الاكثر نسبة الاصابة بالسركوسست الاكثر بتبقى موجودة فى البقر فى مصر عندنا فى الضانى فى دول اوروبا احنا عندنا نسبة الاصابة الاكثر موجودة فى الجاموسى الكبير
مفيد فوزى : اعرفها ازاى ؟
د/ محمود محمد احمد :تعرفها ازاى سعدتك لما يفتح الدكتور البيطرى بيفتح ويفحص العليقة هيلقى المرئ موجود فيه حاجة مثل حجم الصنوبر او لسان العصفور بيضطر يفتح بقى فى مناطق معينة من الدبيحة اللى انا قلت لحضرتك عليها اللى هى اسمها الساركوليبا بتاعت العضلات اللى هى المنطقة دى هيبان فيها الجزئية دى هيبان فيها الحب ده منتشر
مفيد فوزى : يعرف ان ده ايه ؟
د / محمود محمد احمد :يعرف ان ده الساركوسست او الالبنيا
مفيد فوزى : يعنى ايه ساركوسست ؟
د / محمود محمد احمد : ده عبارة عن طفيل هو فى الانسان بيعمل حاجة زى رومتك بيل ومايتعرفش
مفيد فوزى : حاجة مرتبطة بالروماتيزم ؟
د / محمود محمد احمد : اه وما يتعرفش
مفيد فوزى : يعنى يهد الحيل؟
د / محمود محمد احمد : اه يهد طبعا فى اى حاجة لانة مرض بيحمى نفسة بيبقى حاجة اسمها amarcatabl يعنى انت لما تمسك حتت لحمة زى كدا
مفيد فوزى : انت قلت ايه
د / محمود محمد احمد : يعنى غير قابل للتسويق
مفيد فوزى : اذن انت بتطالب الناس العادية اللى بتشترى اللحمة انها تفحص بايديها ؟
د / محمود محمد احمد : لآ انه هو اصل دلوقتى المجتمع بقى فية فئتين فى فئة ماشية واحد ماشى بضمير بيتشترى بيبيع بيذبح فى المجزر بيذبح فى السلخانة شايف ختم سلخانة على اللحوم دى لحوم صالحة للاستخدام الادمى ما لم يسئ تخزينها
مفيد فوزى : ما لم يسئ تخزينها ؟
د / محمود محمد احمد : اه طبعا
مفيد فوزى : طب ما تقولى اساءة التخزين ازاى ؟
د / محمود محمد احمد : اساءة التخزين ازاى يعنى مثلا جزار فى حتة باتت عنده ما اتبعتش الجزار ده سبها يوم او اثنين لحد ما حصل فيها حاجة اسمها يعنى للحم نفسها يحصل تحلل
مفيد فوزى : يا دكتور وضح للناس ربنا يخليك وضح للناس ؟
د/ محمود محمد احمد : نوع من انواع التحلل
مفيد فوزى : استنى استنى انت كان نفسك تبقى استاذ فى كليه الزراعة مدرس علوم ؟
د/ محمود محمد احمد :هههه لا
مفيد فوزى : متكلم الناس الغلبانة دى .
د/ محمود محمد احمد :طيب نكلم الناس الغلبانة بص حضرتك اللحمة لما تقعد برة الثلاجة او مخارج الثلاجة لفترة طويلة اللحم ممكن تتعفن من يوم لحد 3 ايام
مفيد فوزى : لو ما اتحتطش فى ثلاجة ؟
د/ محمود محمد احمد :اه حسب درجة حرارة الجو ما هو يخرج من عندى هنا يتحط فى التبريد يعنى يخرج من عندى 3 - 4 ساعات يتحط فى التبريد او فى الهواء الطلق
مفيد فوزى :احنا فى مصر فى لحمة فيها ساركوسست
د/ محمود محمد احمد : قلت لحضرتك ان احنا عندنا الاصابة موجودة
مفيد فوزى : فى مصر ؟
د/ محمود محمد احمد : لكن احنا عندنا فحص دقيق عندنا
مفيد فوزى :انا مش بتكلم عنك بتكلم عن معلوماتك .
د/ محمود محمد احمد :ايوه موجود طبعا وعندنا موجود وعلى مستوى العالم مش مصر بس ده على مستوى العالم لكنها بتبقى متوفرة
مفيد فوزى : جاية منين الساركوسست دى ؟
د/ محمود محمد احمد : الهند نفسها مليانة المرض ده متوطن كل دولة ليها امراضها المتوطنة
مفيد فوزى : اللى بيقولك سفيرالهند اجتمع بالناس اللى هما تجار اللحوم وقعد معاهم وفهمهم ان اللحمة دية لحمة محترمة وان الهند فيها مزارع محترمة هل هو دفاع عن البلد
د/ محمود محمد احمد : اكيد طبعا احنا لينا الحاجة السليمة يعنى شغل البياطة فى المجتمع المصرى انه يطلع للناس منتج سليم صالح للاستهلاك الادامى لا يصيبة بالامراض ولا الادران
مفيد فوزى : ايوه ما اناعايز الناس تعرف الكلام ده ازاى يعرفوة الزاى يعنى انا فى ناس تقولى ما تجبش لحمة لا من القناطر الخيريةايه يعنى اشمعنا القناطر الخيرية
د/ محمود محمد احمد: هو ممكن تكون علشان رخيصة او بيدبحها بيشوفها انها طازجة ولكن انا اللى انا اعرفة كا رجل طبيب بيطرى اقول للراجل ما تشتريش اللحوم الا من الجزاراللى هو دابح فى السلخانة المعتمدة الرسمية
فاصل
مفيد فوزى : انت جزار؟
حسن حبيش: تاجر لحوم
مفيد فوزى : تاجر لحوم لكن ما بتسميش نفسك جزار ؟
حسن حبيش: لا جزار
مفيد فوزى : جزار اه
حسن حبيش:اه جزار
مفيد فوزى : لكن انت تاجر لحوم؟
حسن حبيش:تاجر لحوم بس فى فرق حضرتك بين التاجر وبين الجزار الجزار اللى هو فى المحل اللى بيقف
مفيد فوزى : انا لما شفتك ادركت على طول ان انت تاجر لحوم وتاجر لحوم كويس يعنى
حسن حبيش: ربنا يخليك
مفيد فوزى : يعنى تاجر لحوم محترم
حسن حبيش:ربنا يبارك لك ده كله من ذوق حضرتك
مفيد فوزى : الله يخليك انتوا متهمون بانكم بترفعوا سعراللحمة لدرجة انها لما بتنزل للجزار العادى بيزود هو ايضا من عنده فا الناس تعتبت ايه سبب غلاء اللحمة ؟
حسن حبيش: حضرتك سبب غلا اللحمة الثروة الحيوانية بتعتنا خفيفة ضعيفة هى اساس فى مصر ضعيفة
مفيد فوزى : يعنى ايه ضعيفة ؟
حسن حبيش:يعنى العجول اللى هى بتتربى حضرتك قليلة ضعيفة
مفيد فوزى : قصدك تقول عددها قليل ؟
حسن حبيش: ا يوا عددها قليل
مفيد فوزى : السؤال اللى بعده لماذا قل عددها ؟
حسن حبيش: احنا هنا فى مصر بنذبح الاناث ما بنميش الثروة الحيوانية بتعتنا
مفيد فوزى : الاناث اللى هى ممكن تجيب ؟
حسن حبيش:اه اللى هى ممكن تجيب تعشر وتولد عجول
مفيد فوزى : واحنا بنذبح الاناث ليه ؟
حسن حبيش: احنا هنا على طول بنذبح الاناث
مفيد فوزى : ليه لازم افهم ليه ؟
حسن حبيش: هى مش بتندبح هنا فى المجزر بتذبح فى المحافظات حضرتك كل المحافظات والبلاد فى الفلاحين بيذبحوا الاناث
مفيد فوزى : وبالتالى مفيش ؟
حسن حبيش: الثروة الحيوانية بتبدأ مفيش انتاج
مفيد فوزى : يعنى كانه ذبح الاناث بيخلى الثروة الحيوانية تضمحل ؟
حسن حبيش: اه تقل خالص
مفيد فوزى : عارف يعنى ايه تضمحل ؟
حسن حبيش: اه تقل خالص يعنى هتتمحى عدم ذبح الاناث وعدم ذبح البتلو
مفيد فوزى : عدم ذبح الاناث يجى بقرار من مين من المحافظ؟
حسن حبيش: ده عايز بقى كذا جهة امنيه
مفيد فوزى : كذا ايه ؟
حسن حبيش:كذا جهة
مفيد فوزى : يعنى ايه ؟
حسن حبيش: اول حاجة الطب البيطرى
مفيد فوزى : الطب البيطرى ده مش له رئيس ؟
حسن حبيش: اه له رئيس
مفيد فوزى : يعنى رئيس الطب البيطرى يصدر قرار ؟
حسن حبيش: عدم ذبح الاناث
مفيد فوزى : القرار ده يعمم على كل الناس ؟
حسن حبيش:على كل الناس صعب حضرتك هيحتاج مشقة وهيحتاج كذا جهة وهيحتاج ان الشرطة تتدخل لان الناس بتذبح برانى مش فى مجازر فده موضوع كبير جدا يعنى حلة مش هيجى فى شهر والا اثنين لا ده هياخذ مدة طويلة احنا فى حل دلوقتى ان حضرتك علاج مسكن دلوقتى ان احنا نستورد عجول للتربية من برة تجول للتربية مش للذبح للتربية هيقولوا فى امراض وكدا احنا هنحجرها يحجروها مثلا تيجى فى المحجر تتحجر وتاخذ التحصينات بتعتها حضرتك وبعد كدا تبدا تتوزع للمربيين هيبدا يحصل وفر هنا فى عجول التربية وهيحصل ثبات فى الاسعار لكن احنا حضرتك فى التربية بيخش غالى بيخش غالى حضرتك جدا
مفيد فوزى : امال ليه بيتقال لى انه قلة المزارع اللى بيحصل فيها التربية هو ده السبب ؟
حسن حبيش: لا مشكله المزارع حضرتك انهاردة المربى مادى
مفيد فوزى : هل من اجل هذا ترك العملية ؟
حسن حبيش: اه ترك حضرتك
مفيد فوزى : وهل من اجل هذا دخل المستورد من اوسع الابواب ؟
حسن حبيش: ماشى اوكية مش هو المستورد هو الحل حضرتك
مفيد فوزى : امال الدولة بتقولك ليه هنجيب معرفش منين ومنين ولحمة منين ولحمة منين ولما جت لحمة من الهند طلعت منصابة ؟
حسن حبيش: ماهو ده احناعايزين حل جذرى مش عايزين كلام حضرتك
مفيد فوزى : هل غلاء الاعلاف وراء هذه الاسباب؟
حسن حبيش: لآ مش غلاء الاعلاف
مفيد فوزى : العلف مش غالى ؟
حسن حبيش: لآ مش غالى حضرتك دلوقتى التربية عجول التربية مش موجودة ضعيفة اللى هى الاساس دى بتيجى نتيجة زى ما انا قلت لحضرتك
مفيد فوزى : يعنى انت النقطة الاساسية فى تفكيرك كله انه احنا ذبح الاناث وراء وراء والبتلو اللحمة حلوة الناس بتحبها وانا منهم ؟
حسن حبيش: ماشى
مفيد فوزى : البتلو اغلى من الضانى ؟
حسن حبيش: البتلو اه حاليا اغلى
مفيد فوزى : بكام دلوقتى ؟
حسن حبيش: البتلو دلوقتى بتتاخد بتتباع ب 80 جنية الكيلو
مفيد فوزى : يعنى يرضى ربنا يعنى هوعشان المصريين عندهم العقدة ان البيت اللى تخشة لحمة يبقى بيت مفتخر؟
حسن حبيش: انا ضد مكافحة اللحمة مش هو ده الحل
مفيد فوزى : انت ضد مكافحة اللحمة هه ليه امال ايه الحل؟
حسن حبيش: مكافحة اللحمة شهر شهرين مش هو ده الحل حضرتك لما هتوفر فى الاناث مش هتوفر فى اللحمة بس حضرتك هتوفر فى الالبان وهتوفر فى حاجات كثير
مفيد فوزى : بتاكل لحمة على طول؟
حسن حبيش: اكيد
مفيد فوزى : طب انا لوكلت بيت او بيت من ملايين البيوت قررت ان انا اكل فراخ وسمك ؟
حسن حبيش:مش هوده الحل كب ما هتيجى الاسعار فى الفراخ والسمك هتزيد بنحد من حاجة وبنعلى من حاجة ثانية مش هو ده الحل حضرتك
مفيد فوزى :طب ليه الناس امال دلوقتى بتاكل فواكهة اللحوم يعنى اقبلت على الكرشة ولحمة الراس والممبار بتحلل ده بايه ؟
حسن حبيش:حضرتك سمتها ايه فواكة اللحوم يعنى دى مش حاجة اساسية دى حاجة ترفيهية
مفيد فوزى : طب ليه الناس اقبلت على ده وسابت اللحمة ؟
حسن حبيش: على طول الناس مقبلة عليها النا س اللى ممعهاش مش عارف ايه الممبار مثلا والكوارع والحاجات ديت
مفيد فوزى : اه
حسن حبيش: ما هيحصل غلاء برضه فى فواكهة اللحوم حضرتك تبص ليها اسعارها زادت كاالمعتاد عن السنين الماضية
مفيد فوزى :على فكرة برضه اكل اللحمة خذ بالك انه بيجيب بلاوى .
حسن حبيش:ما هواحنا شعب بقى اتعودا على كدا بقى
مفيد فوزى : الاناث مشكلتهم هى اللى ورا غلاء الاسعار فى اللحمة .
ناصر الجرن : لا الكلام ده غلط ولا اناس ولا بتاع اول حاجة العمالة بقت غاليه جدا ثانى حاجة القرارات اللى بيتخذها المحافظين والناس العاليه قرارات متضاربة وبيعملوها من واقع مكاتبهم دلوقتى بيقولك ممنوع العربية النقل تمشى طب هتودى اللحمة فين لما ممنوع العربية النقل تمشى من السواق اللى كان بياخذ0 3جنية عايز 100 جنية بياخذوا منه 150 جنية لما بيمسكوة مخالفة وبعدين ازمة الاعلاف ازمة العمالة 100 سبب وسبب المثلث بتاع اللحوم كله فى مصر بايظ الفلاح ما بيربيش الحمة القلاعية اللى خربت الدنيا التصدير اللى بيصدروة بيصدروا اللحمة بتعتنا السليمة ويجيبوا اللحمة المعاقة اللى فيها الحمة القلاعية ياكلوها للشعب ويجيبوا لهم الامراض الامراض المستعصية سرطانات وفشل كلوى 100حاجة ومحدش بيتكلم يعنى تيجى تتكلم يقاطعوك وعاملين ان هما بيفهموا كل ده ازمة قرارات وازمة حب الناس لبعضها احنا بعدنا عن ربنا فا ربنا ما بيبصلناش خالص بيقولك ما فيش تالف ما عشان بعدونا عن ربنا الحياة غاليه الناس مش عارفة تعيش ازمة ايه كل حاجة فيها ازمة اللحمة بقت
مفيد فوزى : بكام الكيلو دلوقتى الكيلو اللحمة ؟
ناصر الجرن :اللحمة الضانى بتتباع للجزارين با ثنين واربعين جنية
مفيد فوزى : بيبعوها بكام ؟
ناصر الجرن : ب 55 جنية
مفيد فوزى : يكسب كام ؟
ناصر الجرن :ما يكسبش ما بيطلع ليه وبيطلع دوش وبيطلع رقبة وعنده نور المية غاليه والنور غالى وعمال ومشكله
مفيد فوزى : والبتلو؟
ناصر الجرن :البتلو بيطلع ب 46 جنية
مفيد فوزى : بيبعها بكام ؟
ناصر الجرن : ب 56 جنية
مفيد فوزى : بتفسر بايه انها توصل الى80؟
ناصر الجرن : ده البوفتيك البوفتيك الفخدة دى يا باش ابيطلع منها بتاع 5 كليو بوفتيك هى اد ايه 15 كليو بالعظم بين كبابو حلة وبين بول متقولش ياباشا بيتباع ب 35 جنية يعنى ال0 8 جنية دول ايه البفتيك المنقى الكيلو يبقى نص كيلو او كيلو وربع
مفيد فوزى : انت شاعر كرجل مسئول وعندك .....
ناصر الجرن : الرجل الغلبان هو المعدوم فى مصر
مفيد فوزى : اللى هو مين ؟
ناصر الجرن :الغلبان اللى مش لاقى يعيش هو بياكل لحمة هومين اللى بياكل لحمة طب ما يوقفوا البتلو ده خالص بدال ما العجل يطلع 40 كيلو او 030كيلو يطلع 450 كيلو هى دى حاجات احنا بقت مستعمرة
مفيد فوزى : فى ايد مصر فى ايد مين القرار ده ؟
ناصر الجرن : المسئولين
مفيد فوزى : فى ايد الزراعة ؟
ناصر الجرن :الزراعة والمحافظ والدنيا كلها بايظة
مفيد فوزى :انا بكلمك بالذات عن اللحمة اللى هى تخصصك هو انت كنت تاجرغنى قبل كدا
ناصر الجرن : اه واعزلت الشغل قالوا حرام عامل لكل الناس الكبيرة
مفيد فوزى : طب استنى بقى قولى حاجة كدا عن اللحمة
ناصر الجرن :لا باقول تعبت منى الحمول وانا ما تعتب انا 00 دقت على الراس طبول وانا برضه انا لفيت وشفت كثير واتعلمت انا انا مهما طال الحنى وكبرت 100 سنة مش هندم على اللى عدى الانا هو انا انا راجل مسن وعايز اعيش الحياة بالطريقة اللى تعجبنى باحكى عن نفسى عامل لعدوية وعامل لاحمد فؤاد وعامل لعبده الاسكندرانى كل مطربين مصر
مفيد فوزى : ايه اللى بيعيشك اكثر الكتابة دى والا اللحمة ؟
ناصر الجرن :لا انا عايز الشرف عايز الشغلة اللى مفيهاش حرام وحلال انا اخترت اللحمة ومش عارف اعيش منها
مفيد فوزى : شغلة الكتابه ؟
ناصر الجرن : اه بعض الشيوخ قالوا حرام احنا عايزين الاخرة مش عايزين الدنيا فا اجتنبت الاغانى
مفيد فوزى : انت اخترت ايه ؟
ناصر الجرن : اخترت اللحمة
فاصل
مفيد فوزى : انت ناديت لى وقلت لى الكلام اللى هو الزبد عايز اقولة لك قولى ايه هو الكلام ؟
رافت السبق : الكلام اللى عايز اقولة لك ان احنا لمؤاخذ احنا بنضحك على بعضنا احنا بنجيب لحمة مستورة من برة الناس اللى بتجيب لحمة مستوردة بتاعت السخنة وغير السخنة على زمة نعمل اتفاق نسد الخانة الناقصة عندنا لكن للاسف ان احنا بنبددها تانى بحاجة ان احنا عندنا لحمة لحم بيطلع للعريش وبيخش غزة بمعدل 3000 راس فى الاسبوع 3000 راس اللى بيقول انا باجيب مركب 10000 راس او 12000 فى الشهر يعمل نفسة عنتر وبيتملك فى المجزر وبيتملك فينا فى الجزارين وفى الاسعار وكلام زى كدا احنا انهاردة 12000 اللى احنا بنورده المعابر عن طريق الناس وبيبيعوا بالدولارمش بيبيعوا بالمصرى يعنى بيسلموا فى العريش العجول وبيستلموا حقها بالدولار فدى مافيا مافيا كبيرة لما الفيوم بحالها لمة الصعيد لما الشرقية لما حرام اقتصاد عايزين حد من المسئول يقول كفايه كدا تخريب احنا مش ناقصين الشعب المصرى غلبان مطحون بالعربى اطحن اطحن من اللى فية ومش ناقص غم احنا نساعد الناس الغلابة لمين لمصلحة مين ناس تغنى وناس فى الارض مطحونة حرام اهل غزة عايزين ياكلوا ولادنا واخواتنا وكل شئ بس بدل ما احنا بناكل اللحم المصرى المستورد بيجى والاسعار بتتحكم فينا السعر كان بيجى من برة اول لما دخل بيكتبوا 20 جنية اصبح انهاردة وصلوة ل 27 و28 وتحكمات السوق السوق يرفع يرفع
مفيد فوزى : هسألك سؤال الناس تجمعت وقطعت اللحمة ؟
رافت السبق : اه مين اللى قطع اللحمة ياباشا مين اللى قطع هقطع نفسى ليه الفقراء بس لكن الغنى هياكل لمؤاخذ الغنى انهاردة الناس مستواها يعنى هقول لسيادتك حاجة ومين بياكل بتلو انهاردة البتلو السنة اللى فاتت سياتك الايام ديت قلنا بنبيع ب 23 جنية و24 جنية انهاردة ب 47 جنية ضعف المبلغ مرتين مين اللى بياكل الغنى والا الفقير الفقير عمرة ما هيبصلة ده هيبص عند الجزار عشان وعمرة ما هيوصلة لما ما بيوصلش لمناطق الحى البلدى كله على الحى لمؤاخذة الافرنجى
مفيد فوزى : هقولك على حاجة .
رافت السبق : قول سياتك
مفيد فوزى : فى كاتب محترم عظيم اسمة انيس منصور .
رافت السبق : اهلا وسهلا
مفيد فوزى : عارفة ؟
رافت السبق : اعرف بقرا مقالاته
مفيد فوزى : الراجل ده من سنين طويلة وهو نباتى لا يقترب من اللحم وفى ناس ورا فكرة وكل يوم عن يوم بيكثر عدد النباتيين يقدروا يناموا كويس بيكلوا معقول بيشبعوا وفى نفس الوقت معندهمش المشاكل اللى بتيجى من ورا اللحمة تسمح تقولى هؤلاء النباتيون ايه الخطأ بتعهم
رافت السبق : الخطأ بتاعهم ان هما معندهمش خطا ؟
مفيد فوزى : الحمد لله انك قلت ما عندهمش خطا
رافت السبق : اقلمت نفسى على شئ معين وبعدين استاذ انيس منصور مع احترامى له ده راجل لمؤاخذة كاتب وراجل صحفى معندوش جهد وجهده فى القلم والورقة وفى مخة لكن تعالى واحد شقيان بيتعب ماكس الفاس بيضرب بيعذق فى الارض بيشيل عنده لمؤاخذة حرارة وطاقة بيطلعها
مفيد فوزى :وانت فاكر ان الكاتب ده معندوش جهد زهنى اضعاف الجهد البدنى والمفروض الكاتب ده لازم يتغذى غذا كويس والا انت واخد موقف من النباتيين خطير؟
رافت السبق : لأ
مفيد فوزى : انت مضايفك ان انا اقول الحكايه دى ؟
رافت السبق : لأ انا مش مضايقنى دا انا باقول لسياتك هو ماقلم نفسة وفى نفس الوقت الراجل ده صحفى مخة لمؤاخذة فى الورقة والقلم وفكرة فى مشكل الناس يعنى جهدة فى ورقة وقلم ودماغة لازم دماغة ديت لمؤاخذة يعنى تكون صاحية الثانى جهدة فى ايه فى يدة جهده فى يدة فى جسمة لو كان بياكل نباتى او هزيل هيبقى هزيل مش هيقدر ولمؤاخذه يقدر يتحمل اى مشقة انما فى جهده حرارة ده سياتك كله اكل عيش عيش حاف
مفيد فوزى : اقدر اتفق معاك ان الناس لما تحس بالغلى تروح تشترى فراخ تزعل؟
رافت السبق : لأ ما ازعلش سياتك
مفيد فوزى : تقدر تساعدنى لانك انت كجزار تقول للنا س وعلى ايه غلو اللحمة ما تروحوا تشتروا سمك ؟
رافت السبق :ما هقول لسياتك حاجة ماهو صح هيلاقى غلو ويروح يشتروا سمك بس لو السماكين هيمسكوا على السعر الحالى وبتوع الفراخ هيمسكوا على السعر الحالى لو ما اشتروش سمك لو الفراغ الكيلو ب 10 جنية او ب12 جنية هتلاقى الكيلو ب 25 جنية
مفيد فوزى : يظهر ان المعدة المصرية هى المتهمة ؟
رافت السبق : لأ مش المعدة المصرية المتهمة انت عايز المعدة المصرية الراجل الشقيان نقولة صوم وجوع عشان ما يكلش مش معقول يعنى هنجوع الناس يعنى تعالى قول لواحد من الكبار قولة والنبى صوم وجوع مش هيصوم ولا يجوع
مفيد فوزى : هو انت بيهمك الغلابة فى الاسعار؟
رافت السبق :طبعا
مفيد فوزى : بتهمك ازاى ؟
رافت السبق :بتهم ازاى هقول لسياتك حاجة ياباش كل ما السعر يكون رخيص اول شئ الناس لمؤاخذ هتشترى اللى بيشترى ربع كيلو انهاردة بالذات الفقير دوت اللى ما بيدخلش محل الجزارة بياخد بيشترى ايه بيشترى ربع كيلو ربع كيلو يعمل ايه عنده 3 عيال عندك الناس الكبيرة بياخد بالالف جنية لمؤاخذة اورطة 1000 ونص او 2000 يبقى انا هيهمنى الفقير ولا يهمنى الغنى
مفيد فوزى : بس بس هدى عشان انا عارف ان الجزارين دول معلمين .
رافت السبق : لا يباشا وبياكلوا فى البشر لا سياتك وبيرفعوا الاسعار قوى وعارفين ان المعده المصرية ما بتستقمش ولا تتوزنش الا باللحمة وعشان كدا انتوا مستفيدين من ده اكبر الاستفادة
رافت السبق :لألألأ يا سعادة الريس انا بالنسبة للرس معلومة لسعاتك بالنسبة للرخص لينا احنا 100 100 بنعرف نتعامل مع التاجرالكبير المربى بنعرف نشترى بالسعر المعقول بنبيع لمؤاخذ للجزار بتاع المحل بالسعر المعقول الناس المواطن المستهلك بسعر معقول فى نسبة ربح معقولة لكن انا كاراجل فى المجزر لما اجى اشترى من التاجر بتاع السوق او المربى فانا مطحون السعر المربى بيبيع لى غالى وانا نسبة المكسب شبة معدومة ومفيش ومع الجزار بتاع الدكانة يعنى واخد قلم من اليمين وقلم من الشمال
فاصل
مفيد فوزى : حاج سالم صالح اللحمة دى انت واخدها من المجزر ؟
ناصر الجرن : لأ من الاسواق
مفيد فوزى : من الاسواق؟
ناصر الجرن :اسواق الشرقية
مفيد فوزى : من اسواق الشرقية ؟
ناصر الجرن : انا تاجر
مفيد فوزى : انت تاجر بتدى الجزارين ؟
ناصر الجرن : بادى الجزارين وعندى فى بولاق وعندى فى العباسية وعندى فى مدينة ناصر وعندى فى النهضة وعندى فى المعادى
مفيد فوزى : هى تجارة اللحمة ممكن تبقى مربحة بالشكل ده ؟
ناصر الجرن : مش مربحة انا ببيع رخيص
مفيد فوزى : فاتح كام محل ؟
ناصر الجرن : انا فاتح يجى اربع محلات محل فى بولاق ابو العلا 5 محلات واخدهم من باع العجل اسمة
مفيد فوزى : مش مهم
ناصر الجرن : عملتهم ببيع فيهم ضانى بلدى ب 33 جنية
مفيد فوزى : امال اللحمة اللى ب80 جنية دى ايه ؟
ناصر الجرن : مليش دعوة ماهوواحد قلك سؤالى قلك ب80 جنية اللحمة فى محلات ما بتخسرش مربحة ليهم احنا ما بنخدش محلات انا باعمل شوادر طلب اعملة بعشرشوادر
مفيد فوزى :يعنى ايه الشوادر؟
ناصر الجرن : الشوادر دى لحمة بتباع فى نفس اليوم بتجبر باجيب حقى تبات ما تجبش حقها انا بحب ابيع اول باول ده لحم بلدى هناك فى العباسية ومدينة ناصر بتبيع ب 45 جنية بابيع ضانى فى بولاق ب 33 جنية وابيع ضانى ب 45 جنية
مفيد فوزى : الناس تقدرتقاطع اللحمة ؟
ناصر الجرن : لأ الشهرده يعنى عدى كده
مفيد فوزى : يعنى ايه عدى ؟
ناصر الجرن :يعنى الشهر اللى عملته السيدات زمان .
مفيد فوزى : انا فاكر ست فى المعادى كانت مسئولة عن المجتمع المدنى فى شهرمن الشهور اسمها السيده امال نامق فى شهر من الشهور ادعت سكان المعادى علشان خاطر يوقفوا شراء اللحمة واكل اللحمة .
ناصر الجرن :محدش هيهون عليه العيل الصغير
مفيد فوزى : لألألأ تسمح لى اقولك هانت عليهم ونجحت فى تخفيض سعر اللحمة لو حصل ده لو الشعب المصرى اتجدعن والناس وقفت فعلا اكل اللحمة اللى فيها بلاوى
ناصر الجرن :اسمح لى .
مفيد فوزى : هه انت مالك اول لما قلت الكلام ده عينيك زاغت ؟
ناصر الجرن :لألأ اللحمة اللحمة لو ما اندبحتش لو وقفت هتدبح فى البيوت برانى
مفيد فوزى : يعنى لو قوطعت ؟
ناصر الجرن :هيذبحوها فى البيوت والصنيعى يروح يودى فى البيت ويودى فى البيوت وهنا وهنا
مفيد فوزى :الشعب المصرى ده يظهر انه مبطون باللحمة
ناصر الجرن : حلوة اللحمة اللحمة دى بقى نسأل يعنى فيها ايه لحمة من غيردوش تتباع فى الاحياء الافرنجى عندى ب 45 جنية اللحمة الضانى تتباع فى بولاق بيتباع ب 33 جنية الضانى فى بولاق ابو العلا عندى ناحية مجلس الشعب بدر القاضى منطقتة هو اللى عامل الموضوع ده عشان لحمة رخيصة ب33 جنية بلدى
مفيد فوزى : على اى حال انا اللى اقدر اقولة لك ربنا يزيدك ويبارك وانت فى النهاية
ناصر الجرن : الحمد لله
مفيد فوزى :وزيرزراعة الظل عارف يعنى ايه وزير زراعة الظل يعنى فى وزير فى الحكومة اسمه امين اباظة وواضح انك وزير زراعة الظل لانك مسئول عن جزارات لا حصر لها الا اذا فى مصر عملوا وزير للحمة وممكن يبقى فى وزير للحمة
ناصر الجرن : ممكن كل حاجة
مفيد فوزى : مش كده ؟
ناصر الجرن : كل حاجة موجودة
مفيد فوزى : انما العدس والنباتيين والفول والفول المدمس .
ناصر الجرن : احنا بناكل الحاجات دى
مفيد فوزى : كمان؟
ناصر الجرن :اه والله بنحبها
فاصل
مفيد فوزى : انت بتعمل ايه عايز افهم ؟
هشام سعيد : انا جزار
مفيد فوزى : مهنة الجزار فى المجتمع المصرى ليه مش واخده مكانها الطبيعى يمكن الناس عقولها احيانا مثلا مثلا بنت فى كليه الاعلام ركبة عربية محترمة وبنت ناس وشكلها حلو وادامية كدا بقول لها ايه بباكى بيشتغل ايه قالت لى بيشتغل الله يا بنتى بباكى بيشتغل ايه مدرس مهندس قالت لى لأ بيشتغل جزار قالتها بخنوع فهمنى ليه ؟
هشام سعيد: ليه بقى
مفيد فوزى : معرفش ا نا عايز اسالك انت ؟
هشام سعيد: ولا اى حاجة
مفيد فوزى : زى برضه بتاع كليه الهندسة اللى قالى ابويا قلت له بيشتغل ايه قالى تترر قلت له ايه قالى تترر عارف لما عرفت كلامة بقى لما فصصتة بيشتغل طربى يا بية فى بعض الناس بعض المهن ليه مش واخدة مكانها فى المجتمع المصرى؟
هشام سعيد : ابدا كل واحد على حسب ظروف نفسة وشخصية يمكن هى مش عايزه يمكن هى زعلت ان ابوها جزار
مفيد فوزى : البنت ؟
هشام سعيد : ايوه يمكن زعلانة ان ابوها جزار
مفيد فوزى : طيب انت كجزار تنصحنى بايه خليك معايا انت بتبص فين انت فاكر نفسك ابراهيم حميدة ههه بتاخد الاعجاب من الناس رد على سؤالى انت كجزار تنصحنى بايه كمواطن ؟
هشام سعيد : بايه ؟
مفيد فوزى : ان انا اكل لحمة ؟
هشام سعيد :ما اللحمة اهى ادام حضرتك
مفيد فوزى : ايوه ياسيدى عند الجزار انا لما اروح عند الجزار
هشام سعيد :مش كل الجزارين زى بعضيها في جزارين بتغش وفى جزارين سليمة
مفيد فوزى : اللى بيغش ده بيبقى بيغش ازاى يعنى ؟
هشام سعيد : بيجيب المستورد يبيعة بلدى
مفيد فوزى :لحظة يجيب المستورد يبيعة بلدى ؟
هشام سعيد :اه
مفيد فوزى : هو البلدى اغلى ؟
هشام سعيد : اه طبعا
مفيد فوزى : المستورد بتجيبة بكام والدبيح البلدى بتجيبة بكام ؟
هشام سعيد : يعنى المستورد بحوالى مثلا 35 جنية
مفيد فوزى : يبيعة بكام ؟
هشام سعيد : يبيعة ب 50 وب 55 وب 60
مفيد فوزى : البرنامج ده يعنى تبنى حملة مقاطعة اكل اللحمة مش هيحصل حاجة فى الدنيا ما انت طول بالك مالك اتنفضت كدا ليه اتنفضت ليه طول بالك ليه مش ممكن ؟
هشام سعيد : لانه لاغنى لا بديل عن اللحمة
مفيد فوزى : افرض الناس فى مصر ربنا تاب عليها من اللحمة وقطعتها يعملوا ايه؟
هشام سعيد : برضه مش ممكن
مفيد فوزى : ما انا هقولك انا هقولك ؟
هشام سعيد : برضه مش ممكن
مفيد فوزى : انت ما تعرفش حاجة اسمها الفرضيات يعنى فى حاجة اسمها الافتراضات انا بقولك افرض ؟
هشام سعيد : اه هتولد ركود فى سوق اللحمة واللحمة ترخص
مفيد فوزى : اما انا سعيد بشكل على اجابتك بتقولى ركود فى سوق اللحمة واللحمة ترخص ايه رايك انى هتبنى هذه الحملة
هشام سعيد : كله هيخزن
مفيد فوزى : هو انت معاك سكينة .. برضه هذه الحملة