الرئيس السيسى يفتتح مدينة أسوان الجديدة.. الرئيس يجرى جولة بالمدينة والكورنيش.. ويتفقد معرض الحرف اليدوية وإحدى الفيلات.. ويوجه بتخصيص 200 مليون جنيه من "تحيا مصر" لدعم الصناعات الحرفية.. ويؤكد: تراثنا جميل

الرئيس السيسى" "الصناعات الحرفية مكسب لمصر"
الرئيس السيسي: كل قرية لازم يدخلها صرف ومياه شرب.. ومصر جمايلها علينا كلنا

أجرى الرئيس عبد الفتاح السيسى منذ قليل، جولة تفقدية بمدينة أسوان الجديدة وكورنيش المدينة ومنطقة الإسكان والفيلات، وتفقد الرئيس عبد الفتاح السيسى، منذ قليل معرض الحرف اليدوية والتراثية بمدينة أسوان الجديدة.

ووجه الرئيس عبدالفتاح السيسي، بتخصيص عائد 200 مليون جنيه من صندوق تحيا مصر لصالح دعم الصناعات الحرفية، وقال ان الدولة معنية بالحفاظ على التراث وإحيائه.
وتفقد الرئيس عبد الفتاح السيسى، أحد الفيلات بمحافظة أسوان، وذلك خلال تفقده منطقة الإسكان والفيلات بمدينة أسوان الجديدة.

وتفقد الرئيس السيسى والدكتور مصطفى مدبولى، رئيس الوزراء، غرف الفيلات، واطمأن على كافة التشطيبات في الفيلا.

واستمع الرئيس السيسى، لشرح الدكتور مصطفى مدبولى، والمسئولين، حول تشطيبات الفيلات في مدينة أسوان الجديدة.

وأعربت إحدى السيدات النوبيات عن سعادتها البالغة لمقابلة الرئيس عبدالفتاح السيسي، وقالت: "إحنا في غاية السعادة لما تهل علينا يهل علينا الخير والبركة شعب أسوان بيعشق تراب رجليك علشان حضرتك طيب القلب وأب كريم، بنشكر كل الناس القائمين لأنهم اتاحوا لنا فرصة نقابل سيادتك وجها لوجه ، وده شرف.

وقالت خلال تفقده مشروعات الشريط النهرى السياحي في أسوان، : "احنا سعداء جدا.. النوبة بتشكر حضرتك شكر خاص جدا".

ورد الرئيس السيسي قائلا: "انا اللى سعيد" ..نعملهم منفذ والناس تفتح هنا..كما وجه الرئيس السيسي يعرف المواطنين هذه المنتجات الموجودة في الإسكندرية وبورسعيد والناس كلها".
وقال الرئيس عبد الفتاح السيسي، لعارضي المنتجات التراثية بكورنيش أسوان: "إحنا عاملين في العاصمة الجديدة مكان كبير للتراث، محتاجين لما يطلع يبقا قوى جدا علشان الصورة اللى احنا بنديها للناس احنا فين ؟ فلازم المجموعة اللى تخش معانا تكون قوية قوي ومحترفة جدا لان الفرصة الى هتبقا موجودة.. مش فرصة مكسب، ولكن مكسب لتاريخ مصر والدول كلها بتعمل تاريخ، احنا عندنا تاريخ وتراث جميل".

وأضاف الرئيس السيسي خلال تفقده كورنيش أسوان: "عاوزين نحييه بناس فاهمة كويس وشاطرة في الموضوع بحيث لما نبدأ تكونوا راجعتوه.. فرصة للأماكن، بس قلت للدكتور مصطفى معنى إن فيه إحلال عاوزين كل اللى عندنا نحط الحاجة ذات الجودة العالية ويبتدي نبني عليها وهخلي تحيا مصر تدفع للمكان الغالي قوى لمدة سنتين".
وأكد الرئيس عبد الفتاح السيسي، أن مصر جمايلها علينا كلنا، مشيرا إلى أن مبادرة "حياة كريمة" ستغطي جميع القرى خلال 3 سنين، مضيفا: "خدنا أول تلت اللي هو أصعب حاجة هاتقولى فيه حاجت صعبة هقولك اللى احنا اخترناه كان أصعب ".

وقال الرئيس السيسي خلال تفقده كورنيش أسوان: "التلت ده يخلص في سنة هنعمل فيه الصرف الصحي ومراجعة الميه والصرف والكهرباء والطرق وتبطين الترع وتوفير الغاز والاتصالات.. بنتكلم على دولة بتخش على كل ريف مصر صعيد دلتا والتوابع ده موضوع مش متنقى.. مش هنسيسب حد البرنامج لكل قرية في مصر لازم يخشلها صرف صحى وميه شرب وكل قرية ممكن يخشلها الغاز هيدخل والاتصالات والنت واللى حاجات دي.. ولو مفيش مدارس لو المستشفى هنعمل ثم المحليات بتاعتها.. أملنا عند ربنا إن في 3 سنين نقدرنوفى بالوعد ده من الدولة المصرية.. كهرباء يعني إيه؟ ممكن يكون جودتها بتقطع شوية احنا بنتكلم عن جودة كهرباء حقيقية".

وتابع الرئيس السيسي: "بعد 6 شهور هنخش على التلت التاني وياخد سنة، وبعد سنة نخش على التلت الأخير، يبقا كده خلصنا الريف بتاع كل قرى مصر وتوابعها.. احنا باصين لكل ريف مصر من الجيزة والصف لغاية أسوان والبرنامج الموجود "حياة كريمة" هنغطي كل الملاحظات ويا رب بارك لمصر".