ياسمين عبد العزيز عن أصعب موقف بمرضها:"اتفاجئت بالأمعاء برة بطني وأنا قاعدة في الأوضة"

تحدثت الفنانة ياسمين عبد العزيز تفاصيل المحنة الصحية الصعبة التي مرت بها منذ مؤخرا، وذلك في لقائها التي تطل به لأول مرة على جمهورها مع الإعلامية منى الشاذلي ببرنامج "معكم"، المذاع عبر قناة "CBC".
وقالت ياسمين عبد العزيز:"كنت بموت بعد العمليات اللي عملتها والم لا يحتمل.. لحد ما جه يوم عرفة .. الدنيا كلها دعتلي.. كنت بموت يا منى لكن بعد عرفة بقيت بنادمة تانية طلعوني من العناية لاوضة قعدوني في الاوضة ..بقيت بعرف اتكلم أنا واحدة كنت بموت بس ربنا سخر الناس تدعيلي وردت فيا الروح ..وأنا قاعدة فى الأوضة ببص لاقيت معدتي برة ..الأمعاء برة بقولهم ايه ده قالوا بسبب العملية وتسمم الدم وبطنك اللي اتخرمت لازم يبقى كده.. شعور أني الاقي امعائي برة بطني شعور غريب".
وتابعت ياسمين عبد العزيز:المهم تعاملت مع الوضع وبقيت خلاص يغيروا على بطني وينضفوا .. بس حصلت حاجة غريبة أوي قعدت لمدة شهر ولا بضحك ولا بعيط عندي صدمة ..أحساس صعب من داخلة أعمل عملية ساعتين لاقيت نفسي في فيلم تاني.. وكنت هموت وانزل دمعة مش عارفة ومش عارفة اضحك".
وأضافت:"بعد ماسافرت افتكرت حاجة حكهالي العوضي قبل مدخل أعمل العملية بأسبوع جاتلي مسج اللي بعتهالي أول مرة يبعتلي في حياتي مين التربي.. عمره ما بعث رسالة.. وأنا بحب أروح الترب كمان. بعتلي رسالة عبارة عن فيديو أنهم يجهزون لي التربة".
العثور على جثة متسابقة America's Got Talent في منزل صديقها.. تعرف على التفاصيل
إلهام شاهين عن منتقدي إطلالات مهرجان البحر الأحمر: عالم تافهة
زوجة "أبو" عن حادث نجلهما: أصيب بارتجاج في المخ.. و40 ساعة تقيؤ "دم" (فيديو)