حديث المدينة

مفيد فوزى :لماذا الاهتمام بالمضارين فى سيول قرية الشديدة وابوالريش فى اسوان ليه لان دول ناس من بلدى ومن المهم ان نذهب اليهم من المهم ان نعرف الناس دى بالضبط حصل لها ايه من المهم نسمع اصواتهم من المهم ان انا افهم ايه التوليفة بتاعت السيول من المهم انه ما يبقاش راى اجتهادى لازم اسأل عميدالهندسة مسئول التربة رجل الرى لازم ابقى فاهم حقائق الاشياء للراى العام ما تبقاش المساله اجتهادية مبقاش اناعمال بس اقول كلام مرسل كدا لأ لازم تبقى الناس فاهمة مثلا مديرالرى قال لى ده مش سيل دى امطارغزيرة السيول لها طبيعة اخرى انما مما لا شك فيه انها رياح تيفوليه زى اللى شفتها فى يوم من الايام فى هونج كونج لما طيارة مصر للطيران هجمت عليها الرياح التيفوليه كسرتها واطاحت بمن فيها لسة ايامها كانت شديدة خلتنى افتكرالرياح التيفوليه احنا اتعرضنا للرياح التيفوليه لكن انها تأذى 84 برج كهرباء بيغذوا اسوان وبيوصلوا لغايه مصرمن هنا جئت للمرة الثانية عشان اعرف بالضبط الحقائق ونفهم ما تبقاش المسأله ان انا بغطى حاجة وانتهى الامرلأ لن يسقط سهوا حياة هؤلاء الناس ان هذا البرنامج خصيصا لمثل هؤلاءالبسطاء الناس دول هيسافروا ازاى مصريروحوا ازاى يقعدوا ادام العدسات وعشان كدا جتهم واعترف اننى تعذبت فا الحضور الى هذة القرية ليس بالشئ العادى مش مجرد ان انا جيت فى عربية فا العربية اللى توصل لهنا اخذت مساحة من الوقت لان الارض حصل لهاتجريف ومطروبلاوى لست اتحدث عن نفسى مستشهدا ولكن دورى فى حديث المدينة ان انقل أهات المدينة التحقيق صوت وصورة الجزء الثانى فى حديث المدينة
فاصل
مفيد فوزى : البرنامج ده يا حاجة مهمتة يسمع الناس دول ايه اسمة ايه البرنامج
أ/أ حمد بشير: حديث المدينة
مفيد فوزى:برافو المدينة بتتكلم فى ايه المرة دى المدينة اسوان المرة دى المدينة السيول المرة دى كارثة غيرطبيعية المرة دى تحدى بين الناس والطبيعة ولا انا غلطان ممكن تقولى لى افتحى قلبك وقولى لى ايه اللى بيضايقك ؟
مصطفى السيد:ان احنا فى الوقت الحاضر اللى احنا فيه دوت عايزين نعرف ايه هنوصل الى ايه المكان اللى هنقعد فيه وبعد كدا ودونا مكان بعيد عن بيوتنا هنا واحنا مش هنعرف نستقر فين
مفيد فوزى:يعنى انت شايفة ان سكنك فى مكان بعيد غلط ؟
أ/أ حمد بشير:وبعد كدا عندنا هنا الحتت البعيدة عن مخرات السيول ممكن يخلينا نسكن فيها
مفيد فوزى :هل انت عايزة تبقى جنب مخرات السيول
أ/أ حمد بشير:فوق هتبقى بعيدة هنا الجبل فوقنا ممكن ان احنا نبنى ونسكن فوق
مفيد فوزى: قولى لى قالوا هنا ايه يعنى عايز اعرف راي مسئول انتوا كام بيت دا انا عرفت ان فيه 521 بيت
مصطفى السيد: احنا هنا معندناش غير ست سبع بيوت بس دول هيسكنوا فين لسة ما نعرفش
مفيد فوزى :وانت عايشة عند مين ؟
أ/أ حمد بشير:عند الجيران اللى جنبنا لان طبعا الجيران كل واحد هيشيل التانى ده ساكن جنب ده الراجل جنب الست فده مش ادامى ابدا لان ده مش اسلوب معايا اطفال صغيره ومن البرد هنا مفيش يعنى هنقعد ازاى فيها لكن احنا كدا هنقعد عن الجيران
مفيد فوزى:انت عارفة فى حاجة انت متعلمة؟
أ/أ حمد بشير:اه
مفيد فوزى :لغاية فين ؟
أ/أ حمد بشير: واخ دة دبلوم تجارة
مفيد فوزى: دبلوم تجارة تعرفى معنى التكافل الاجتماعى ؟
أ/أ حمد بشير:ايوا
مفيد فوزىالتكافل الاجتماعى ده بيفيد المصرى والمصرية تفيد المصرية بتشيل بعضيها.
أ/أ حمد بشير:والاهل بتشيل بعضيها
مفيد فوزى :ودى صفة مش موجودة يمكن فى العالم انت عارفة لوواحد فى ايطاليا وقع فى الارض ولا حد يبص له
أ/أ حمد بشير:اهالينا ما بتسبش حد فينا يقعد فى خيم عمرما فى واحد من العيله هيسيب واحد من العيله بتاعتة والا قريبته تروح تقعد فى خيمة
مفيد فوزى:المهندس احمد بشيرمدير عام الرى فى اسوان هل حقا هنا معهد تابع وزارة الرى اسمة معهد فنى السيول ؟
أ/أ حمد بشير:هوفى معهد بحوث الموارد المائية
مفيد فوزى:منه السيول ؟
أ/أ حمد بشير:احد مهامة بقى الناس المتخصصين فيه دراسة السيول
مفيد فوزى :تسمح تقولى الناس دول قالوا لكم ايه لما حصلت سيول اسوان ؟
أ/أ حمد بشير:هى بداية نفرق ما بين سيل نفهم يعنى ايه كلمة سيل الاول
مفيد فوزى :اتفضل يا افندم
أ/أ حمد بشير:مياه غزيرة متجمعة فى اودية بعيدة بتيجى تنزل على مكان معين للتعامل معها اما بنصرفها بمخرسيل صناعى نعمل لها مجرى صناعى على النيل اللى حصل فى هذه المطقة بالذات ليس بسيل
مفيد فوزى :امال ايه ؟
أ/أ حمد بشير:ده مطر مباشر وادى لك مثال
مفيد فوزى :يعنى تعبير سيل من الناحية العلمياه خطأ ؟
أ/أ حمد بشير:اه
مفيد فوزى:دى امطارمباشرة ؟
أ/أ حمد بشير:مباشرة
مفيد فوزى:عاصفة ؟
أ/أ حمد بشير:عواصف وهواء اه ادى لسعادتك مثال
مفيد فوزى : اتفضل
أ/أ حمد بشير :فى القاهرة لو نزلت كمياه مطر هتتجمع فين فى اوطى مكان فى الانفاق اوفى اسفل الكبارى هذا المكان هواوطى مكان هنا بتتجمع فيه مياه مطر مباشرلكن لما نقول سيل فى نزل سيل فى وادى عبادى ومن فضل الله تم استيعابة نزل سيل فى منطقة فورابو سريرة - تم استيعابة باقل الخسائر
مفيد فوزى :بتستوعبة ازاى بتشفط؟
أ/أ حمد بشير:لأ مخرسيل صناعى باعمل له مجرى صناعى بيتوجه على النيل هذا المجرى بيسمح بتصريف كمياه المياة
مفيد فوزى: ليه هنا ازى الناس وبقى طوله مترونص ؟
أ/أ حمد بشير:لان المكان ده مصمم انه يبقى مخر سيل طبيعى غير نشط يعنى ايه غير نشط يعنى مخرسيل مش متصل باودية تجمع عليه مياه هى شوية المياه يجمع فيه المفروض الناس ما تبنيش فى الجزء الواطى
مفيد فوزى: لدرجة انها تهدم البيوت
أ/أ حمد بشير:ماهو المطر طبيعى المطر نازل شديد وبيوت مبنية بالطين
مفيد فوزى :لدرجة انه يوقع البيوت ويوقع ابراج الكهرباء
أ/أ حمد بشير:اللى وقع ابراج الكهرباء ده مش السيل الناس وصفوها بانها عواصف رمليه دى عصرت برج الكهرباء لكن كا سيل وكا مياه مياه اتجمعت فى مكان بعيد تنزل بكميات كبيرة تجتاح كل اللى فى وشها
مفيد فوزى:انت كمدير للرى فى اسوان ما اقتراحك المباشر حتى لا تتكرر هذه السيول وتؤذى؟
أ/أ حمد بشير:احناكسيول كوزارة الرى
مفيد فوزى :هو انت متوقع تليفون من وزير الرى دا انا اقفله فى ثانية حطة فى جيبك وقولى الناس اللى ساكنين هنا هل يرحلوا من هذا المكان ؟
أ/أ حمد بشير:هو المفروض كان فى مكان اعلى او ان هى يتعمل احتياطات ان لما يتبنى فى مكان اعلى يعنى اللى اثر فى حجم الكارثة ان معظم البيوت دى مبنية بالطين فالمطرالمباشر احد الاسباب للاسباب الثانية اللى يمكن ناس كثيرمش واخده بالها منها انها طبيعة التربة هنا طبيعة التربة فى معظم مدينة اسوان طبيعة خاصة اما تربة انهيارية واما تربة انفاشية .
مفيد فوزى: انتفاشية يعنى ايه تمتص المياه ؟
أ/أ حمد بشير:لأ انتفاشية يعنى لما يجيلها المياه بتنتفش وبيزداد حجمها سبع ثمن مرات حجمها ترفع اى حمل عليها مهما كان هذه التربة لها اساليب فى التعامل معاها الناس هنا طبعا لمساها وفهماها وطبيعة الناس ان مفيش امطار من سنين طويله فالناس بنت بالطريقة العادية يعنى علشان اللى بيبنى بيعمل احلال بيعمل تفريغ للموقع بالكامل ويجيب تربة جديدة رمل او اى تربة ثانية
بيبنى فى اى مبنة بالمسلح يعنى ممكن لو مبنى مسلح مبنى على تربة انتفاشية وحصلتها مياه المبنى ده هيتشرخ وهيتكسر فهى دى احد الاسباب والتربة الانهيارية برضه ان التربة دى فى منتهى الصلابة وبيصل اجهاد الكسر عليها اكثر من الخرسانة لكن بمجرد ما يجيلها المياه ده لفترة معينة بيصل الجهد من 250 كجم على السم متر مربع عملنا مجموعة بحيرات ومجموعة سدود اعاقة فى الاودية اللى كانت بتجمع مياة السيول وكانت بتمثل خطر جسيم على مناطق مصر النوبة وكومبومو اتعلمت مجموعه عبارة عن بحيرات وسدود اعاقة بحيرات وسدود اعاقة استوعبت خمسة مليون متر مكعب مياه الناس بتقول الحمد لله محصلش لنا حاجة فى كومبومو وفى النوبة والناس بتقول هوده ان جت مياه لكن وما وصلتوش هومحسش بيها تم استيعابها على بعد اكثرمن 50 - 60 كيلو ابعد من مناطق القرى والمدن
مفيد فوزى :هذا جهد مهندس مصرى للرى فى اسوان لم يعرف الاعلان ولم يظهر فى الصحف ولم يدلى بتصريحات ولا قابلتة امال فهى على الناصية ولا حاجة ولاول مرة بيقول هذه المعلومات حضرتك ظهرت قبل كده فى جهازاعلامى .
أ/أ حمد بشير:اه يمكن فى القناة الثامنه هنا عشان اوضح للناس ايه الفكرة
مفيد فوزى : قناة جنوب الوادى؟
أ/أ حمد بشير:قناة جنوب الوادى
مفيد فوزى : ندهتى لى وقلتى لى عندى كلمتين عايزة اقولهم قوليهم
سهير عباس ابراهيم :كارثة طبيعية ومن الناس اللى حصلت لهم كارثة فى البلد
مفيد فوزى : كان عندك بيت ؟
سهيرعباس ابراهيم:اه عندنا بيت فى نفس البلد
مفيد فوزى: ووقع ؟
سهيرعباس ابراهيم : جزء منه مش كله
مفيد فوزى :ليكى اولاد ؟
سهير عباس ابراهيم :لأ
مفيد فوزى :والبيت حصل له ايه؟
سهيرعباس ابراهيم: فى عندنا 3 غرف اتهدموا تماما والفرش بتعها يعنى مفيش مينفعش يصلح تانى يعنى
مفيد فوزى :قولى لى التعويض اللى قال عنه الرئيس اخذتوه
سهيرعباس ابراهيم :حاليا لحد الان لان فى بعض الناس بتدخل لان فى حصر للبيوت علشان التعويض
مفيد فوزى:خلينى اعيد الجمله تانى فى بعض الناس بتدخل تزايد قولى للناس يعنى ايه ؟
سهير عباس ابراهيم :فى ناس بتدخل مهياش فى البلد ناس تلاقى مكان هنا تروح دخله وكتبة اسمهامن المتضررين من السيول فبيحصل لبث يعنى صاحب المكان المضررفعلا مبيوصلش الى اى شئ طبعا فى لجان بتدخل على الطبيعة وعلى الواقع علشان ما يبقاش فيه اى ملابسات
مفيد فوزى: تسمحى لى اكلم الناس دقيقة يعنى الناس اللى لم تضاروجية من بره وعاوزة تخش فى العمليه علشان تأخذ بيوت اوتأخذ التعويض يعنى انا مؤمن ان المصرى كريم العنصر المصرى كريم العنصر يدخل حد يأخذ مكان حد يستحق التعويض ليه من غير ليه قولى لى مفيش لسة اى معلومات ؟
سهير عباس ابراهيم :والله هو الجهات المختصة طبعا احنا فى مصداقية تامة فى شفافيه بينهم فا بتوصل احنا عايزين يحصل حصر تام ويعمل جدوله والاماكن اللى هيوزع فيها الناس القرى اللى هتتبنى ويروح فيها الناس تتدرس بطبيعها تدرس ميكونش فيها اى مخاطر بعد كدا عشان ما نرجعش
مفيد فوزى:علشان ما نكررش الكوارس مرة اخرى ونمرة واحد تبقى بعيدة عن مخرات السيول ولا فى حضن الجبل تحت الصخور؟
سهيرعباس ابراهيم :وحضن الجبل زى ما بدينا امنين فيه
مفيد فوزى :سبحان الله حضن الجبل انتوا امنين فيه ؟
سهيرعباس ابراهيم :عشنا فيه
مفيد فوزى :امال الصخور اللى هتتشال اول فبراير دى ايه ؟
سهيرعباس ابراهيم:احنا فى الصخور احنا بنستعملها بنبنى بيها بنكسرالصخورالصخوركانت لاخر الجبل البيت هنا اهوكسرنا وبنينا بيها لان دى مواردنا الطبيعية بيشتغل عليها
مفيد فوزى:ايوا لكن دى الدولة عايزة تعمل بيوت اخرى لا تكون لها علاقة بالصخور انتوا كا طبيعة اسوان زى ما فهمت تحتموا بالصخور رغم ان الصخورقد يكون لها اثر عليكوا فظيع؟
سهيرعباس ابراهيم:مع حمياتنا بالصخوراحنا من بداية الفيضانات واحنا بنجرى على الصخور يعنى بتجرى تسيب البحر وتحتمى بالصخرلحين يرجع النهر طبيعى وترجع تمارس حياتها عادية جدا جدا فا احنا
مفيد فوزى: سمعتوا المعنى الناس بتهرب وبترجع للصخر لغايه المياه ما تهمد والنهر يرجع لطبيعتة
فاصل
مفيد فوزى:فى شروخ على السد اثنين التوربينات بتاعت السد محتاجة صيانة لازمة اتكلم يعنى عن امن السد المهم ؟
مصطفى السيد: فعلا تعريف مهم يعنى بالنسبة للسد العالى سياتك شايف يمكن الكاميرا تجيبة ده حجمة 17 مرة حجم الهرم الاكبر وطبعا مصمم بطريقة هندسية على اعلى مستوى بنعتبرة من معجزات القرن العشرين فلا اعتقد ولا يصل الى زهن احد مننا فى مصر هنا ان يحصل فى شروخ فى السد العالى طبعا التصميم الهندسى والمتابعة اليومياه نهايه السد العالى وخزان اسوان وبالتالى المتابعة اليومياه من انتاج شركة الكهرباء بتخلى الواحد مطمئن جدا انه مفيش اى حاجة على جسم السد العالى
مفيد فوزى:التوربينات؟
مصطفى السيد:التوربينات تنقسم عندنا قسمين توربينة كا توربينة وفى مولدات وفى اجزاء مساعدة اخرى عندنا كمروحة وتوربينة الا احنا غيرنا كل اجزاء التوربينة غيرناها باجزاء جديدة غير الاجزاء القديمة اللى كانت ركبة فيها حصل فيها بعض المشاكل علشان العمرالافتراضى بتعها انتهى فاحنا بنجيب معدات جديدة ليها عمر افتراضى اطول
مفيد فوزى :بتجبها منين ؟
مصطفى السيد:من الشركات العالمية بعمر افتراضى اطول علشان احافظ على تشغيل المحطة لسنوات قادمة
مفيد فوزى: خلى الناس تعرف يعنى ايه التوربينة ؟
مصطفى السيد:التوربينة هى عبارة عن مجموعة اجزاء ميكانيكة وكهربائية بتساعد على توليد الكهرباء من المساقط المائية المتاحة لدينا فالتوربينة جزء بيشتغل بالمياه يدور يولد كهرباء الكهرباء اللى احنا بنشوفها تبع المسقط المائى اذا كان المسقط المائى عالى زى السد العالى كده بيوفرلى مسقط مائى عالى كمياه الكهرباء اللى بتتولد اكبر
مفيد فوزى :احنا عندنا كهرباء غزيرة ؟
مصطفى السيد:احنا عندنا كهرباء حاليا من السد العالى وغيره
مفيد فوزى:امال بتغلى ليه لما انت قلت بتعترف ان احنا عندنا كهرباء غزيرة امال بتغلى ليه ؟
مصطفى السيد : ههههههههه انا عندى كهرباء تكفى الجمهورية كلها
مفيد فوزى:طب امال بتغلى ليه وانا لو سألت المهندس حسن يونس ؟
مصطفى السيد:ماهو دى مسأله تكاليف ماانت عارف سياتك المحطات علشان نطورها وتستمر المحطات دى فى العمل صارفين فلوس كثيرة يعنى علشان تبنى محطة بتكلف محطة 4 - 5 مليار انا التطوير اللى عملتة فى السد العالى ده علشان يطول عمر بتاع السد العالى وازود كمياه الكهرباء التربينة صارف عليه مليار و700 مليون جنية
مفيد فوزى :مليار؟
مصطفى السيد:اه مليار و700 مليون جنية علشان السد العالى واحافظ عليه لسنوات قادمة واحسن المعدات واحسن كفاءتها يعنى المولد عندنا الاول ب 700 مليون دولار الاول المولد كان ب 175 مليار دلوقتى بقى ب 200 مليار ليه انا صرفت عليه مبالغ كبيرة
مفيد فوزى:السد بتاعنا زى سد ايه ؟
مصطفى السيد :هو فى روسيا فى فى روسيا سدود زية بس اكبرمنه شوية فى عدد التوربينات عشان كمياه المياه اكبر هناك لكن فى سدود اكبر منه وفى سدود اصغر منه لكنة انا باقارنة بالسدود فى روسيا زى محطة ليننج راد - فى روسيا تقريبا
مفيد فوزى: لكن لا شروخ ؟
مصطفى السيد :لأ الحمد لله امامك السد العالى اهو لا شروخ ولا تسريب مياه والحمد لله
مفيد فوزى:والتوربينات ؟
مصطفى السيد: التوربينات بكفاءة عاليه
مفيد فوزى : وبيتجدد ؟
مصطفى السيد :وبيتجدد وكل ما تحصل مشكله فى اى معدة المعدات طبعا بتشتغل بيحصل مشاكل على مدارالسنين
مفيد فوزى: مشاكل زى ايه ؟
مصطفى السيد :مثل قطع الغيار بتعتها مش لاقيها فى السوق التكنولوجيا قدمت التكنولوجيا بقت قديمة حالياالسد العالى شغال على احدث تكنولوجيا فى العالم احدث تكنولوجيا العصرشغال بيها السد العالى ومحطات الشركة شغاله باحدث تكنولوجيا موجودة عندنا فى العصرليه علشان نحافظ عليها تستمرلسنوات قادمة بكفاءة اعلى من الاول
مفيد فوزى:السيول تأثر على......؟
مصطفى السيد :لأ الحمد لله
مفيد فوزى :الزلازل تأثر.....؟
مصطفى السيد:لأ الزلازل انت عارف مصمم على اقوى الزلازل والحمد لله لما حصل زلازال قبل كدا فى 82 محصلش حاجة ابدا
مفيد فوزى :العواصف التليفونية؟
مصطفى السيد :عندنا فى السد العالى لأ ما تأثرش على السد العالى السد العالى سرح شامخ لا يتأثروربنا حافظة ويحفظة على مدار السنين ان شاء الله
مفيد فوزى: يعنى اطمن وانا مروح؟
مصطفى السيد: اطمن وانت مروح وكل مصر تتطمن على السد العالى
فاصل
مفيد فوزى: انا لم اسمع هنا ان قوافل الصحة قد تحركت الى هذا المكان ؟
دكتورة : لأ انا شفتها
مفيد فوزى : شفتيها صححى لى قولى لى ؟
دكتورة :انا الحقيقة
مفيد فوزى :شفتى ايه ؟
دكتورة :نا لسة جايه من الطيارة
مفيد فوزى :اه
دكتورة :انا جيت انا وبنتى من نفسى يعنى لان انااصلا من اسوان فبالصدفة قابلت زميل هومدير مكتب سيادة المحافظ اسر انى امشى التاكسى اللى منتظرنى ولف معايا
مفيد فوزى :اه
دكتورة :الحاجات اللى انا محضراها كان فيهم عربيات وزارة الصحة وفيهم لأ شفتهم بعينى لأ شفتهم
مفيد فوزى :كويس اه دول بيروحوا كل الاماكن المضارة ؟
دكتورة :انا سألت د/حسين اللى حتى مندوب المحافظة اللى معايا
مفيد فوزى: جبتيهم من المحافظة ؟
دكتورة :هو قالى ما هوقال لى قالى دول من يوم ما حصل السيول ودول موجودين يعنى كان فيه اطفال ورونى واحد كان فى واحد كان سبع شهور انجرف مع السيل
مفيد فوزى: اتجرف مع السيل
دكتورة اتجرف حصل مآسى كثير والله يعنى حضرتك كويس بتقابلنى انا ما كنتش عايزة اظهر اعلاميا يعنى شخصيا انما الحقيقة انا عايزة اقول صدفة طيبة محدش استنى يعنى انا لولا ان انا اول طيارة لقيتها فانا وبنتى حضرنا حاجات قعدنا ليلتين نحضر ايه اللى هنجيبة
مفيد فوزى:مؤونة يعنى مؤونة؟
دكتورة :اه جبت حاجات يمكن ما حدش يفكر فيها
مفيد فوزى: فهمينى فهمينى ليه الاصوليه بيرفضوا ياخذوا مأونة من الغريب؟
دكتورة :دى كرامة ودى شيمة اهل الصعيد الحقيقة بس انا من اهل الصعيد
مفيد فوزى :اه ا ه علشان كده هما بتقبلوا باعتبار انك جريبنهم ؟
دكتورة :ايوا جريبنهم اه اه
مفيد فوزى :انما من الغرباء لأ يعنى الناس اللى بتقول رايحة توزع مؤنة
دكتورة :لأ انا دخلت وسلمت على الستات وشفتهم وكل حاجة وقلت فى حاجات محدش فكر فيها اديتها لهم
مفيد فوزى :انت حاسة المجتمع المدنى قدريلعب دور فى الحتة دى ؟
دكتورة : والله انا عارفة ان فيه قافله جايه بتاعت بنك الطعام وكان فى يعنى من غير ذكر اسماء شركات كثيرة قالوا ان هى هتوصل الاحد انا اعتقد ان فيه حاجات
مفيد فوزى:تسمحى لى اقول لك فى حاجات ؟
دكتورة :اتفضل
مفيد فوزى :على فكرة لقمة العيش فى هذه الارض ليست مشكله الناس بيشيلوا بعض.
دكتورة : بيشيلوا بعض جدا
مفيد فوزى :وبيعملوا اكل لبعض والاروانة تكفى 100.
دكتورة :بالضبط
مفيد فوزى :واوعى تفتكرى ان بنك الطعام بنك مش عارف ايه اقول لك اللى فى قلبى.
دكتورة :اتفضل
مفيد فوزى :احيانا يبقى سوق اعلامى ردعلى ؟
دكتورة :والله ما اقدرش اقول لان دى ناس كلها بدافع يعنى بدافع نفسهم انا ما اعتقدش بتوع بنك الطعام
مفيد فوزى:انا بكلم دلوقتى وكالة وزارة.
دكتورة :مش جايه بصفة رسميه انا جايه
مفيد فوزى:مش قادرة تنطق زى اللى فى قلبى فتقول ايه استنى بس انه نوع من التكافل القوى المدنية تساعد ؟
دكتورة : طب ليه يا استاذ مفيد بتقول كده؟
مفيد فوزى : الاصوانلى اصوانلى زى ما فهمت بيرفض انه يقيم فى خيم الايواء اول مرة انا باقابل معدن الناس فى اسوان انت منهم بس انت بيضة
دكتورة :عندهم لالا
مفيد فوزى :معندكيش السمرة بتاعت الاصوانلى ؟
دكتورة : لأ يعنى معروف عن اهل اسوان ان هما فعلا كرامتهم عاليه قوى وهماتكافلوا مع بعض يعنى انا شفت حتى الواحد كان بيقف
مفيد فوزى :تكافلوا مهم قوى اه .
دكتورة : بتقولى اخواتى كذا جارتى كذا
مفيد فوزى :نعم بكده يا دكتورة ان الشديدة اللى هى نجع لازال شديد ؟
دكتورة:الحمد لله
مفيد فوزى: متهيأ لى يا افندم المنطقة دى زى ما بيتقال منطقة غيرامنه من السيول
دكتورة: دايما نقول ان المنطقة دى دخله فى حزام الزلازل
مفيد فوزى :هل دى منطقة دخله فى حزام السيول ؟
دكتورة: حضرتك فى مخرات صناعية وده موجود اربع مخرات صناعية ودى عملاها وزارة الرى بتجيب المخر كله لحد النيل وده ممنوع اى اقتراب منه تماما دول كانوا شغالين المخرات الطبيعية فى حاجات بسيطة جدا واسوان كلها فى المخرات الطبيعية دى فهنا مهمتنا ان احنا نحول المخرات الطبيعية والصناعية بعيدا عن المنازل ده وضع بقى قائم وكل اللى حضرتك شفتة فى المنطقة الجليه فى السد العالى وده قبل بناء السد العالى كان كل المنطقة دى بيطلع للمزارع الاسوانى ي طلع فى منطقة جبليه يبعد عن اثار الفيضان من اثار الفيضان بيزرع ارضة فجنب ارضة حضرتك شايف المنطقة كلها حوالى 25 كيلو فوق الطريق الزراعى
مفيد فوزى:الاخطاء يا افندم اللى بيرتكبها فيما يتعلق بالسكنى تحت الصخور او بجوارالمخرات ؟
دكتورة هى الاماكن دى
مفيد فوزى :بامانة
دكتورة: بامانة بامانة هى الناس دى عايشة اكثر من 80 سنة حضرتك قلت الاجداد موجودة ده بيت الاسرة اللى هو حضرتك بيبقى 500 متر الف مترده بيت اسرة من 80 سنة مش من انهاردة فا انهاردة نتيجة التغيرات الجوية نتيجة العوامل الناخية ونتيجة ونتيجة فى بعض الصخور وحصرناها فى كليات العلوم والهندسة واتحصرت والناس ابتدت تخلى من اليوم ده موضوع خارج السيول بقى المناطق دى هتخلى من انهاردة وهنبدا
مفيد فوزى : اللى هى فى حضن الصخور ؟
دكتورة: ايوا
مفيد فوزى :سؤال نفسى يا افندم هى الناس هنا بتحتمى فى الصخور رغم ان الصخور دى تحتها بلاوى
دكتورة:لأ برضه
مفيد فوزى : قولى مدى احتماء الانسان بالطبيعة ؟
دكتورة:بقول لحضرتك الطبيعة قبل السد العالى الصدمات دى اللى اجبرت المزارعين تطلع بعيد لان الفيضان كان بيغمر الارض ومكنش فى طريق زراعى ويهرب من الفيضان ويطلع الجبل بعيدا عن الفيضان ماهو اسوان كلها حضرتك ما بين جبلين الشريط كله جبل ومفيش مكان غير ده عشان يبنى فيه المدينة كلها انما كل الاحياء فى منطقة مخرات السيول من 80 سنة انهاردة بنحاول نعمل بحيرات طبيعية قبل الحى نعمل سدود قبل الحى لمجابة الفيضانات السدود اسف
فاصل
مفيد فوزى :بكلم حضرتكوا من فوق سطح احد البيوت لكن المرة دى ده بيت بخرسانة فا من المؤكد انه هيب هيبقى اكثر صلابة فى مسأله السيول من البيوت الاخرى الهاشة اللى بتتحول الى بيوت من كرتون على فكرة انا معنى فى كل موضوع اعمله ان انا اسمع صوت العلم مهم جدا ان ما تبقاش المسأله اجتهادية صحيح انا قابلت ناس متخصصين فى اماكنهم لكن انا حريص اسمع صوت العلم علشان كدا سألت عن رجل العلم فى هذه البلد وعرفت انه دكتورعبد الله ابراهيم هوعميد هندسة اسوان واستأذنكم فى دقائق اتكلم معاه هل يا دكتور احمد
د/ عبد الله ابراهيم :عبد الله
مفيد فوزى :نعم هل يا دكتور عبد الله انت شاعر ان التربة هنا ممكن تكون هشة نسبيا فيما يتعلق بالشبكات اللى وقعت وحصل لها تويست واتهزت وسقطت 84 شبكة كهرباء ؟
د/عبد الله ابراهيم :بسم الله الرحمن الرحيم هو لا اعتقد ان ابراج الضغط العالى ان التربة تحتها هو طبعا فى دفرات زى ما باسمع من زمان فى كليه هندسة او جولوجيا فى كليه علوم ان فى طبقة طفليه بتخليها لكن الابراج عامة هى بسرعة الرياح وكانت فى بعض الرياح دوامياه بتروح واخده شكل حلزونى
مفيد فوزى :اللى بيسموها فى الشرق الاقصى رياح التيفون ؟
د/ عبد الله ابراهيم :بالضبط
مفيد فوزى :اللى هى تلف ؟
د/ عبد الله ابراهيم: تويست كدا
مفيد فوزى :وتبلع الحاجة
د/ عبد الله ابراهيم :هى دى السبب الرئيسى فى ابراج الجهد العالى اللى هى اتقصفت او وقعت
مفيد فوزى:بتعمل ايه التربة انت حضرتك عميد هندسة تخصصك كهرباء اسوان قولى ايه الدرس المستفاد علشان نعرف فى المرات القادمة نفهم
د/ احمد ابراهيم: طبعا هو الدرس المستفاد ان احنا الحاجة اللى زى كدا بيبقى داخل فيها اقدار داخل فيها الطبيعة لما بتفور بتيجى فى صورة زلازل فى صورة براكين اعاصير اى منطقة فى العالم يعنى كله معرض
مفيد فوزى: بس ماهى دى منطقة غير امنه مناطق السيول مصرفى صعيد مصر فى حزمة السيول ؟
د/ احمد ابراهيم :تمام المنطقة اللى احنا فيها دى بتيجى منها سيول منطقة اللى فيها غرب النيل الصحراء اللى فيها ابراج الجهد العالى هى سيول مش السيول اللى دمرت الرياح لكن هنا المنطقة اللى احنا فيها دى اعتقد من بعد احداث الدويقة مباشرتا استخرج سيادة المحافظ تقرير من كليه الهندسة وكليه علوم مع بعض
مفيد فوزى :قلتوا له ايه
د/عبد الله ابراهيم :عملوا دراسة لمدة ثلاث شهروتقريبا وقدموا تقرير على القطعة الصخرية اللى هى اتزلزلت واتحدت مناطق اسوان كلها اشد خطورة من غيرها واعتقد من فترة يمكن شهرين قبل السيول دى ما تيجى بدا سيادة المحافظ يعد العدة
مفيد فوزى:طيب فهمنى دلوقتى حضرتك بتقول ان دى منطقة واقعة تحت الصخور وممرات ومخرات السيول ايضا هل حدث انه تنبية او تحذير اوصورة من صور المستقبليات ان ممكن اسوان تتعرض لمثل هذه السيول ؟
د/ عبد الله ابراهيم:لأ طبعا دى معروفة يمكن التوقيت اتغير السنة دى لان هى جاءت مرتين ثلاثة فى توقيتات شهر 2
مفيد فوزى: يعنى انا اعرف من دكتورالفرماوى اللى هو مديرتطوير العشوائيات اعرف منه ان هذه المنطقة تقع فى خريطة السيول ؟
د/عبد الله ابراهيم :ايوا هو معروف ان السيول بتيجى
مفيد فوزى:لما يتعرف ان السيول بتيجى الدوله مفروض تعمل ايه ؟
د/عبد الله ابراهيم :هى المفروض طبعاانا كنت حاضراحد اللقاءات اللى كنا بنروح نقابل فيها الناس دول كلهم بنهيأهم نفسيا من شهورقليله على ان المحافظة تعمل لكم مساكن بديله بعضهم بيقولك لأ الناس الكبار فى السن بيقولك لأ عايز اموت هنا وادفن هنا طبعا بتبقى عايزة تكثيف الشباب بيقول اه ابنوا لنا فى مكان تانى واحنا نروح لكن ليه هما بيختاروا المخر بتاع السيل نفسة حرف واطى بين جبلين بتبقى مريحة ان هو يبنى فيها عايز طوب وحجارة
مفيد فوزى:ويخلص؟
د/عبد الله ابراهيم: ويخلص حاجة بسيطة
مفيد فوزى :طب ماهو اللى حصل اهو.
د/عبد الله ابراهيم: اشد خطورة
مفيد فوزى:اتفرج اتفرج
د/عبد الله ابراهيم: ولولا لقيت المياه اتشفطت ارتفاعها وصل مترين
مفيد فوزى: بيقولى الراجل متر ونص
د/عبد الله ابراهيم :اه عامت الناس ايوا فعلا ما انا كنت واقف معاهم
مفيد فوزى :يعنى انا عايزاقولك ان السيل لما جه داس الناس انت عارف زى ايه داس زى ايه زى الجطر شايف الجطر داس النا س زى الجطر اتفضل؟
د/عبد الله ابراهيم:الحاجات بتاعت الناس عامت على وش المياه لولا ان السرعة المياه بتتشفط بموتورات وتروح المزارع بتاعت النخيل بتاعت السكة الحديد طبعا كان ممكن اضرارتبقى اكثر لكن هى طبعا دى حاجة متوقعة ومعروفة
مفيد فوزى: شف انت قلت انا بسالك بقى علميا حضرتك قلت ايه حاجة متوقعة ومعروفة لكن هل السيل جه بدرى؟
د/ عبد الله ابراهيم :هو التوقيت اتغير بيجى فى ابريل او فى نوفمبر هو المرة دى اول مرة يجى فى التوقيت ده بالذات وخصوصا ان المحافظة
مفيد فوزى :هل هو مفاجئ ؟
د/ عبد الله ابراهيم: هو طبعا بيجى انا فاكر اليوم ده كان الجو صحو لحد العصروكنت باولادى فى اسوان مفيش خلال نص ساعة كان كل الدنيا اتغيرت والرياح جاءت يعنى كان كله بسرعة رهيبة يعنى كان قبلها قل بقى تخصص ارصاد جوية يكونوا متوقعين حاجة لكن انا ما سمعتش فى التليفزيون فى الليله ديت
مفيد فوزى : هل الارصاد الجوية تتحمل بعض المسئوليه ؟
د/ عبد الله ابراهيم: صراحة انا ما سمعتش فى اليوم ده او يوم قبله تحذير بيقول ان فى حاجة جايه
مفيد فوزى :لوكان فى تحذير؟
د/عبد الله ابراهيم :كان على الاقل انا عن نفسى انا جنبهم ومن خلال الجهات المشاركة
مفيد فوزى: فى فال شوف المفارقة السيل جرف كل شئ ولم يجرف الطبق اللى بيتفرجواعليه .
د/عبد الله ابراهيم :بتاع الدش
مفيد فوزى :بتاع الدش بيتفرجوا فيه على الكورة وعلى هيفاء وهبى .
د/عبد الله ابراهيم :انا كثير والله فى لقاءات بقول له الفلوس اللى بتعمل بيها ده اسس بيها بيت احسن بالخرسانة
مفيد فوزى:بدل الدش لكن تعمل ايه فى المزاج دى عايزة دراسة اخرى؟
د/عبد الله ابراهيم :سلوك اجتماعيات اه
مفيدفوزى :هل هو سيل والا زى ما قال لى احد الاساتذة الافاضل فى كليه الهندسة قال لى ان
دى امطارغزيرة كثيفة ؟
مديرالموقع :هو الحقيقة امطار كثيفة فعلا
مفيد فوزى: وليست سيل بالمعنى المفهوم ؟
مديرالموقع: المفهوم عن السيل
مفيد فوزى:ارجو انك تقول للناس يعنى ايه سيل بالمعنى المفهوم ؟
مديرالموقع: سيل بالمعنى المفهوم بيبقى معروف فى مناطق محددة هتنزل امطارغزيرة كمياه محددة طبعا بتتحسب من بيانات تاريخية
مفيد فوزى:اشهر سيل فى مصر امتى ؟
مدير الموقع : فى سيل شهير حصل فى 87 فى سيل ايضا شهير حصل فى سنة 75 تقريبا
مفيد فوزى:خطورته ؟
مدير الموقع :خطورتها كمياه الامطار هى بتختلف انما المطر لما ينزل على منطقة انحدارها كبيرالمياه بتتجمع فيها من رواسب مختلفة احنا ما بنحسش بهذة الروافد وبعدين تتجمع وتنحصر فى انحدار شديد تاخذ ماهو امامها البيوت
مفيد فوزى:وممكن شبكات التليفون والكهرباء ؟
مدير الموقع:اه ممكن فى الاندفاع ده لماتاخذ معاها ركام يبقى الخطورة اكثر
مفيد فوزى :يعنى ايه كلمة ركام يفهموها الناس؟
مدير الموقع :حطام مثلا مجموعة من البيوت يبقى فى احجار بتندفع مع المياة يبقى بقى خطورتها اكبر لانها ممكن تحدث اصابات اكثر
مفيد فوزى: هل الرياح التى اقتلعت شبكات الكهرباء هل هى اشبة برياح التيفون فى الخليج فى الربع الخالى ؟
مدير الموقع:انا ما اقدرش اقول انها اه لان انا مش متاكد انها رياح
مفيد فوزى:مش متأكد انها رياح
مدير الموقع:لأ
مفيد فوزى :ما الذى اوقع الشبكات الى هذا الشكل المزرى ؟
مدير الموقع:ممكن يكون فى اكثر من سبب
مفيد فوزى :اتفضل
مدير الموقع: ممكن يكون جزء منها شدة رياح ادت الى تلامس بعض اسلاك كبلات اوممكن يكون صواعق ممكن حضرتك لما تشوف انا طبعا احتمالات البرج اللى اتنى 00 لازم يكون تعرض لرياح شديدة جدا خلت الحديد ده ينثنى او ان هو مر فى تيار كبير جدا ادت الى ان هو ارتفعت درجة حرارتة فا انثنى يعنى الاحتمالات كبيرة لازم يتم دراستها منقدرش نقولها كدا يعنى شفاهتا
مفيد فوزى: فى امر السيول والتنبؤ بها هل هناك سيول كانت واردة بالنسبة لتغيرات المناخ فى العالم او هو اجتهاد متواضع منه ؟
مدير الموقع:لأ هو طبعا تغيرات مناخية فى العالم بتؤدى اوادت فعلا الى تغيير فى النمط الجوى فى مناطق مختلفة يعنى كمثال مثلا زى ما كلنا ملاحظين ان الجو فى الشتاء دلوقتى ادفئ مما احنا متعودين بتيجى موجات برد لفترات قليله الصيف حاسين ان هوفترة امتدت لوحظ فى الخمسين سنة الماضية ان درجة حرارة الجوالمتوسطة ارتفعت فى التغيرات المناخية
واضحة منقدرش نقول ان هو مش موجود
مفيد فوزى :هل كشعور انه وارد ان تهاجم السيول مرة اخرى هذه المناطق ؟
مدير الموقع :اه وارد
مفيد فوزى :وارد هل اقمنا العوائق ؟
مدير الموقع :مش بالكامل
مفيد فوزى:هل اقمنا الممرات اللى تقفل على المياه ؟
مدير الموقع : لأ لسة مش بالكامل
مفيد فوزى :هل الحياة تحت جدار الصخور مفيد بالنسبة لحياة هؤلاء البشر ؟
مدير الموقع : اه طبعا كل ما يجرى تحت السطح له تأثير على البشر
فاصل
مفيد فوزى:هل انتهى الامر لأ هل تسقط هذه القرية فى التعتيم هل تحدث انها تسقط سهو هل هو برنامج وانتهى ساعود بعد فترة لاعرف الاتى هل اخذ الناس مستحقاتهم فى عمليه التعويض اثنين هل بنوا لهم بيوت بالفعل؟ هل عاشت الفترة مرة اخرى لللامان؟ ولا كنا بنهزسلامو عليكوا