ياسمين عبد العزيز: أنا مش بهرج فى شغلى وقلت مسلسل "اللى مالوش كبير" هيكون سبب طلاقى

قالت الفنانة ياسمين عبد العزيز: "أنا مش رقيقة مع أحمد العوضى، وكنت مقررة معملش مسلسل تانى وارجع السينما بعد ما تخلص أزمة كورونا لكن كورونا مخلصتش".
وأضافت ياسمين عبد العزيز، خلال لقائها ببرنامج معكم، المذاع على قناة سى بى سى والذى تقدمه الإعلامية منى الشاذلى: "قلت أعمل مسلسل، وعُرض علىّ فكرة مسلسل أنا وأحمد العوضى، وشوفت الشريط قدامى إيه اللى هيحصل بينى وبين أحمد، إنى هشتغل مع جوزى".
وتابعت ياسمين عبد العزيز: "أنا في شغلى مش بهرج، فقلت إن المسلسل هيكون سبب طلاقى، وده فكرة مش كويسة وبعد ذلك دخلنا المسلسل".
من جانبه قال الفنان أحمد العوضى: "عُرض علىّ فكرة عمل مسلسل مع ياسمين، ورفض وقلت له أنا بحب ياسمين ومش عايزة أطلقها ولكن دخلت المسلسل، فياسمين رجعت من مسلسل رومانسى ناجح للغاية (ونحب تانى ليه)، وأنا خارج من مسلسل ناجح جدا وهو (الاختيار) في دور عشماوى، ولكن عمرو ياسين عمل شخصيات بارعة في مسلسل اللى مالوش كبير".