محال ننسى جمال

محال ننساك يا جمال
ننساك إزاى يا خال
فيه حد ينسى الجمال ؟
-----------
كانت الشهامة والوسامة
والكرامة علامة
على شط القنال تتقال
---------
واتأممت القناه لينا
واتعدلت الحياه فينا
واتزينت مراسينا
والمينا عاد شغال
---------
طال الغياب
ووحشنا الخِطاب
ودقة الأحباب ع الباب
نقوم نسمعك فى الحال
----------
كان الكلام موزون
أسلوب وصدى ولون
نقعد على القهوه على سهوة
يجينا قانون
فيه حق لبلدنا أو حق لأولادنا
ومددنا رب الكون
-----------
كان الهوا فايق
والبال كان رايق
والكل كان سايق
سايق الدلال بجمال
-----------
يوم وحدة القطرين
كان الطريق مترين
بينا وبين سوريا
دى الوقتى عدنا فين
إتفرقوا الحبيبين
وف بالنا ألف سؤال
-----------
ع السد ياما قُلنا
قلنا وصولنا وجولنا
دى الوقتى ليه عُدنا
مشغول عليه البال
----------
مرسى مهوش قاسى
ولا تايه ولا ناسى
كراسة و كراسى
ياما مدح فى جمال
-----------
كُتب التاريخ بينا
نفتحها تديلنا
إيه اللى عمله جمال
----------
تاوى التراب الزعيم
وفى جيبه ولا مليم
الدور على اللئيم
اللى حكمنا سنين
هو وإبنه جمال
---------
الفاتحة ليك واجبه
والفرحة بيك حاجبة
دمعة وليلها طال
تبكى مع الموال
مصر الحبيبة جمال