حب وعزاء ونداء

يا أخواتي وإخوتي‏..‏ يا كل المصريين أناديكم باسم الحب يا مسيحيين ويا مسلمين وبكل الصدق أقول لكم يا طيبين اللي جرا ده عمل إرهابي يبكي البكا والقلب حزين وسما اسكندرية قايدة فيها النار لغاية راس التين وألف آه علي اللي جرا في كنيسة القديسين قتل‏..‏ دمار‏..‏ خراب‏..‏ الحقونا يا أهل الذمة والدين وأقول للإرهابيين‏:‏ دي خسة ونداله وأنتم مرضي نفسيين قتلتم ودمرتم أرواح طاهرة للرب مصليين عابدين إيه اللي فادكم بعد ده كله يا خدام الشياطين أنا عزيزة أم أحمد معظم حبايبي مسيحيين وأحب جيراني فادية‏,‏ إيفون‏,‏ اقلديوس‏,‏ وأم حسين وليه إسكندرية الجميلة تدنسوها في الالام يا مجرمين في اليوم ده بكانا وحزننا كان شديد بعد ما كنا فرحانين والنتيجة يا كفره‏:‏ مصر اصبحت أسرة واحدة مترابطين والحكومة واحنا نرتب بيتنا من جوه كده نلغي الطامعين وحياة ابن مريم العذراء والنبي أحمد المذكور في الإنجيل هو ده اللي حصل لنا بعد عدوانكم يا شياطين‏.‏
عزيزة غيث
فنانة تشكيلية وشاعرة وأديبة