بقينا ملطشة

البلد حتروح أشأشة
والقفا بقى ملطشة
زهقنا من كتر الكلام
والسلام والبقششة
--------------
الخطوط الحمرا تاهت
والكرامة بالسلامة إنداست
وآدى الولاد الحلوه ماتت
واللى جاى يا دوب دردشة
---------------
غرقانين فى الكنافة
والدماغ مليان هيافة
سايبين جنودنا وحدودنا
وقاعدين نفكر فى النضافة
--------------
مش حنستنى الكلام والوعود
ولا المواعظ والدعاء للجنود
ولا شجب ولا لطم الخدود
جه وقت ردع مفهوش لطافة
---------------
على الفطار قاعدين بنبكى
معدش فينا حد يشكى
تارنا لازم ناخده بإيدينا
وتاريخنا لازم يوم حيحكى
--------------
يكون فى عونك يا أمنا
ابنك شهيد فى ذمة ربنا
ابنك بطل سهران لنا
شباب بيحمونا م الكلاب
متحفزين ومتربصين بنا
--------------
يا مشير ورينا يلا
الدماء عزيزة والله
الدماء دى ف رقبتك
والشهيد عيونه طالة
--------------
الجهاد الجهاد الجهاد
والعون من رب العباد
مين إللى موت الولاد
واحنا قاعدين بُلاد
إحنا قاعدين فى المدينة
وسينا مطمع لكل العباد
سينا لينا بتنادينا
إمتى هيلين الفؤاد
----------------