ياسمين عبد العزيز باكية:"عملت عمليتين في نفس الوقت..وكانوا فاكرين إني بدلع"

كشفت الفنانة ياسمين عبد العزيز تفاصيل المحنة الصحية الصعبة التي مرت بها منذ مؤخرا، وذلك في لقائها التي تطل به لأول مرة على جمهورها مع الإعلامية منى الشاذلي ببرنامج "معكم"، المذاع عبر قناة "CBC".
وقالت ياسمين عبد العزيز: "رحت عشان اعمل العملية الدكتور قاللي العملية هتاخد وقت حوالي ساعتين أو 3 ساعات، قلت تمام.. دخلت العملية ومحدش يعرف كان معايا أحمد وبنتي و صحبتي، وبعدين دخلت عملتها أنا بقى هحكي كياسمين شفت ايه.. فيه فترة أنا مش عارفة فيها حاجة ومش فاكرة حاجة خالص كنت شبه في غيبوبة.. نرجع للعملية عملتها وبعدين عملت الأكياس دي كان في عملية تانية في نفس الوقت، اللي هي كانت خاصة بدكتور التجميل اللي بيقفل بطني عشان متسبش أي أثر".
وتابعت ياسمين: "طلعت من العملية ألم رهيب جدا عمالة بصوت و بقولهم أنا بموت.. في الوقت ده الدنيا اتوترت حوليا، المهم في تفاصيل في النص أنا مش فكراها لاني بعد ما طلعت من العملية مش فاكرة حاجة من كتر المسكنات والمخدر، مكنتش بعرف أعمل اي حاجة بقولهم بس بموت وكانوا فاكرني بدلع..أنا مش بدلع وست حمولة، لما أكون بتوجع أوي يبقى حقيقي".
العثور على جثة متسابقة America's Got Talent في منزل صديقها.. تعرف على التفاصيل
إلهام شاهين عن منتقدي إطلالات مهرجان البحر الأحمر: عالم تافهة
زوجة "أبو" عن حادث نجلهما: أصيب بارتجاج في المخ.. و40 ساعة تقيؤ "دم" (فيديو)
ومرت الفنانة ياسمين عبد العزيز مؤخراً بأزمة صحية شديدة بعدما خضعت لعملية، وتعرضت لخطأ طبي أدى إلى تدهور وضعها الصحي، قبل أن تسافر إلى سويسرا لاستكمال رحلة علاجها، ثم إعلانها في شهر سبتمبر الماضي عن تعافيها من مرضها.