الكتكوت أكل الحداية

والله يا مصر أنا شوفت كتير فى حياتى الماضية، دايماً كنت باشوف إن الحداية تأكل الكتكوت.
بعد الثورة شوفت لأول مرة فى تاريخ الكون إن الكتكوت أكل الحداية.
كتاكيت مصر واقفة شجاعة اللى يموت منها ويتعور يفقس غيره م البيضة على طول ويجرى ويوقف جمب إخواته علشان يبقى عددهم زايد ميخسوش.
والحداية تخطف واحد أو تأخد عينه أو يتعور، والكتكوت واقف صامد عمره ما فكر، يمسك مطوه أو يحرق مصنع كان بيفكر يصمد بس وحاطط أمله فى بكرة وبس.
والحداية من كتر ما أكلت منهم حست إن اللحم بتاعهم سم عليها، داخت وقعت فى شباك الكتاكيت.
لازم تعرف الحداية اللى بتحكم مصر الوقتى إن الكتاكيت بيدوخوا فيهم إما يشوفوا مطالبهم صح أو هيجيلهم يوم موش هيلاقوا إلا شباك الكتاكيت يدخلوا فيها.