طبيب التجميل نادر صعب بعد الفيديو الصادم ل ريهام سعيد: "هحبسها" (خاص)

خرج دكتور التجميل نادر صعب عن صمته، ليعلق على اتهامات الإعلامية ريهام سعيد له بتشويه وجهها، بعد إجرائها عمليات تجميلية على يديه.
وكشف الدكتور نادر صعب، في تصريحات خاصة ل'أهل مصر'، حقيقة تشوه وجه ريهام سعيد بسبب عملياته، قائلا: 'الجروح والخياطات بتكون لازمة بعد أي عملية، هي بس حبت تعمل ترند كالعادة، على حساب سمعة الناس، زي ما اتحبست سنة في قضية فتاة المول، وأنا كمان هحبسها بسبب تشويه سمعتي في مصر ولبنان'.
طبيب التجميل نادر صعب يرد على ريهام سعيد
وعن مقاضاة ريهام سعيد، قال دكتور التجميل اللبناني نادر صعب: أنا قدمت شكوى ضدها في مصر، وفي لبنان، وهاخد حقي بالقانون، ومعايا ما يثبت أن ريهام كانت جيالي العيادة مشوهة.
أول تعليق من الدكتور المتهم بتشويه وجه ريهام سعيد
وكانت ريهام سعيد، قد نشرت على صفحتها الرسمية بموقع انستجرام، الفيديو للحظة خضوعها للعملية وظهرت في الفيديو وهي تجري العملية ووجها مفتوح، وكتبت: "أما الدكتور يشوهك ويبقي مشغول بيطلع الموبايل بيتكلم عشان يوريك أنه كان بيشيل اي بتنجان".
وأضافت: 'لما الدكتور ما يراعيش مشاعر المريضة ويبعت لها فيديو ووشها مفتوح، ولما الدكتور يخلي واحده تعيش حزينة و مقهورة علي خلقتها اللي راحت، هل ده له أي علاقة بمعايير الطب أو الرحمة يا عالم'.
واختتمت: 'يارب فوضت أمري إليك لا إله إلا الله سبحانك إني كنت من الظالمين، يارب يارب يارب حقي يرجع'.
القصة الكاملة لاتهام ريهام سعيد لطبيب تجميل بخداع الجمهور وتشويه وجهها
كشفت الإعلامية ريهام سعيد، من خلال فيديو عن أزمتها مع أحد أطباء التجميل في مصر حيث قالت: ''أنا كنت زي القمر، يدوب كل الفيلر اللي في وشي عشان يبين إني كنت مكرمشة، طيب أنا كنت مكرمشة وأنت شوهتني''.
وتابعت من خلال فيديو عبر صفحتها الرسمية على موقع تبادل الصور والفيدبوهات ''إنستجرام': ''عايزة أقول حاجة بس أخيرة إن الدكتور بيقول اللي حصل دا نتيجة عمليات التجميل الكثيرة قبل كدا، هو لما خرج من غرفة العمليات الواضح إنه كان عارف النتيجة بس مقلش هو سعيد بالنتيجة دي''.
وأكملت: ''الأستاذ مش هقول عليه الدكتور، بيقول إني عملت عمليات تجميل كتير قبل كدا، أنا عملت عملية تجميل واحدة من عشر سنين، عملية لما كنت مليانة وخسيت فكان عندي ترهلات في وشي، وكانت العملية عند دكتور إدوارد عبد النور، وصورت بعدها مسلسل قلوب''.
وأردفت: ''أنا ممكن اللي ضيعني إن الدكتور بتاعي مات بفيروس كورونا في بيروت، وكان دكتور محترم وعلامة، الدكتور دا مصورني وأنا في التخدير بعين مفتوحة وعين مقفولة، وبيقولي عنيكي دي مش بتقفل أي حد بيتخدر عينه مش بتقفل، وممكن وأنا نايمة أخلي ولادي يصوروني، وأنشر الصورة دي أنا بغمض عادي''.
وأتمت بالقول: ''عشان شيلت فيلر أو حطيت دا ملوش أي علاقة بالعمليات دي، زي مبيقول لأنه أصلا إحنا متفقين إنه ميلمسش عنيا''.