مكتوب فيها الحب يا مصر

ترابك حنة فى كف الإيد
عشق لكل قريب وبعيد
شوق بيخلى القلب سعيد
كحل لأحلى صبية يا مصر
****
شمسك نارها تطهر روحنا
وقت الجرح تداوى جروحنا
تشعل نار الحب فى روحنا
لعندك قبل رضاكى يا مصر
****
نيلك أحلى غسول لدموعنا
خيره كتير ولا عمرنا جُعنا
دموعه تزيد لو حس وداعنا
وعلى أنغامه نغنى يا مصر
****
رئيسك عمره ما كان فرعون
الفرعون ما يحب يخون
هدفه يعمر هدفه يصون
هدفه تاريخ وحضارة يا مصر
****
ضحكت ناسك دايماً حضرة
بوجوه نضرة وقلوب خضرة
ووقت الحزن بتفضل صبره
وبيكفيها هواكى يا مصر
****
الغلبان ياما غنى باسمك
الخطاط ياما زخرف اسمك
ولا إبداع أحسن من رسمك
إنتِ يا أم الدنيا يا مصر
****
تاريخك معروف للإنسان
اسمك مذكور فى القرآن
جندى أمن وأرض أمان
تاج على راس الكل يا مصر
****
مسجد مبنى فى حضنه كنيسة
محمد حاضر أفراح عيسى
ولا فيه حد لحد فريسة
كلنا واحد فيكِ يا مصر
****
أرضك طمعان فيها الكون
بيحاربونا وبكل جنون
أغبياء فكرنا نهون
يوم على أرضك إنتِ يا مصر
****
مش عارفين إننا عشاق
يوم ورا يوم نحصد أشواق
وعمر الحب ما كان أوراق
مكتوب فيها الحب يا مصر
****