الماء والزيت

تلقيت محاضرة على الواتس آب لمجموعة موده للإرشاد السري أكثر من رائعه وتلخص الكثير من حال الزوجات ولو فهمنا ما بها لما طال الحزن كل زوجة ولما طال الخلاف منزل ولكن الفهم وحدة لا يكفي لابد من التطبيق لذلك أحببت أن أنقلها لكم لتعم الفائده.
بدئت المحاضرة بسؤال المحاضر كم زوجه معنا فرفعت معظم الحاضرات ايديهن فابتسم و سال سؤاله الثاني بطريقة روتينية,كم واحده سعيده في زواجها؟ لم يرفع راسه حتى ليرى العدد كانما هو يعلم ان ولا واحده سترفع يدها!! وبالطبع الكل حاضر ليعرف كيف يصل للسعاده.
مبدئيا لابد من حفظ كلمه أساسية سيبني عليها الحوار كله (أحنا الزيت وأنتو الميه) ولاحظ علامات البلاهة على وجوه الحاضرات فقال موضحا,,الست زي الميه,ليها كل خصائصها,خفيفه..سهلة الغليان..سريعة التبخر..تبرد بسرعه..عنصر أساسي في الحياه..زيادتها تموت..و قلتها تموت.
الزيت,ثقيل..يأخذ وقت ومجهود أطول لكي يصل للغليان..ما بيتبخرش..بيأخذ وقت أطول بكثير لكي يبرد..حارق وممكن يؤدي الي كوارث لو لم نتعامل معه بحرص.
هل ينفع نقارن الزيت بالميه؟ فرد الجميع بصوت قوي لأ,وطلب من الجميع حفظ هذا الرد,وبدء بالحديث عن الزوج العادي الطبيعي تماما و قال:الرجل يقبل بأدنى درجات الحب وقاطعته إحدى الحاضرات و قالت(أدنى أزاي؟؟دا لو مش كل حاجه عشره على عشره يطلع عيني)فرد عليها عشان " انتِ " بتحبي جوزك فبتبقي عايزة تعملي كل حاجة على ..احسن اكل,كل يوم صنف واتنين, هدومه مكوية اول باول,ولاده نضاف والبيت والخ الخ الخ, الراجل مش عاوز كل داعلى فكرة .. ولا حتى واخد باله من كل دة!
يعني لو حضرتك ريحتي نفسك شويتين هيكون عادي عنده برضه,وهنا أرتفعت شاهقات الحاضرات,,فأكمل مسرعا الراجل ما يفرقش معاه كل محشي ولا فول النهاردة سمك ولا بصارة وعدس المهم انه ياكل ويشبع .. بس!!
مش مهم عنده انتي بتغسلي الهدوم اول باول وبتستعملي المسحوق الفلاني اللي بيطلع البقع والمعطر العلاني عشان الهدوم ريحتها تبقى مفحفحة ولا بتكوي يوميا اولا.. المهم عنده انه يلاقي هدومة مكوية يلبسها وهو خارج و بس!!بدئت الحاضرات ينظرن الي بعضهن غير مصدقات.
الرجل له الخطوط الأساسيه التي يعيش بها,,الرجل لا يفهم شئ اسمه التفاصيل ولا يعرفه ولا عمره هيآخد باله منها والدليل أنك لو صبغتي شعرك مش هيآخد باله أنما لو أقرعيتي احتمال ينتبه وتعالت الضحكات وأكمل,,أحنا مش زيكم..أحنا"زيت"بيركز في مكانه ومالوش في التفاصيل الكتير,انا محبش أدوش مخي لأنه مدووش أصلا بالشغل والمصاريف و دول كفايه عليه.
لو عاوزة تكوني زوجه سعيده مش مفروض تموتي نفسك عشاني!!انا عاوز منك الخطوط الرئيسية أديهالي وبس!!صعبه ديه؟
وجاء سؤال من إحدى الحاضرات(يعني الحق عليا أن بآجي على نفسي عشان أعمل كل حاجة حلوه وأحسن حاجة؟) فرد المحاضر بسؤال (مين قالك تعملي كدا؟)و كان الرد صادما لها و كرر(جوزك طلب ده؟)فردت لأ
بس ده جزائي أني بآجي على نفسي عشانه؟رد عليها ببرود..حضرتك ضحيتي بأختيارك بتحاسبيه هو ليه؟ليه بتخدي دور الأم الكامل مع أنك مجرد زوجه.
أهم قاعده في الزواج السعيد..1-أعملي اللي في مقدرتك و ليس أكثر من مقدرتك لأنه كزوج هيعمل اللي فى مقدرته وبس.
وطبعا ليس كل الرجال يتساوون هناك تخصص بمعنى..زوج عاشق للاكل سعادته في تنوع الاصناف و طريقة التقديم..زوج عاشق للمرأه الجميله سعادته في جمال زوجته و لكن المشكله تقع حيت يكون الزوج عاشق للاكل وزوجته فائقة الجمال وفاشله في الطبخ هنا هو فاقد اهتمامه لا يمكن يكون في سعاده ومن هنا تتضح القاعده الثانية2-أوفر مجهودي للشئ الذي سيحدث فرق عند زوجي(عشان لا أهدر طاقتي ولا أضيع وقتي)
3-متشليش شيله مش شيلتك..الزوج طول الوقت بيتعامل كابن ولو اتعاملتي كأم انتى أكتر واحده هتندمي.
قواعد بسيطة وسهله عليكي دراسه نوعية زوجك واهتماماته ليس أكثر من ذلك لكي لا تهدري طاقتك فيما لا يشعره بالسعاده وتظل الحلقه مفقوده بينكم.
Shoroukayad@gmail.com
لمزيد من مقالات شروق عياد