عصام شهيد مباراة بورسعيد

ما أنا قلت لك
يا ابنى بلاش اليوم تروح
أنا شفت فى النشرة الليلادى
زوبعة
حبة قلق
حبة جروح
ما بلاش ضنايا
عشان دموعى اليوم تروح
رن الجرس
وعصام مرايته اتكسرت
والصورة فيها اتعكرت
وكأن فى الصورة القروح
وكأنى روحى اتحركت
على فين تروح
وعصام هناك
شاف الهدف
رفع العلم
يهتف يا ناس
وتهف روح
خلص الكلام
وأنا جنب صورته
إزاى أنا أضحك وأنام
وأنا عينى بتلف المكان
والقلب ما له بيتوجع
يصرخ عصااااااااااااام
رن الجرس
قلبى اتخرس
وسمعت صوت صرخة وجع
رن الجرس
وقالوا لى
مات
مين اللى مات!!!!!!
والطيف يلف بغرفته
وأنا لسه حاضنه هدمته
وبلف عينى بشملته
يا حزن هااااااااااات
مين اللى مات!!!!!!!!
وفضلت اقلب فى الحاجات
صورته مع الشلة الجميلة
جنب دفتر ذكريات
وعرفت ليه الصورة
واقفة فى المراية
ساكته بترد السلام
مستنيه يرجع عصام