إنجي وجدان: «محدش يخس علشان تعليقات غبية»

شنت الفنانة إنجي وجدان، هجوما حادا علي منتقديها بسبب زيادة وزنها.
وقالت وجدان عبر تويتر:" ناس كتير مش فاهمة رسالتي عن الوزن الزائد. رسالتي واضحة و صريحة للناس الي بتعلق على شكل البنت. الصحة اولا طبعا و لكن مش الشكل افهموا بقى، و كفاية نعاير الناس بشكلهم، في ناس عندها اسباب للي هي فيه، و ربنا على فكرة لو كان عايز كان خلقنا كلنا رفيعين".
وأضافت :" ربنا زي ما خلق الفقير والغني والطويل والقصير خلق الرفيع والتخين، عادي يعني، الصحة طبعا مهمة وزيها العمل النفسي اي حد طول ما هو تحت ضغط مش هقدر يعمل حاجة، ولكن لما يكون مرتاح نفسيا هيقدر ياخد قرارات صح علشان نفسه".
كما تابعت :" بنات كتير بيزيدوا في الحمل وانا منهم، وعادي هنرجع زي الاول، وممكن احسن، بس مش لازم طول الوقت احس اني مش مرتاحة بسبب تعليقات سخيفة، وانا يوم ما ارجع اخس ده علشان نفسي انا بس، وده المهم، محدش يخس علشان حد ولا لانه مش مرتاح من تعليقات غبية، كل واحد محتاج يبص كويس في المراية قبل ما يعلق على حد، بصوا كويس قوي قوي لان مافيش حد perfect".